BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرلى جەر: استانادا جاقىن كۇندەرى قۇجات قابىلداۋ باستالادى

فوتو: ашық дереккөзден

ەلوردادا «نۇرلى جەر» مەملەكەتتىك تۇرعىن ٴۇي قۇرىلىسى باعدارلاماسى شەڭبەرىندە قۇجاتتاردى قابىلداۋ 2018 جىلعى 3 قازانىنان باستاپ جاريالانادى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى «نۇرلى جەر» مەملەكەتتىك تۇرعىن ٴۇي قۇرىلىسى باعدارلاماسى شەڭبەرىندە استانا قالاسىندا كوممۋنالدىق تۇرعىن ٴۇي قورىنان تۇرعىن ۇيگە مۇقتاجدار تىركەۋىندەگى كەزەكتىلەر ٴۇشىن قۇجاتتاردى قابىلداۋدى جاريالايدى.

حالىقتىڭ قالىڭ جىگىن تۇرعىن ۇيمەن قامتاماسىز ەتۋ ماقساتىندا قازاقستان رەسپۋبليكاسى ۇكىمەتىنىڭ 2018 جىلعى 22 ماۋسىمداعى № 372 قاۋلىسىمەن «نۇرلى جەر» مەملەكەتتىك تۇرعىن ٴۇي قۇرىلىسى باعدارلاماسى (بۇدان ٴارى – باعدارلاما) بەكىتىلگەن.

وسى باعدارلاما شەڭبەرىندە «قازاقستان يپوتەكالىق كومپانياسى» يپوتەكالىق ۇيىمى» اكسيونەرلىك قوعامىنىڭ تۇرعىن ٴۇيى» (بۇدان ٴارى – «قيك» يۇ» اق تۇرعىن ٴۇيى)، حالىقتىڭ بارلىق ساناتتارىنا ارنالعان «قازاقستاننىڭ تۇرعىن ٴۇي قۇرىلىس جيناق بانكى» اكسيونەرلىك قوعامىنىڭ تۇرعىن ٴۇيى (بۇدان ٴارى – «قتقجب» اق تۇرعىن ٴۇيى») باعىتتارى بويىنشا تۇرعىن ۇيلەردى جۇزەگە اسىرۋ قاراستىرىلعان.

«قيك» يۇ «اق» باعىتى بويىنشا 80 پاتەردى ساتىپ الۋ مۇمكىندىگىمەن جالعا بەرۋ ىسكە اسىرۋ جوسپارلانۋدا. تۇرعىن ٴۇيدى ساتىپ الۋ قۇقىعىن 20 جىلعا دەيىنگى مەرزىمگە جالعا بەرۋ ۇسىنىلماق.استانا قالاسى، لەپسى كوشەسى مەكەنجايى بويىنشا ورنالاسقان كوپپاتەرلى تۇرعىن كەشەنىندە جالعا بەرىلەتىن تۇرعىن ٴۇيدىڭ 1 شارشى مەترى 838 تەڭگەنى قۇرايدى، ونىڭ ىشىندە: 25 – 39،34-تەن – 41،51-گە دەيىن ش.م ٴبىر بولمەلى پاتەر; 41 – 54،71-دەن – 67،37-گە دەيىن ش.م ەكى بولمەلى پاتەر; 14 – 76،88-دەن – 77،69-عا دەيىن ش.م ٴۇش بولمەلى پاتەر.

«قتقجب» اق تۇرعىن ٴۇيى» باعىتى بويىنشا باعدارلاما شارتتارىنا سايكەس استانا قالاسىندا كوممۋنالدىق تۇرعىن ٴۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار (كەزەكتەگىلەر) كەلەسى ساناتتار بويىنشا قابىلداي الادى: كوپبالالى وتباسىلار، تولىق ەمەس وتباسىلار، مۇگەدەك بالالارى بار نەمەسە تاربيەلەپ وتىرعان وتباسىلار، جەتىم بالالار، اتا-اناسىنىڭ قامقورلىعىنسىز قالعان بالالار، ورالماندار، مەملەكەتتىك قىزمەتشىلەر، اسكەري قىزمەتشىلەر، ارناۋلى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى، 1 جانە 2-توپتاعى مۇگەدەكتەر.

وسى باعىتتاعى قاتىسۋشىلاردى قالىپتاستىرۋ مىنا كىشى توپتار مەن ولشەمدەرگە سايكەس جۇرگىزىلەتىن بولادى:

1-كىشى توپ – جوعارىدا كورسەتىلگەن ساناتتاعى كەزەكتە تۇرعاندار، كەمىندە 3 جىل نەكەدە، بالالارى (بالاسى) بار جانە جۇبايلاردىڭ ەكەۋىنىڭ دە جاسى وتىز بەس جاسقا تولماعان (باعدارلاماعا قاتىسۋعا ٴوتىنىش بەرۋ ساتىندە)، سونداي-اق بالالاردى (بالانى) جاسى وتىز بەسكە تولماعان، ونىڭ ىشىندە اجىراسقان، جەسىر/تۇل قالعان اتا-انانىڭ ٴبىرى عانا تاربيەلەپ وتىرعان «تولىق ەمەس وتباسىلار»; 2-كىشى توپ – 1-كىشى توپقا ەنگىزىلمەگەن، جوعارىدا كورسەتىلگەن ساناتتاعى كەزەكتە تۇرعاندار.

«قتقجب» اق تۇرعىن ٴۇيى» باعدارى بويىنشا استانا قالاسىنىڭ اكىمدىگى مەن «قازاقستاننىڭ تۇرعىن ٴۇي قۇرىلىس جيناق بانكى» اكسيونەرلىك قوعامى (بۇدان ٴارى – «قتقجب» اق) اراسىندا استانا قالاسىندا №№ 23-31، 23-16، 23-17، 23-30، ا98 (جوبالىق اتاۋلار) كوشەلەرى قيىلىسى اۋدانىندا كوپپاتەرلى تۇرعىن ٴۇي كەشەنىندە ورنالاسقان 4 كلاستى جايلىلىقتى، تۇرعىن ٴۇيدىڭ 1 شارشى مەترى 120 تەڭگە بولاتىن 21 پاتەردى ساتۋ بويىنشا 2016 جىلعى 26 شىلدەدە ىنتىماقتاستىق تۋرالى كەلىسىمگە قول قويىلعان. ونىڭ ىشىندە: 3 – 39،4-تەن – 42،48-گە دەيىن ش.م ٴبىر بولمەلى پاتەر; 15 – 57،59-دان – 58،43-كە دەيىن ش.م ەكى بولمەلى پاتەر; 3 – 76،97-دەن – 78،06-عا دەيىن ش.م ٴۇش بولمەلى پاتەر.

تۇرعىن ٴۇي ٴوز قاراجاتى نەمەسە تۇرعىن ٴۇي قۇرىلىس جيناعىنان، نەسيە ەسەبىنەن تىكەلەي ساتىپ الۋ ارقىلى جەكە مەنشىككە بەرىلەدى. تولەم قابىلەتتىگى راستالماعان جاعدايدا تۇرعىن ٴۇي 8 جىلدان اسپايتىن مەرزىمگە ساتىپ الۋمەن جالعا بەرىلەدى.

«قتقجب» اق تۇرعىن ٴۇيى» باعىتى بويىنشا باعدارلاما شارتتارىنا سايكەس استانا قالاسىندا كوممۋنالدىق تۇرعىن ٴۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار (كەزەكتەگىلەر) مىنا ساناتتار بويىنشا قاتىسا الادى: جەتىم بالالار، اتا-اناسىنىڭ قامقورلىعىنسىز قالعان بالالار، ۇلى وتان سوعىسىنىڭ مۇگەدەكتەرىنە جانە قاتىسۋشىلارىنا تەڭەستىرىلگەن تۇلعالار، جاسىنا قاراي زەينەتكەرلەر، ورالماندار، تولىق ەمەس وتباسىلار، مەملەكەتتىك قىزمەتشىلەر، اسكەري قىزمەتشىلەر، ارنايى مەملەكەتتىك ورگانداردىڭ قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى.

قۇجاتتاردى قابىلداۋ ٴوتىنىش بەرۋشىنىڭ ەلەكتروندىق سيفرلىق قولتاڭباسىن قولدانۋمەن، e.astana.kz ۆەب-پورتالى ارقىلى عانا جۇزەگە اسىرىلادى، «قيك» يۇ» اق تۇرعىن ٴۇيى» جۇيەسىندە - 2018 جىل 3-5 قازان ارالىقتارىندا (قوسا العاندا)، «قتقجب» اق تۇرعىن ٴۇيى» جۇيەسىندە - 2018 جىلعى 10 - 12 قازان ارالىقتارىندا (قوسا العاندا). پورتالدىڭ جۇمىس ىستەۋ ۋاقىتى – تاۋلىك بويى.

تۇرعىن ٴۇيدى الۋعا ۇمىتكەرلەرگە قويىلاتىن نەگىزگى تالاپتارمەن مىنا سىلتەمەدەن ٴوتۋ ارقىلى تانىسۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي