BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرلى جەر» ارقىلى 4 ايدا 32 مىڭعا جۋىق پاتەر سالىندى ەكسكليۋزيۆ

ەلباسىنىڭ تىكەلەي تاپسىرماسىمەن ەلىمىز كولەمىندە «نۇرلى جەر» باعدارلاماسى قولعا الىنعالى دا كوپ بولا قويعان جوق. بۇعان دەيىنگى حالىقتى باسپانامەن قامتاماسىز ەتەتىن باعدارلامالاردىڭ بارلىعىن بىرىكتىرگەن «نۇرلى جەردىڭ» 2017 جىلعى العاشقى ٴتورت ايداعى قورىتىندىسى دا شىعىپ ۇلگەردى. ەندەشە ٴبىز وسى ۋاقىتقا ساراپتاما جاساپ كورەيىك.

«نۇرلى جەر» باعدارلاماسى جۇزەگە اسىرىلا باستاعالى بەرى قازاقستاندا قانشا باسپاناعا مۇقتاج جاندار بار ەكەنى بەلگىلى بولدى.

«قازىرگى ۋاقىتتا بىزگە انىق بولعانىنداي 1،3 ملن ادام جەرگە كەزەكتە تۇر. ال 800 مىڭعا جۋىق ادام «تۇرعىن ٴۇي جيناق بانكتە» سالىمشى. ونىڭ سىرتىندا 400 مىڭداي ادام اكىمدىكتەردە ٴۇي كەزەگىندە تىركەلگەن. «نۇرلى جەر» باعدارلاماسى ارقىلى ٴبىز اۋەلى وسى ادامداردى باسپانامەن قامتاماسىز ەتەمىز. ونىڭ ىشىندە مۇمكىندىگى شەكتەۋلى، باسپاناعا وتە مۇقتاج، از قامتىلعان وتباسىلار ٴبىرىنشى كەزەكتە الاتىن بولادى» - دەيدى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ باس ساراپشىسى ساراجان ابايقىزى.

دەمەك وتكەندەگى ٴبىر سۇقباتىندا قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ باسشىسى مارحابات جايىمبەتوۆتىڭ «15 جىلدا 1،5 ملن حالىقتى باسپانامەن قامتاماسىز ەتەمىز» دەگەن ٴسوزىنىڭ نەگىزى وسى بولدى.

سونىمەن 2017 جىلدىڭ قاڭتارىنان بەرى ەلىمىزدىڭ ٴاربىر وڭىرىندە قۇرىلىس جۇمىستارى باستالىپ كەتكەن. جىلىنا 25 ملرد تەڭگە ٴبولىنىپ، ٴار وبلىستا 150 باسپانا سالۋ كوزدەلگەن باعدارلامانىڭ العاشقى قارجىسى 2017-2019 جىلدارعا نەگىزدەلگەن. بيىلعا بولىنگەن قارجىعا ەلىمىز بويىنشا 311،3 مىڭ شارشى مەتردى قۇرايتىن 5936 پاتەر سالىنادى دەپ جوسپارلانعان.

ال العاشقى ٴتورت ايدا جالپى كولەمى 3801،7 شارشى مەتردى قۇرايتىن 31751 پاتەر سالىندى. مۇنىڭ 43 پايىزى جەكەلەگەن باسپانالار بولسا، 57 پايىزى كوپپاتەرلى تۇرعىن ۇيلەر.

ازىرگە «نۇرلى جەر» باعدارلاماسىن جۇزەگە اسىرۋدا استانا قالاسى كوش باستاپ تۇر.

ەلوردادا باعدارلاما بويىنشا اۋدانى 1156،0 مىڭ شارشى مەتردى قۇرايتىن 11585 پاتەر سالىنسا، ەكىنشى ورىندا تۇرعان الماتى قالاسىندا جالپى اۋدانى 714،6 مىڭ شارشى مەتر بولاتىن 4606 پاتەر سالىنعان.

«نۇرلى جەر» بويىنشا العاشقى ۇشتىكتى ازىرگە ماڭعىستاۋ وبلىسى تۇيىندەپ تۇر. كولەمى 320،8 مىڭ شارشى مەتر بولاتىن 2468 پاتەر بوي كوتەرگەن.

ال كوش سوڭىندا سقو كەلەدى. ول ٴوڭىردىڭ ەنشىسىندە ازىرگە جالپى اۋدانى 23،1 مىڭ شارشى مەتردى قۇرايتىن 186 پاتەر سالىنعان. بۇل ارينە، بيىلعى جىلدىڭ العاشقى ٴتورت ايىنىڭ كورسەتكىشى ەكەنىن ەسكەرتەمىز.

ەندى ٴبىر ماسەلە بار، قازىرگى ۋاقىتتا بۇل سان از. ياعني، جىلىنا ٴار وڭىرگە 150 پاتەر دەگەن از ەكەنى انىق. وسىدان بولىپ، اكىمدىكتەر بۇل ساندى كوبەيتۋدى سۇراپ وتىر قازىرگى تاڭدا. دەگەنمەن، از بولسا دا، ٴتيىمدى پايدالانىپ، ناعىز مۇقتاج ادامداردىڭ باسپانالى بولۋى ەڭ ماڭىزدىسى. الايدا، ٴبىزدى وسى جاعى الاڭداتقانىن جاسىرىپ قايتەمىز، سەبەبى ٴبىر باسىندا 4-5 ٴۇيى بار، ونىڭ بارلىعىن جالعا بەرىپ قويىپ وتىرعان جاندار از ەمەس. ٴبىزدىڭ بۇل كۇدىگىمىزگە جاۋاپ بەرگەن كوميتەت قىزمەتكەرى «نۇرلى جەر» باعدارلاماسىنا ٴبىر ادام ٴبىر-اق رەت قاتىسا الادى» دەگەندى العا تارتتى.

«كۇدىگىڭىز ورىندى. باعدارلامانىڭ شارتى بويىنشا ٴبىر ادام (18 جاستان اسقان – رەد.) ٴبىر-اق رەت قاتىسا الادى. ٴبىراق، ول ٴوزىنىڭ اق-الال اقشاسىنا ساتىپ السا، قانشا ٴۇي السا دا ەركى بار عوي. دەگەنمەن ٴبىز ونىڭ قانشا باسپاناسى بار، ولار كىمنىڭ اتىنا تىركەلگەن دەگەن اقپاراتتى تەكسەرە المايمىز. سەبەبى ونى تەكسەرەتىن ارنايى ورىندار بار. مىسالى ٴسىز «نۇرلى جەردەگى» ٴۇيدى بانك ارقىلى العىڭىز كەلسە، ٴسىزدىڭ قۇجاتترىڭىزدى بانك تەكسەرەدى. بانك ارقىلى العاندا سالىمشىسى رەتىندە بانك ٴسىز نەشە ٴۇي الام دەسەڭىز دە بەرەدى. نەمەسە اكىمشىلىككە باسپاناعا تىركەۋگە تۇرىپ، سول ارقىلى العىڭىز كەلسە، وندا ٴسىزدىڭ قۇجاتتارىڭىزبەن حقكو اينالىسادى. كەزەكتە تۇرساڭىز ٴبىر عانا ۇيگە يە بولاسىز. سودان كەيىن بارىپ، «نۇرلى جەردەن» باسپانا الا الاسىز. ونىڭ وزىندە ٴار وڭىردەن ارنايى قۇرىلعان باسپانا تاراتۋدى قاداعالايتىن كوميسسيا بار، سولار تەكسەرەدى» - دەيدى ساراجان ابايقىزى.

«نۇرلى جەر» باعدارلاماسىنا دەيىن «قول جەتىمدى باسپانا»، «جاس وتباسى»، «نۇرلى جول»، ت.ب. باسپانامەن قامتاماسىز ەتەتىن باعدارلامالار بولعان. ولاردىڭ ٴارقايسىسىنىڭ وزىندىك ازىن-اۋلاق جەڭىلدىكتەرى دە بار بولاتىن. سونىڭ بارلىعىن «نۇرلى جەرگە» بىرىكتىرىپ، ٴبىر عانا باعدارلاما ارقىلى جۇزەگە اسىرۋ كوزدەلگەن. دەگەنمەن «نۇرلى جەر» باعدارلاماسىندا قانداي جەڭىلدىكتەر بارى ەلدى قىزىقتىرىپ وتىرعانى انىق.

«سوڭعى ەلباسىنىڭ تاپسىرماسىندا حالقىمىزدىڭ تۇرعىن ٴۇي ماسەلەسىن كەشەندى شەشۋ تاپسىرىلعان بولاتىن. سونىڭ نەگىزىندە «نۇرلى جەردە» ايتارلىقتاي جەڭىلدىك بار دەپ ايتا المايمىن. ٴبىراق جەڭىلدىك تۇبەگەيلى جوق دەۋگە دە كەلمەيدى. سەبەبى بۇل باعدارلاماداعى باستى شارت، باسپانا كەزەگىندە كىم ٴبىرىنشى تۇر، سول ادام ٴبىرىنشى الادى ٴۇيدى. ەكىنشىدەن، مىندەتتى تۇردە مۇمكىندىگى شەكتەۋلى، باسپاناعا شىن مۇقتاج جاندار ەسكەرىلەتىن بولادى. ال ونىڭ سىرتىندا «نۇرلى جەردى» جۇزەگە اسىرۋدىڭ نەگىزگى بەس باعىتىن اتاپ كورسەتتىك. ياعني، كەز كەلگەن ادام «نۇرلى جەر» ارقىلى باسپانالى بولۋعا مۇمكىندىگى بار» - دەيدى ساراپشى.

سونىمەن «نۇرلى جەر» باستالعان 2017 جىلدىڭ العاشقى ٴتورت ايىندا 3801،7 مىڭ شارشى مەتر اۋماقتى قامتيتىن 31 751 پاتەر تۇرعىزىلعان. مۇنىڭ 54،9 مىڭ شارشى مەتردى قۇرايتىن 808 پاتەر جەرگىلىكتى اكىمشىلىكتەر ارقىلى; 53،7 مىڭ شارشى مەتردى قۇرايتىن 874 پاتەر «بايتەرەك» ۇبح اق ارقىلى; 36،6 مىڭ شارشى مەتردى قۇرايتىن 519 پاتەر وڭىرلەردى دامىتۋ بويىنشا سالىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي