BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇر اقتوبە» اۋدانىندا 2025 جىلعا دەيىن 9 شاعىن اۋدان پايدا بولادى

فوتو: Автор

اقتوبەنىڭ «نۇر اقتوبە» اۋدانىندا سالىنىپ جاتقان تۇرعىن ۇيلەردى جەرگىلىكتى بيلىك وكىلدەرى ارالاپ كوردى. ٴ1-شى، 1ا مولتەك اۋدانداردا «نۇرلى جەر» مەملەكەتتىك باعدارلاماسى ارقىلى بوي كوتەرەتىن تۇرعىن ۇيلەردىڭ 85 پايىزى اياقتالۋعا جاقىن. شاعىن اۋداننىڭ 30 مىڭنان استام تۇرعىنىنىڭ سانى الداعى 8 جىلدا 110 مىڭعا جەتەدى، دەپ حابارلايدى baq.kz ٴتىلشىسى.

«نۇر اقتوبە» اۋدانى 2025 جىلعا دەيىن قالاشىققا اينالادى. مۇندا 9 شاعىن اۋدان پايدا بولادى. قۇرىلىس ٴقازىر قارقىندى ٴجۇرىپ جاتىر. ٴ1-شى، 1 ا مولتەك اۋدانداردا «نۇرلى جەر» مەملەكەتتىك باعدارلاماسى ارقىلى سالىنىپ جاتقان تۇرعىن ۇيلەردىڭ 80 پايىزى اياقتالىپ قالعان. ٴۇش قاباتتى 50-دەن استام ٴۇيدىڭ قۇرىلىسى ٴجۇرىپ جاتىر. ٴ22-سى اياقتالۋعا جاقىن. تاعى 194 جەر ٴۇيدىڭ قۇرىلىسىن جىل سوڭىنا دەيىن ٴبىتىرۋ جوسپارلانعان.

««نۇر اقتوبە» اۋدانىندا بولاشاقتا 110 مىڭ ادام تۇراتىن بولادى. تولىق ينفراقۇرىلىمى قالىپتاسقان. «نۇرلى جەر» باعدارلاماسى ارقىلى 1 مولتەك اۋداننىڭ قۇرىلىسى جۇرگىزىلدى. تۇرعىن ۇيلەر ٴارتۇرلى جوبامەن سالىندى. كولەمى دە ٴارتۇرلى. 1 بولمەلى پاتەردىڭ اۋماعى – 40-55 شارشى مەتر، 2 بولمەلى – 55-65 شارشى مەتر، 3 بولمەلى – 85 شارشى مەتر، 4 بولمەلى – 90-95 شارشى مەتردى قۇرايدى»،- اقتوبە قالاسى اكىمىنىڭ ورىنباسارى جاندوس بايىرحانوۆ

بارلىق ينفراقۇرىلىمى جابدىقتالعان 8 ٴۇيدىڭ 1 جەلتوقساندا پايدالانۋعا بەرىلگەندىگى تۋرالى بۇعان دەيىن دە حابارلاعان بولاتىنبىز. جىل سوڭىنا دەيىن تاعى ٴ12-سى ىسكە قوسىلادى. العاشقى تۇرعىنداردىڭ ٴبىرى - اسەم بايازيتوۆا. 1 بولمەلى پاتەر سالۋ ٴۇشىن «تۇرعىن ٴۇي قۇرىلىس جيناق بانكى» اق 2 جارىم جىل اقشا سالىپ وتىرعان. ارمانى ورىندالعان كەلىنشەكتىڭ «پاتەر جالداپ جۇرگەندەر كەشىكپەي قارەكەت قىلسا» دەگەن تىلەگى بار.

«پاتەرىمنىڭ كىلتىن 1 جەلتوقساندا قولىما الدىم. سەنبەدىم. اقشا جيناپ، پاتەر الۋعا بولادى ەكەن. تازا ٴارى جىلى باسپانادا ەندى قىزىممەن تۇرامىن. اي سايىن 12 500 تەڭگەدەن 2،5 جىل اقشا سالىپ وتىردىم بانككە. العاشقى 3 جىلدا اي سايىن 45 مىڭ تەڭگەدەن، ودان كەيىن 6 جىل 31 مىڭ تەڭگەدەن تولەپ وتىرامىن»، - دەدى پاتەر يەسى اسەم بايازيتوۆا.

بىرنەشە مەردىگەر مەكەمەلەر ۇيلەردى 5-6 ايدىن ىشىندە سالىپ بولىپ جاتىر. باسشىلارى ەشقانداي اقاۋدىڭ جوقتىعىنا سەنىمدى. كەپىل بەرەدى. «تۇرعىن ٴۇي قۇرىلىس جيناق بانكى» اق ارقىلى بەرىلەتىن باسپانانىڭ 1 شارشى مەترىنىڭ قۇنى - 120 مىڭ تەڭگە. باستاپقى جارنا - 30 پايىز. 5 پايىز ۇستەمەمەن بەرىلەدى.

«پاتەرلەردىڭ 1 شارشى مەترىنىڭ قۇنى - 120 مىڭ تەڭگە. تەك «نۇرلى جەر» باعدارلاماسى ارقىلى بەرىلەتىن پاتەرلەرگە عانا قويىلعان باعا. العاشقى جارنا 30 پايىزدى تولەگەننەن كەيىن قالعان اقشانى 19 جىلعا بولۋگە بولادى. بۇل - ەڭ ۇزاق مەرزىم. ۇزاق مەرزىمگە الىنعان پاتەر يەلەرى 9 جىلدان كەيىن نەسيەنى 3،8 پايىزبەن تولەي الادى. ٴار ادام پاتەردى ٴوز اتىنا اۋدارادى. تەك بانكتە كەپىلدە تۇرادى»، - دەدى «تۇرعىن ٴۇي قۇرىلىس جيناق بانكى» اق اقتوبە وبلىسى فيليالىنىڭ ديرەكتورى باۋىرجان جۋاسبايەۆ.

اقتوبە قالاسى اكىمىنىڭ ورىنباسارى جاندوس بايىرحانوۆتىڭ سوزىنشە، كەلەسى جىلى مۇندا 900 ورىندىق مەكتەپ سالىنىپ، 2 بالاباقشا قۇرىلىسى اياقتالادى. ەمحانا بوي كوتەرىپ، جول مەن قوعامدىق كولىك ماسەلەسى شەشىلەدى. تۇرعىندار سانى 2018 جىلى 38 مىڭ ادامعا جەتەدى دەپ كۇتىلۋدە.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي