BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماجىلىسمەندەر الماتى وبلىسىنداعى ٴبىرقاتار نىسانداردى ارالادى

بۇگىن پارلامەنت ٴماجىلىسىنىڭ دەپۋتاتتارى ٴابدىماناپ بەكتۇرعانوۆ، امانگەلدى داۋرەنبايەۆ، ساكەن قانىبەكوۆ، مارات بوپازوۆ جانە سەرىك ساپيەۆ وڭىرلەرگە جۇمىس ساپارى اياسىندا الماتى وبلىسىنداعى ٴبىرقاتار نىسانداردى ارالاپ شىقتى، دەپ حابارلايدى baq.kz اقپارات اگەنتتىگى.

حالىق قالاۋلىلارى تالدىقورعان قالاسىنداعى «نۇرلى جەر» مەملەكەتتىك باعدارلاماسى شەڭبەرىندە سالىنىپ جاتقان كوپقاباتتى ۇيگە باردى.

وبلىس تۇرعىندارىنا اعىمداعى جىلدىڭ ٴساۋىر ايىندا 12 قاباتتى 64 پاتەرلى ٴۇي قولدانىسقا بەرىلمەك. جوبانىڭ جالپى قۇنى – 479 ملن. تەڭگە. جالپى عيماراتتىڭ كولەمى – 4829 شارشى مەتردى قۇرايدى. سونىمەن قاتار وسى كۇنى دەپۋتاتتار تاپسىرىس بەرۋشى مەن باس مەردىگەر اراسىنداعى سوت پروسەستەرىنە بايلانىستى قۇرىلىس جۇمىسى كەنجەلەپ تۇرعان 290 پاتەرگە ارنالعان تۇرعىن ۇيگە باردى. ودان ٴارى دەپۋتاتتاردىڭ جۇمىس ساپارى كوكسۋ اۋدانىنىڭ بالپىق بي كەنتىندەگى ٴسۇت-تاۋارلى فەرماسىندا جالعاستى. فەرما ديرەكتورى راحىم كارىموۆ ٴسۇت ونىمدەرىمەن تانىستىرىپ، زاۋىتتىڭ وندىرىستىك قۋاتتىلىعى جايىندا باياندادى. ٴسۇت-تاۋارلى فەرما 2017 جىلى قۇرىلعانىنا قاراماستان، بۇگىندە كاسىپورىن ٴبىر تاۋلىكتە 2000 توننا ٴسۇت ٴونىمى ٴوندىرىپ، 164 ٴىرى قارا مال باسى بار. فەرما قوراجايلارىنىڭ سىيىمدىلىعى 400. زاۋىتتا بۇگىن 65 ادام ەڭبەك ەتەدى. اڭگىمەلەسۋ بارىسىندا دەپۋتاتتار فەرمەر شارۋاشىلىعىنىڭ كەلەشەگى مەن شىعارىلاتىن ونىمدەردىڭ ساپاسىن باقىلاۋ قاجەتتىلىگىنە توقتالدى.

- جەتىسۋ ٴوڭىرىنىڭ اۋىلشارۋاشىلىعى سالاسىندا بولاشاعى زور. ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا بەلگىلەنگەن مەجەنىڭ ٴبىرى كاسىپكەرلىكتى قولداۋ جانە كووپەراتيۆتەر قۇرۋ ماسەلەسىن قاراستىرۋ قاجەت. ٴبىز كۋا بولعان ٴسۇت-تاۋارلى فەرما سىندى بولاشاقتا دا جاڭا جوبالار، ساپالى، تابيعي ٴونىم وندىرەتىن وسىنداي كاسىپكەر ازاماتتار ەل اراسىنان شىعاتىنىنا سەنىمدىمىن»، - دەيدى دەپۋتات ساكەن قانىبەكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي