BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماڭعىستاۋدا 500- گە جۋىق وتباسى باسپانالى بولدى

«نۇرلى جەر» مەملەكەتتىك باعدارلاماسى اياسىندا 500 وتباسىنا جاڭا پاتەرلەر كىلتتەرى سالتاناتتى تۇردە تابىستالدى، دەپ حابارلايدى baq.kz اقپارات اگەنتتىگى.

شاراعا ماڭعىستاۋ وبلىسىنىڭ اكىمى ەرالى توعجانوۆ، «قازاقستان يپوتەكالىق كومپانياسى» يۇ» اق باسقارما ٴتوراعاسىنىڭ ورىنباسارى رۋسلان كاكىم قاتىستى.

اقتاۋ قالاسىندا «ساتىپ الۋمەن جالعا بەرۋ» باعىتى بويىنشا بۇگىنگە دەيىن جالپى اۋدانى 56 664،9 شارشى مەتردى قۇرايتىن 986 پاتەرى پايدالانۋعا بەرىلدى. «قازاقستان يپوتەكالىق كومپانياسى ٴۇشىن قازاقستاندىقتاردىڭ، ٴبىرىنشى كەزەكتە، حالىقتىڭ ەڭ وسال توپتارى – كوپ بالالى جانە تولىق ەمەس وتباسىلاردىڭ، مۇمكىندىكتەرى شەكتەۋلى ادامداردىڭ، جەتىمدەردىڭ تۇرعىن ۇيگە قولجەتىمدىلىگىن ارتتىرۋ باسىمىراق. بۇل ەلباسىمىزدىڭ باستاماسىمەن جۇزەگە اسىرىلعان ٴبىزدىڭ ورتاق ٴىسىمىز. بىزگە جاۋاپتى ميسسيا جۇكتەلدى جانە ٴبىز ورتاق كۇش-جىگەرىمىزدى بىرىكتىرە وتىرىپ، جوعارى ناتيجەلەرگە قول جەتكىزە الاتىنىمىزدى دالەلدەي الدىق»، -دەپ اتاپ ٴوتتى رۋسلان كاكىم.

قازاقستان يپوتەكالىق كومپانياسى اقتاۋ قالاسىنىڭ 55 جىلدىق مەرەكەسى قارساڭىندا كەزەكتە تۇرعان 478 وتباسىنا: 161 ٴبىر بولمەلى، 237 ەكى بولمەلى جانە 80 ٴۇش بولمەلى پاتەر كىلتتەرىن تابىستادى. جاڭادان سالىنعان كوپ قاباتتى تۇرعىن ٴۇيدىڭ جالپى اۋدانى 26 122،4 شارشى مەتر. پاتەرلەر تازا ارلەۋدەن وتكەن. ولاردىڭ بارلىعىندا قاجەتتى كوممۋنيكاسيالار مەن گاز پليتاسى جانە سانتەحنيكا ورناتىلعان. جاڭا تۇرعىن ٴۇي ەلباسى نۇرسۇلتان نازاربايەۆتىڭ «نۇرلى جەر» باعدارلاماسىنىڭ «ساتىپ الۋمەن جالعا بەرۋ» باعىتى اياسىندا جۇزەگە اسىپ وتىر.

«نۇرلى جەر» باعدارلاماسى بويىنشا ەلىمىزدە 1،5 ميلليونعا جۋىق قولجەتىمدى تۇرعىن ٴۇي سالۋ جوسپارلانعان. سونىمەن بىرگە سالىناتىن عيماراتتاردىڭ ساپاسىنا، ەكولوگيالىق تازالىعىنا جانە ەنەرگيالىق تيىمدىلىگىنە جوعارى تالاپ قويىلۋدا. وسىعان وراي ۇكىمەتكە، جەرگىلىكتى اتقارۋشى بيلىك ورگاندارىنا حالىقتى تۇرعىن ۇيمەن قامتاماسىز ەتۋ ٴىسىن جەدەل ٴارى ٴتيىمدى جۇرگىزۋ بويىنشا ۇلكەن سالماق سالىنىپ، جاۋاپكەرشىلىك جۇكتەلدى. بۇكىل ەلىمىزدەگى سياقتى، ٴقازىر بۇل باعىتتاعى ناقتى جۇمىستار اقتاۋ قالاسىندا دا ىسكە اسىرىلىپ جاتىر.اقتاۋ قالاسىنداعى جاڭا شاعىن اۋدانداردى يگەرۋ، بارلىق ينفراقۇرىلىمىمەن جاڭادان ۇيلەر تۇرعىزۋ، مۇنىڭ بارلىعى دا تۇپتەپ كەلگەندە الەۋمەتتىڭ الەۋەتىن ارتتىرۋعا باعىتتالعان جوسپارلى جۇمىستاردىڭ ناتيجەسى» ،- دەدى ەرالى توعجانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي