BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماميننىڭ ٴسوزى راستالدى. استانالىقتار 7 ملن تەڭگەگە پاتەر ساتىپ الا الادى – ٴتۇقجب 

فوتو: Нұржас Жақсыбай

استانا، baq.kz ٴتىلشىسى. ەلورداداعى تۇرعىن ٴۇي قۇرىلىس جيناق بانكى (ٴتۇقجب) ورتالىق فيلليالىنىڭ ديرەكتورى جانسۇلتان ماتايەۆ بيىل قالادا «نۇرلى جەر» باعدارلاماسى بويىنشا 364 پاتەر بەرىلەتىنىن ايتتى.

بۇگىن ٴتۇقجب بۇكىلالەمدىك جيناق كۇنىنە وراي ارنايى پرەسس-تۋر ۇيىمداستىردى. شارا بارىسىندا جانسۇلتان ماتايەۆ جۋرناليستەرگە «نۇرلى جەر» باعدارلاماسىنا اياسىندا ماڭگىلىك ەل داڭعىلى جانە №27 مەن №36 كوشەلەرىندە (قر ٴپىب اۆتوشارۋاشىلىعى جانىندا) سالىنىپ جاتقان ۇيلەردى كورسەتتى.

وسى ورايدا ٴتۇقجب ورتالىق فيلليالىنىڭ ديرەكتورى №227 (قر ٴپىب مو ەمحاناسىنىڭ جانىندا) كوشەسىندەگى ٴتۇرعىن-ۇيدىڭ قۇرىلىس بىتكەنىن، ونداعى 364 پاتەردى الداعى ۋاقىتتا پايدالانۋعا بەرىلەتىنىن اتاپ ٴوتتى.


«اتالعان تۇرعىن ٴۇيدى سالۋعا مەملەكەتتەن شامامەن 4 ملرد 600 ملن تەڭگە ٴبولىندى. 2016 جىلدىڭ كۇزىندە تۇرعىن ٴۇيدى سالۋ بويىنشا تەندەر ٴوتىپ، ونى «ەدەم» جشس جەڭىپ الدى. قازىرگى تاڭدا قۇرىلىس جۇمىستارى اياقتالدى. مۇندا 364 پاتەر بار. سونداي-اق بۇلدىرشىندەرگە ارنالعان شاعىن بالاباقشا دا قاراستىرىلعان. ال 2019 جىلى اتالعان باعدارلاما بويىنشا 1825 پاتەر پايدالانۋعا بەرىلمەك»، - دەدى جانسۇلتان ماتايەۆ پرەسس-تۋر بارىسىندا.



سونىمەن قاتار ول مۇنداعى پاتەرلەردىڭ باعاسى نارىقتىق باعادان ەكى ەسە تومەنىن جەتكىزدى.

«نۇرلى جەر» باعدارلاماسى بويىنشا سالىنعان پاتەردىڭ ٴبىر شارشى مەترىنىڭ قۇنى – استانا، الماتى قالالارى بويىنشا 180 مىڭ تەڭگە، باسقا قالالار ٴۇشىن 140 مىڭ تەڭگە. مىسالى، ٴبىر بولمەلى پاتەردىڭ باعاسى شامامەن 7 ملن تەڭگە»، - دەدى باسشى.

ٴتۇقجب قىزمەتكەرلەرى №227 كوشەسىندە ورنالاسقان تۇرعىن ۇيدە 1 بولمەلى 75 پاتەر (37-40 شارشى مەتر)، 2 بولمەلى 168 پاتەر (48-58 شارشى مەتر)، 3 بولمەلى 121 پاتەر (72-78 شارشى مەتر) بار ەكەنىن ايتتى.

سونداي-اق جانسۇلتان ماتايەۆ اتالعان پاتەرلەر ارنايى كونكۋرس بويىنشا ۇلەستىرىلەتىنىن جەتكىزدى.

«قازىرگى تاڭدا «نۇرلى جەر» باعدارلاماسى بويىنشا سالىنعان پاتەرلەردىڭ يەلەرىن انىقتاۋ بويىنشا تۇرعىن ٴۇي قۇرىلىس جيناق بانكىندە ارنايى كونكۋرس ٴوتىپ جاتىر. ياعني بانك سالىمشىلارى جانە اكىمدىكتە پاتەر الۋعا كەزەكتە تۇرعان ازاماتتار ٴۇشىن جەكە كونكۋرس ۇيىمداستىرىلۋدا. 6-قاراشادا كونكۋرستىڭ ناتيجەسى شىعادى»، - دەدى ٴتۇقجب ورتالىق فيلليالىنىڭ ديرەكتورى.

وسى ورايدا ول «نۇرلى جەر» باعدارلاماسى بويىنشا پاتەر الۋ ٴۇشىن ۇيىمداستىرىلعان كونكۋرستىڭ باستى تالابىن ٴتۇسىندىردى. ونىڭ ايتۋىنشا، ازامات مىندەتتى تۇردە تۇرعىن ٴۇي قۇرىلىس جيناق بانكىنىڭ سالىمشىسى بولۋى كەرەك.

«ول كەمىندە 3 جىل بانكتە اقشا جيناۋى قاجەت. كونكۋرسقا قۇجات تاپسىرعانعا دەيىن ۇمىتكەرلەر العاشقى جارنانىڭ 20% جيناۋى شارت. نەسيەنىڭ جىلدىق پروسەنتتىك مولشەرلەمەسى – 5%. ەگەر ازامات ٴبىزدىڭ بانكتە 7 ملن تەڭگە جيناعان بولسا، پاتەردى بىردەن ساتىپ الا الادى. الايدا پاتەرگە اقشاسى جەتپەسە، ولار العاشقى جارنانىڭ 20% سالىپ، پاتەردى نەسيەگە الۋعا مۇمكىندىگى بار. كونكۋرس ادىلەتتى ٴوتۋ ٴۇشىن بالدىق جۇيەنى ەنگىزدىك. كىم اقشانى ۋاقىتىندى سالسا، سونىڭ بالى جوعارى بولادى. بۇل پاتەر الۋعا مۇمكىندىكتى جوعارىلاتادى. اتالعان باعدارلاما بويىنشا پاتەر الۋ ٴۇشىن استانادا ەسەپتە تۇرۋ مىندەتتى»، - دەپ تۇيىندەدى ٴسوزىن جانسۇلتان ماتايەۆ.

ايتا كەتەيىك، تۇرعىن ٴۇي قۇرىلىس جيناق بانكىندە استانالىقتارعا تيەسىلى 170 771 مىڭ دەپوزيت بار. جالپى ەلىمىزدە تۇرعىن ٴۇي قۇرىلىس جيناق جۇيەسىن 1،2 ملن ادام قولدانادى ەكەن.

وسىعان دەيىن ەلباسى نۇرسۇلتان نازاربايەۆ قازاقستان حالقىنا ارناعان كەزەكتى جولداۋىندا تۇرعىن ٴۇي باعدارلامالارىن سىنعا العان. جيىندا ۇكىمەت باسشىسىنىڭ ٴبىرىنشى ورىنباسارى اسقار مامين ەلىمىزدە ٴبىر بولمەلى پاتەر 7 ملن تەڭگە تۇراتىنىن ايتقان.

سونداي-اق اتالعان ماسەلەگە قاتىستى ٴماجىلىس دەپۋتاتى پاۆەل كازانسەۆ تە پىكىر بىلدىرگەن.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي