BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايلىق 96 وتباسى «نۇرلى جەر» باعدارلاماسى اياسىندا قونىس تويىن تويلاۋدا

تاۋەلسىزدىك كۇنى قارساڭىندا قوستانايدا ٴبىرقاتار ٴىرى جوبالار ىسكە قوسىلىپ، كوپتەن بەرى كەزەگىن كۇتكەن تۇرعىندار باسپانالى بولۋدا. بۇگىن قوستاناي قالاسىنىڭ ىرگەسىندەگى زارەچنىي كەنتىندەگى «سولتۇستىك» شاعىن اۋدانىندا «نۇرلى جەر» باعدارلاماسىمەن سالىنعان 60 پاتەرلى تۇرعىن ٴۇي ٴوز يەلەرىن تاپسا، وبلىس ورتالىعىنداعى «اۋەجاي» شاعىن اۋدانىندا 36 پاتەرلى كوپقاباتتى ٴۇي تۇرعىندار يەلىگىنە بەرىلدى دەپ حابارلايدى، baq.kz اگەنتتىگىنىڭ وڭىردەگى ٴتىلشىسى.

بۇل قوستاناي ٴوڭىرى تۇرعىندارىنىڭ بيىلعى جىلعى سوڭعى قونىس تويى ەمەس. سەبەبى، جاڭا جىلعا دەيىن زارەچنىي اۋىلىندا تاعى كوپپاتەرلى ەكى تۇرعىن ٴۇي پايدالانۋعا بەرىلمەك. قوس بىردەي شاعىن اۋداننىڭ جاڭا تۇرعىندارى اتانعان جۇرتشىلىقتى وبلىس اكىمى ارحيمەد مۇحامبەتوۆ ارنايى كەلىپ قۇتتىقتاپ، سالتاناتتى تۇردە پاتەر كىلتتەرىن تابىس ەتتى.

– «تاۋەلسىزدىك كۇنى قارساڭىندا قوستاناي وڭىرىندە قونىس تويىن تويلاپ جاتقان تۇرعىنداردىڭ قۋانىشىن كورگەندە «نۇرلى جەر» باعدارلاماسىنىڭ ناعىز حالىق ٴۇشىن جاسالعاندىعىن ايقىن اڭعارۋعا بولادى. مۇنىڭ ٴبارى ەلباسىنىڭ ساليقالى ساياساتىنىڭ ارقاسى دەپ بىلۋگە بولادى. بۇگىن پايدالانۋعا بەرىلىپ جاتقان باسپانالار ورنالاسقان «سولتۇستىك» جانە «اۋەجاي» شاعىن اۋداندارىندا كەلەشەكتە ساۋلەتى كەلىسكەن ٴزاۋلىم عيماراتتار بوي تۇزەمەك. بۇگىن پاتەر كىلتىن الىپ جاتقان بارلىق تۇرعىنداردى شىن جۇرەكتەن قۇتتىقتايمىن»، – دەدى وبلىس اكىمى ارحيمەد مۇحامبەتوۆ.

بۇگىنگى پايدالانۋعا بەرىلگەن باسپانالاردىڭ باسىم بولىگى حالىقتىڭ الدەقايدا الەۋمەتتىك ٴالسىز توپتارىنا ارنالعان ساتىپ الۋسىز جالدامالى تۇرعىن ٴۇي بولىپ وتىر.

– «بۇگىنگى قونىس تويىن تويلاپ جاتقان تۇرعىنداردىڭ قۋانىشى ەلىمىزدىڭ تاۋەلسىزدىك كۇنىمەن تۇسپا-تۇس كەلىپ وتىر. مىنە، وزدەرىڭىز كورىپ تۇرعانداي، جاڭا 60 وتباسىنا جاڭا پاتەرلەردىڭ كىلتى تابىس ەتىلدى. بۇل باسپانالار «نۇرلى جەر» باعدارلاماسى ارقىلى سالىنىپ وتىر. جالپى بۇل شاعىن اۋداندا 11 كوپ قاباتتى ٴۇي سالىنۋ جوسپارلانسا، ونىڭ ٴ8-ى وسى جىلدىڭ اياعىنا دەيىن ەل يگىلىگىنە بەرىلەدى. كەلەر جىلى تاعى 3 كوپ قاباتتى ٴۇي سالىنباق. وعان كەلەسى جىلى 2 ملرد 300 ملن تەڭگە قاراجات ٴبولىنىپ وتىر. ول ٴۇيدى سالاتىن مەردىگەر دە انىقتالىپ قويدى. ونىڭ سىرتىندا شاعىن اۋدانعا جول سالىنىپ، ينفراقۇرىلىمدارى جاساقتالىپ، شاعىن اۋداندا اباتتاندىرۋ جۇمىستارى دا جۇرگىزىلمەك. وسىلايشا، كەلەسى جىلى «سولتۇستىك» شاعىن اۋدانى ادام تانىماستاي وزگەرەدى دەپ ايتۋعا بولادى»، – قوستاناي اۋدانىنىڭ اكىمى قايرات احمەتوۆ.

زارەچنىي كەنتىندەگى 60 پاتەرلىك تۇرعىن ٴۇيدى سالۋعا جەرگىلىكتى «ستاتۋس ترەيد» جشس مەردىگەر رەتىندە تاڭدالىپ الىندى. جالپى اۋدانى 4084 شارشى مەتر بولاتىن قوس بىردەي كوپقاباتتى ٴۇيدى سالۋعا جالپى قازىنادان 387 ملن 91 مىڭ تەڭگە جۇمسالعان. مەردىگەر كومپانيا وزىنە جۇكتەلگەن مىندەتتى ابىرويمەن اتقارىپ، باسپانالاردى مەجەلەگەن مەرزىمدە ەل يگىلىنە بەرىپ وتىر.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي