BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋدا 100-دەن استام جەر ٴۇي سۇرىلەدى

فوتو: Гүлжан Раманкулова

كوكشەتاۋدا قوپا كولىنىڭ جاعاسىنا جاقىن ورنالاسقان 100-دەن استام جەر ٴۇي سۇرىلەدى. قالانىڭ باس جوسپارىنا سايكەس، ول ماڭايدان جاياۋ جۇرگىنشىلەر مەن ۆەلوسيپەد جولاعى بار جاعاجاي سالىنادى، دەپ حابارلايدى baq.kz ايماقتاعى ٴتىلشىسى.

قوپا كولى ماڭايىنداعى تۇرعىن ٴۇي اۋدانىنىڭ ناقتى جوبالاۋ جوسپارىندا جاعالاۋ ايماعى مەن اينالما جول ارالىعىن كەشەندى اباتتاندىرۋ، دەمالىس ورىندارى قاراستىرىلعان. مۇندا قىلشاقتى وزەنىندە كوپىر سالىنىپ، جاعالاۋ بويىمەن ٴتورت جولاقتى جول جۇرەتىن بولادى. بۇل جوبا بويىنشا ورتا مەكتەپ، بالالار باقشاسى، 9 قاباتتى عيماراتتار بوي كوتەرمەك. وسىعان بايلانىستى ەسكىرگەن 108 تۇرعىن ٴۇيدى ٴسۇرىپ تاستاۋ جوسپارلانسا، قازىرگى مۇنداي جۇمىس 23 نىسانعا قاتىستى جۇرگىزىلگەن.

«بۇگىندە سۇرىلەتىن ۇيلەر انىقتالىپ، ولاردىڭ باسپاناسىن باعالاۋ جۇرگىزىلىپ جاتىر. ال اتالعان جوبا بويىنشا قۇرىلىس جۇمىستارى كەلەر جىلى باستالادى. جوبا ارنايى ساراپتامادان وتكەن سوڭ، وعان ناقتى قانشا قارجى قاجەت جۇمسالاتىنى بەلگىلى بولادى»، – دەيدى قالالىق ساۋلەت جانە قالا قۇرىلىسى ٴبولىمىنىڭ جەتەكشىسى يلۋا ابەنوۆ.

تۇرعىن ۇيلەر جاعالاۋعا جاقىن ورنالاسقاندىقتان، كوكتەم سايىن سۋ باسۋ ٴقاۋپى زور. سۇرىلەتىن ۇيلەردىڭ بارلىعى ەسكى، وتكەن عاسىردىڭ باسىندا سالىنعان. قازىرگى ەسەپ بويىنشا 108 جەر تەلىمى تۇرعىنداردان ساتىپ الىنادى.

«الدىمەن جول سالىنادى، سۋ قۇبىرلارى مەن كارىز جۇيەسى تارتىلادى. بۇل اۋداننىڭ دامۋىنا وسى ينفراقۇرىلىمنىڭ جوقتىعى كەدەرگى كەلتىرۋدە. جاعالاۋ رەتكە كەلتىرىلىپ، قۇم توسەلەدى. اعاشتار ەگىلمەك. بالاباقشا مەن مەكتەپ سالۋ جوسپاردا بار. وسىدان كەيىن قوپا كولىنىڭ جاعالاۋى ينۆەستورلاردى تارتۋعا لايىقتى بولادى. تۇرعىن ٴۇي كەشەندەرىن كاسىپكەرلەر ەسەبىنەن سالۋ كوزدەلىپ وتىر. ازىرگە جەر تەلىمدەرىن ساتىپ الۋ قۇنى ناقتى بەلگىلەنگەن جوق. ونى تاۋەلسىز باعالاۋشىلار ايتادى. ال، جەرگىلىكتى بيلىك وكىلدەرى تۇرعىندارعا وتەماقى نەمەسە جاڭا پاتەر ۇسىنۋعا دايىن»، –دەيدى ي.ابەنوۆ.

قالا تۇرعىندارى ٴۇشىن تاعى ٴبىر جاعىمدى جاڭالىق، ورتالىق بازار ماڭىنداعى كونتەينەرلەر مەن ساۋدا ٴۇيى ٴسۇرىلىپ، ونىڭ ورنىنا 2400 ورىندىق مەكتەپ پەن 280 بۇلدىرشىنگە لايىقتالعان بالاباقشا بوي كوتەرەدى. ال بارماشينو ىقشام اۋدانىندا ەندى بىردە-بىر جەر ٴۇي قالمايدى.

«سارىارقا» ىقشام اۋدانىندا «تۇرعىن ٴۇي جيناق بانكى» سالىمشىلارى ٴۇشىن توعىز قاباتتى ٴتورت ٴۇيدىڭ جانە الەۋمەتتىك جاعىنان از قامتىلعاندارعا ارنالعان بەس قاباتتى ارەندالىق 6 ٴۇيدىڭ قۇرىلىسى اياقتالۋعا جاقىن. بۇعان قوسىمشا، جالعا الۋشىلار قونىستاناتىن ٴدال وسىنداي 10 كوپقاباتتى ٴۇيدىڭ قۇرىلىسى باستالىپ وتىر.

«جالپى، بيىلعى جىلى 132 مىڭ شارشى مەتر تۇرعىن ٴۇي پايدالانۋعا بەرىلسە، جىل قورىتىندىسىمەن بۇل كورسەتكىش 180 مىڭ شارشى مەترگە جەتپەك. بۇگىنگى كۇنى قالادا 34 ٴۇي سالىنىپ جاتسا، جىل اياعىنا دەيىن 18 كوپقاباتتى ٴۇيدىڭ تۇرعىندارى پاتەر كىلتىن الادى. سونداي-اق، ينفراقۇرىلىمنىڭ دامۋى ەسەبىنەن، كەلەسى جىلى 200 مىڭ شارشى مەترلىك تۇرعىن ۇيلەر قۇرىلىسى باستالماق. قالا تاريحىندا مۇنداي قۇرىلىس قارقىنى بۇرىن بولعان ەمەس»، – دەيدى قالا اكىمىنىڭ ورىنباسارى يۆان يۋرچەنكو.

قالادا «7-20-25» باعدارلاماسىمەن پايدالانۋعا بەرىلگەن العاشقى 9 قاباتتى تۇرعىن ٴۇيدى «ٴۇي قۇرىلىسى» كومبيناتى تۇرعىزعان. پاتەر الۋشىلار بۇل ٴۇيدىڭ ٴار شارشى مەترىنە 153 مىڭ تەڭگەدەن تولەگەن.

«قازاقستاننىڭ تۇرعىن ۇي قۇرىلىس جيناق بانكى» اكسيونەرلىك قوعامى وبلىستىق فيليالىنىڭ وكىلدەرى دەپوزيت اشۋ ٴۇي الۋعا تاماشا مۇمكىندىك ەكەندىگىن ايتادى.

«7-20-25» باعدارلاماسىنا قاتىسۋ ٴۇشىن پاتەر قۇنىنىڭ 20 پايىزىن قايتكەن كۇندە دە جيناۋ قاجەت. وعان قوسا، بانك سالىمشىلارى ٴۇشىن قولايلى «ٴوز ٴۇيىم» باعدارلاماسى دا جۇزەگە اسىرىلىپ جاتىر. بۇل بانكتىڭ ٴوزىنىڭ ىشكى باعدارلاماسى. وعان دا قاتىسۋ ٴۇشىن سالىمشىلارعا بارىنشا از تالاپتى ورىنداۋ، اتاپ ايتقاندا، 20 پايىز كولەمىندەگى باستاپقى جارنا جيناۋ قاجەت. كەيىن جىلدىق مولشەرلەمەسى تومەن پايىزبەن زاەم الۋعا بولادى، – دەپ ٴتۇسىندىردى «قازاقستاننىڭ تۇرعىن ۇي قۇرىلىس جيناق بانكى» اكسيونەرلىك قوعامى وبلىستىق فيليالىنىڭ ٴبولىم مەڭگەرۋشىسى اسەت بورانبايەۆ.

ٴقازىر وبلىستىڭ 35 مىڭنان استام تۇرعىنى «قازاقستاننىڭ تۇرعىن ٴۇي قۇرىلىس جيناق بانكىنەن» دەپوزيت اشىپ، قاراجات جيناۋدا. دەگەنمەن، كوپ ازاماتتار تۇرعىن ٴۇي كەزەگىنە تۇرىپ، بانكتەن دەپوزيت اشقانىمەن، پاتەر جالداپ تۇراتىندىقتان، ٴتيىستى قاراجات جيناۋ قيىن ەكەنىن ايتادى.

«كەي وتباسىلاردىڭ قاراجات جيناۋ مۇمكىندىگى جوق ەكەندىگى بەلگىلى. الايدا، بانك ارقىلى باسپانا الۋدىڭ ەڭ باستى جولى – سالىمشى بولۋ. قاراجات جيناعانداردىڭ عانا پاتەر الۋعا مۇمكىندىگى بار. بانكتەن شوتتى جاي عانا اشىپ قويۋ جەتكىلىكسىز. جەتى جىل بۇرىن اشىپ، 10 مىڭ تەڭگە عانا سالعان تۇرعىندار دا بار»، – دەيدى ٴا.بورانبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي