BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەسى جىلى قىزىلوردا وبلىسىندا 11 تۇرعىن ٴۇي پايدالانۋعا بەرىلەدى

«نۇرلى جەر» باعدارلاماسى اياسىندا قىزىلوردا وبلىسى قارماقشى جانە قازالى اۋداندارىندا تۇرعىن ٴۇي قۇرىلىسى قارقىندى جۇرگىزىلمەك، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

قارماقشى اۋداندىق تۇرعىن ٴۇي كوممۋنالدىق شارۋاشىلىق جولاۋشىلار كولىگى جانە اۆتوموبيل جولدارى ٴبولىمىنىڭ باسشىسى تالعات قاتاربايەۆتىڭ ايتۋىنشا، بيىل قارماقشى اۋدانىندا 6 تۇرعىن ٴۇي سالىندى. ولار كەزەكتە تۇرعان مۇقتاج جاندارعا پايدالانۋعا بەرىلدى.

«بيىل بايقوڭىردا 50 پاتەرلى 5 ٴۇيدىڭ ىرگەتاسى قالانىپ، قۇرىلىسى كەلەر جىلى جالعاسادى. ناتيجەسىندە تورەتام جانە اقاي اۋىلدارىنىڭ ٴۇي كەزەگىندە تۇرعان ازاماتتارى باسپانامەن قامتىلادى»، – دەدى تالعات قاتاربايەۆ.

ال، قازالى اۋدانىنىڭ تۇرعىن ٴۇي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ٴبولىمى باسشىسىنىڭ مىندەتىن اتقارۋشى مارات سيتەكەن كەلەر جىلى اۋداندا 18 پاتەرلى 6 تۇرعىن ٴۇي سالىناتىنىن مالىمدەدى

«جاڭا تۇرعىن ٴۇي ايماقتارىن ينفراقۇرىلىممەن قامتاماسىز ەتۋگە 300 ميلليون تەڭگەنىڭ جوباسى قولداۋ تاپتى. سوندىقتان، كەلەر جىلى «نۇرلى جەر» تۇرعىن ٴۇي قۇرىلىسى باعدارلاماسىنا سايكەس ايتەكە بي كەنتىنەن ۇيلەر سالىنادى. قازىرگى تاڭدا اۋداندا ٴبىر ۇلى وتان سوعىسىنىڭ ارداگەرى، 193 جەتىم بالا، اتا-اناسىنىڭ قامقورلىعىنسىز قالعان بالالار، 345 حالىقتىڭ الەۋمەتتىك جاعىنان وسال توپتارىنا جاتاتىن ازامات جانە 100 بيۋدجەتتىك سالا قىزمەتكەرى، بارلىعى 638 ازامات تۇرعىن ٴۇي كەزەگىندە تۇر»، – دەپ اتاپ ٴوتتى ٴبولىم باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي