BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا «7-20-25» باعدارلاماسىنا 6 مىڭنان استام ازامات ٴوتىنىش ۇسىنعان

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندەگى «7-20-25» مەملەكەتتىك باعدارلاماسىنىڭ قورىتىندىسىنا ارنالعان بريفينگ بارىسىندا «باسپانا» يپوتەكالىق ۇيىمى» اق باسقارما ٴتوراعاسى قايرات التىنبەكوۆ مالىمدەدى.

«ەلباسىنىڭ «5 الەۋمەتتىك باستاماسىنا» سايكەس، اعىمداعى جىلدىڭ 4 شىلدەسىنەن باستاپ ەلىمىزدە «7-20-25» مەملەكەتتىك باعدارلاماسى ىسكە قوسىلدى. 2018 جىلدىڭ قورىتىندىسى بويىنشا 70 ملرد تەڭگەدەن استام قاراجاتقا 6 مىڭنان استام ٴوتىنىش كەلىپ ٴتۇستى. سونىڭ ىشىندە، 45 ملرد تەڭگەنى قۇرايتىن 3 700 جۋىق ٴوتىنىش ماقۇلداندى. قازىرگى تاڭدا اتالعان باعدارلاماعا قاتىسۋشى بانكتەردىڭ سانى 8 جەتتى»، - دەدى التىنبەكوۆ.

ونىڭ ايتۋىنشا، وتىنىشتەر سانى بويىنشا استانا قالاسى كوش باستاپ تۇر. سونداي-اق، الماتى قالاسى، اقتوبە، ماڭعىستاۋ، شىعىس قازاقستان مەن اقمولا وبلىستارى دا العاشقى بەستىككە كىرگەن.

«باعدارلامانى جۇزەگە اسىرۋ بارىسىندا وڭىرلەردە باستاپقى باسپانالاردىڭ جوق بولۋى سىندى كەدەرگىگە تاپ بولدىق. بۇل ماسەلەنى شەشۋ ٴۇشىن ۇلتتىق بانك «7-20-25» باعدارلاماسىنا وزگەرىستەر ەنگىزىپ، وعان سايكەس «باسپانا» كومپانياسى تۇرعىن ٴۇي سالۋ ٴۇشىن جەرگىلىكتى ورگاندارعا 150 ملرد تەڭگەگە دەيىن قاراجات بولە الاتىن بولدى. وسى ورايدا، وتكەن اپتادا شىمكەنت قالاسى اكىمدىگى 10 ملرد تەڭگەگە وبليگاسيالار شىعارىپ، «باسپانا» كومپانياسى ونى ساتىپ الدى. بۇل جاقىن ۋاقىتتا شىمكەنتتە «7-20-25» باعدارلاماسى بويىنشا تۇرعىن ٴۇي قۇرىلىسى باستالادى دەگەن ٴسوز»، - دەدى باسقارما ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي