BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىلىقتاردى قولجەتىمدى باسپانامەن قامتۋ ٴىسى جالعاسىن تاۋىپ جاتىر

فوتو: Автордікі

2018 جىلى قاراعاندى وبلىسىندا «نۇرلى جەر» باعدارلاماسى اياسىندا سالىنىپ جاتقان 15 تۇرعىن ٴۇي پايدالانۋعا بەرىلەدى. قازىرگى ۋاقىتتا قۇرىلىس جۇمىستارى جەزقازعان، قاراعاندى جانە بالقاش قالالارىندا ٴجۇرىپ جاتىر، دەپ حابارلايدى baq.kz ايماقتىق ٴتىلشىسى.

قاراعاندى وبلىسىندا «نۇرلى جەر» باعدارلاماسى بويىنشا نەسيەگە بەرىلەتىن تۇرعىن ۇيلەردى سالۋ ٴۇشىن مەملەكەت بيۋدجەتىنەن 6،7 ميلليارد تەڭگە بولىنگەن. قازىرگى ۋاقىتتا جەزقازعان قالاسىندا 1 ٴۇي، بالقاش قالاسىندا 2 ٴۇي جانە قاراعاندىنىڭ وزىندە 12 ٴۇيدىڭ قۇرىلىسى قارقىندى جۇرۋدە. جاڭا پاتەرلەردىڭ ٴبىر شارشى مەترىنىڭ قۇنى 90 مىڭنان 140 مىڭ تەڭگە ارالىعىندا بولادى. ناقتىراق ايتساق، پاتەرلەردىڭ شارشى مەترى بالقاشتا 90 مىڭ، جەزقازعاندا 100 مىڭ، ال قاراعاندىدا 140 مىڭ تەڭگەدەن ساتىلماق. اتالعان پاتەرلەرگە يە بولۋ ٴۇشىن «تۇرعىن ٴۇي قۇرىلىس جيناق بانكىنىڭ» سالىمشىسى بولىپ، شوتىڭىزدا ٴۇيدىڭ 30 پايىزىن قۇرايتىن قارجى بولۋى كەرەك. قالعان قارجىنى بانك 5 پايىزدىق نەسيەمەن راسىمدەۋگە ٴازىر.

«نۇرلى جەر» باعدارلاماسى اياسىندا پاتەر العىڭىز كەلسە باسپانا قۇنىنىڭ 30 پايىزىن جيناۋ جەتكىلىكتى. «تۇرعىن ٴۇي قۇرىلىس جيناق بانكىندە» شوت اشۋ ٴۇشىن بانكتىڭ كەز كەلگەن بولىمشەسىندە كەڭەسشىدەن كەڭەس الۋىڭىزعا بولادى. دەپوزيت اشۋ ٴۇشىن مينيمالدى سوما - 15 مىڭ تەڭگە كولەمىندە اقشا جەتكىلىكتى. قارجىنى بانكتىڭ دەپوزيتىندە جيناۋىڭىزعا نەمەسە شوتىڭىزدى بىردەن تولتىرۋىڭىزعا بولادى. نەسيە بويىنشا سىياقى مولشەرلەمەسى جىلىنا 5 پايىزدان اسپايدى»، - دەيدى «تۇرعىن ٴۇي قۇرىلىس جيناق بانكىنىڭ» قاراعاندى وبلىستىق فيليالىنىڭ ديرەكتورى گۇلنار دابىلوۆا.

قاراعاندىنىڭ «وڭتۇستىك-شىعىس» اۋدانىندا سالىنىپ جاتقان «ساپا» جانە «جانۇيا-2» تۇرعىن ٴۇي كەشەندەرىنىڭ جوبالىق قۋاتتىلىعى – 487 پاتەر. ولار جەكە ينۆەستيسيالار ەسەبىنەن سالىنىپ جاتىر. «جانۇيا-2» تۇرعىن ٴۇي كەشەنىندە جالپى اۋدانى 12800 شارشى مەتردى قۇرايتىن ون قاباتتى ۇيلەر بوي كوتەرەدى دەپ جوسپارلانۋدا. جوبانىڭ قۇنى 2،6 ملرد تەڭگەنى قۇرايدى.

«كەشەن «نۇرلى جەر» تۇرعىن ٴۇي قۇرىلىس باعدارلاماسى شەڭبەرىندە سالىنىپ جاتىر. 2018 جىلدىڭ سوڭىنا دەيىن اياقتاۋدى جوسپارلاپ وتىرمىز. قارجىلاندىرۋعا قاتىستى قيىندىقتار جوق. قۇرىلىس جۇمىستارىنا جەرگىلىكتى قۇرىلىس كومبيناتىنىڭ ماتەريالدارىن پايدالانامىز. بۇل وتاندىق قۇرىلىس سالاسىنداعى يننوۆاسيالىق ونىمدەر – قوسارلى قۋىستى قابىرعالار جانە ورنەكتى جابۋ پليتالارى. اتالعان تەحنولوگيا قۇرىلىس مەرزىمىن جىلدامداتىپ جانە قۇنىن تومەندەتۋگە مۇمكىندىك بەرەدى. ەڭبەك كۇشىنىڭ جۇمسالۋى دا ٴۇش ەسەگە قىسقاردى»، - دەيدى «ككك ينجينيرينگ» جشس ديرەكتورى يۆان ماليۋشەنكو.

ونىڭ ايتۋىنشا، پاتەرلەر «تۇرعىن ٴۇي قۇرىلىس جيناق بانكىنىڭ» سالىمشىلارىنا ساتىلادى.

«ٴبىز ب.مومىش ۇلى كوشەسىنىڭ بويىندا ٴۇش جاپىراق پىشىندەس كوپ پاتەرلى تۇرعىن ٴۇي كەشەنىن سالىپ جاتىرمىز. جوبانىڭ قۇنى – 9،3 ملرد تەڭگە. كەشەندەگى 14 جانە 16 قاباتتى ۇيلەردىڭ جالپى اۋدانى شامامەن 60 مىڭ شارشى مەتردى قۇرايتىن بولادى. بارلىعى 1128 پاتەر. جوبا «2020 جىلعا دەيىن ايماقتاردى دامىتۋ» مەملەكەتتىك باعدارلاماسى اياسىندا «تۇرعىن ٴۇي قۇرىلىس جيناق بانكى» جەلىسى بويىنشا جۇزەگە اسىرىلىپ جاتىر. تۇرعىن ٴۇي كەشەنىنىڭ العاشقى ەكى كەزەگىن 2018 جىلدىڭ ەكىنشى جارتىجىلدىعىندا تاپسىرۋ جوسپارلانىپ وتىر. ٴبىرىنشى كەزەكتىڭ قۇرىلىسى اياقتالۋعا جاقىن»، - دەيدى ي.ماليۋشەنكو.

وسىلايشا، 2018 جىلى قاراعاندى قالاسىندا 2000-نان اسا تۇرعىننىڭ ٴۇي ماسەلەسى شەشىلمەك.

«بيىل قاراعاندىدا ەكى مىڭنان استام جاڭا پاتەر پايدا بولادى. قاڭتار ايىندا ب.مومىش ۇلى كوشەسىندەگى جاڭا ۇيلەردەن 132 وتباسى ٴوز پاتەرىنىڭ كىلتىن الدى. مايقۇدىقتىڭ 12، 15 ىقشام اۋدانىندارىندا سالىنىپ جاتقان ۇيلەر جىل سوڭىنا دەيىن پايدالانۋعا بەرىلىپ، تاعى دا 761 وتباسى باسپانالى بولادى. سونداي-اق، بيىل ب.مومىش ۇلى كوشەسىندە جەتى قاباتتى ۇيلەردىڭ جانە قالانىڭ «وڭتۇستىك-شىعىس» اۋدانىنداعى توعىز قاباتتى ٴۇيدىڭ قۇرىلىسى جالعاسادى»، - دەيدى قالا اكىمى نۇرلان اۋباكىروۆ.

2018-2019 جىلدارى ۆولوچايەۆ كوشەسى، گۇلدەر شاعىن اۋدانى مەن شاحتەرلەر داڭعىلىنىڭ بويىندا سالىنىپ جاتقان ۇيلەردىڭ قۇرىلىسى اياقتالادى دەپ جوسپارلانعان. سونىمەن قاتار، پريكانالنايا كوشەسىندەگى 160 پاتەرلىك ٴۇيدىڭ دە قۇرىلىسى بىتۋگە جاقىن.

«نەگىزىنەن تۇرعىن ٴۇي قۇرىلىسىنا مۇقتاجدىق قالا تۇرعىندارىنىڭ بەلسەندى وسۋىمەن بايلانىستى. قاراعاندى قالاسىندا تۇرعىندار سانى ورتا ەسەپپەن جىلىنا 5 مىڭ ادامعا ارتادى. وسىعان بايلانىستى تۇرعىن ٴۇي قۇرىلىسى قالاداعى ەڭ وزەكتى باعىتتاردىڭ ٴبىرى ەكەندىگىن ايتقىم كەلەدى. ٴقازىر ورتا ەسەپپەن ٴبىر قاراعاندىلىققا 22 شارشى مەتر تۇرعىن ٴۇي كەلەدى ەكەن. ٴبىزدىڭ ماقساتىمىز – بۇل ساندىق كورسەتكىشتى 30-عا دەيىن ۇلعايتۋ بولىپ وتىر»، - دەدى نۇرلان اۋباكىروۆ.

«نۇرلى جەر» باعدارلاماسىنىڭ شارتتارى بويىنشا جاڭا ۇيلەردەگى پاتەرلەردىڭ جارتىسى باسپانا كەزەگىندە تۇرعاندارعا بەرىلەدى. ولار قازىردەن باستاپ «تۇرعىن ٴۇي قۇرىلىس جيناق بانكىندە» شوت اشىپ، قارجى جيناي باستاۋى قاجەت.

«بارلىق سالىمشىلاردىڭ نازارىنا، شوتتى ەرتەرەك اشساڭىز سوعىرلىم الەۋمەتتىك باسپاناعا قول جەتكىزۋگە مۇمكىندىگىنىڭىز ارتادى. تاعى ٴبىر ماڭىزدى اقپارات – جيناقتىق قوردىڭ مەرزىمى كوپ بولعان سايىن نەسيە بويىنشا پايىزدىق مولشەرلەمە ازايا تۇسەدى»، - دەيدى «تۇرعىن ٴۇي قۇرىلىس جيناق بانكى» قاراعاندى وبلىستىق فيليالىنىڭ ديرەكتورى گۇلنار دابىلوۆا.

بيىلعى جىلى بانكتىڭ «ٴوز ٴۇيىم» باعدارلاماسى بويىنشا 332 ادام پاتەرلەرگە يە بولادى. ونىڭ ٴ152-سى پروكۋراتۋرا قىزمەتكەرلەرى. گۇلنار دابىلوۆانىڭ ايتۋىنشا، «تۇرعىن ٴۇي قۇرىلىس جيناق بانكى» مەن قاراعاندى وبلىسىنىڭ پروكۋراتۋراسى اراسىندا جاسالعان سەرىكتەستىك مەموراندۋمىنا ساي پروكۋراتۋرا قىزمەتكەرلەرىنە باسپانا تومەندەتىلگەن باعامەن بەرىلەدى.

«قازاقستاننىڭ «تۇرعىن ٴۇي قۇرىلىس جيناق بانكى» بيىلعى جىلى بيزنەس جوبالاردى وڭتايلاندىرۋ ماسەلەلەرى بويىنشا ٴبىراز جۇمىستار اتقاردى. جاڭادان baspana.kz پورتالى ىسكە قوسىلدى. پورتالدان «نۇرلى جەر» جانە «ٴوز ٴۇيىم» باعدارلاماسى اياسىندا سالىنىپ جاتقان نىساندار جايلى بىلۋگە بولادى. سونداي-اق، بانكتىڭ جەكە سايتىندا ايماقتاردا سالىنىپ جاتقان نىساندار جايلى اقپاراتتار ورنالاستىرىلعان. باعدارلاماعا قاتىسۋعا ٴوتىنىشتى قابىلداۋدىڭ دا مالىمەتتەرى بەرىلگەن»، - دەيدى گ.دابىلوۆا.

«تۇرعىن ٴۇي قۇرىلىس جيناق بانكىنىڭ» قاراعاندى وبلىستىق فيليالى ديرەكتورىنىڭ ايتۋىنشا، 2017 جىلدىڭ قورىتىندىسى بويىنشا مەملەكەتتىڭ ماكسيمالدى سىيلىقاقىسىن قاراعاندى وبلىسىندا بانكتىڭ 71 000 سالىمشىسى الادى.

«مەملەكەت ەسەبىنەن بەرىلەتىن سىيلىقاقى جىل بويىنا 453 800 تەڭگە قارجى جيناعان سالىمشىعا بەرىلەدى. ياعني، بانك كليەنتى ٴبىر جىل ىشىندە وسى سوممانى دەپوزيتتە جيناسا نەمەسە بىردەن شوتىنا سالسا، وندا ول ەڭ جوعارعى سىياقى 90 760 تەڭگەگە يە بولادى»، - دەيدى گ.دابىلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي