BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا بيىل جاڭا مەكتەپ اشىلادى

قاراعاندى وبلىسىنىڭ اكىمى ەرلان قوشانوۆ جاڭا تۇرعىن ۇيلەردىڭ جانە الەۋمەتتىك نىسانداردىڭ قۇرىلىس بارىسىمەن تانىستى، دەپ حابارلايدى baq.kz اقپارات اگەنتتىگى.

ايماق باسشىسى «جانۇيا-2» تۇرعىن ٴۇي كەشەنىنىڭ قۇرىلىس الاڭىندا بولدى. جوبانىڭ قۇنى 2،6 ملرد تەڭگەنى قۇرايدى. مۇندا جالپى اۋدانى 12800 شارشى مەتردى قۇرايتىن ون قاباتتى ۇيلەر سالىنىپ جاتىر. بارلىعى 199 پاتەر بولادى.

«جوبا «نۇرلى جەر» تۇرعىن ٴۇي قۇرىلىس باعدارلاماسى شەڭبەرىندە جۇزەگە اسىرىلىپ جاتىر. پاتەرلەر تۇرعىن ٴۇي قۇرىلىس جيناق بانكىنىڭ سالىمشىلارىنا ساتىلادى. ٴ2018-شى جىلدىڭ سوڭىنا دەيىن اياقتاۋدى جوسپارلاپ وتىرمىز. ازىرگە قالىپتى جىلدامدىقپەن كەلە جاتىرمىز. قارجىلاندىرۋعا قاتىستى قيىندىقتار جوق، - دەدى «ككك ينجينيرينگ» جشس ديرەكتورى يۆان ماليۋشەنكو.

ول قۇرىلىس جۇمىستارىنا جەرگىلىكتى ٴۇي قۇرىلىسى كومبيناتىنىڭ ماتەريالدارى پايدالانىلاتىنىن اتاپ ٴوتتى. تەحنولوگيا قۇرىلىس مەرزىمىن جىلدامداتىپ، قۇنىن تومەندەتۋگە مۇمكىندىك بەرەدى. مامانداردىڭ مالىمەتىنشە ەڭبەك كۇشىنىڭ جۇمسالۋى ٴۇش ەسەگە قىسقارعان.

ٴدال وسى كومپانيا ب.مومىش ۇلى كوشەسىندە ٴۇش جاپىراق پىشىندەس كوپ پاتەرلى تۇرعىن ٴۇي كەشەنىن سالىپ جاتىر. جوبانىڭ قۇنى – 9،3 ملرد تەڭگە. تاپسىرىس بەرۋشى قاراعاندى قالاسىنىڭ قۇرىلىس ٴبولىمى. ماقساتى – حالىقتى قولجەتىمدى باسپانامەن قامتاماسىز ەتۋ. كەشەندە 14 جانە 16 قاباتتى ۇيلەردىڭ جالپى اۋدانى شامامەن 60 مىڭ شارشى مەتردى قۇرايتىن 1128 پاتەرلى ٴۇي بولادى.

قاراعاندى وبلىسى اكىمدىگىنىڭ ٴباسپاسوز قىزمەتى ٴمالىم ەتكەندەي، جوبا «2020 جىلعا دەيىن ايماقتاردى دامىتۋ» مەملەكەتتىك باعدارلاماسى اياسىندا تۇرعىن ٴۇي قۇرىسىل جيناق بانكى جەلىسى بويىنشا جۇزەگە اسىرىلۋدا. جۇمىستار كەستەگە ساي جۇرگىزىلۋدە. تۇرعىن ٴۇي كەشەنىنىڭ العاشقى ەكى كەزەگىن ٴ2018-شى جىلدىڭ ەكىنشى جارتى جىلدىعىندا تاپسىرۋ جوسپارلانىپ وتىر. ٴبىرىنشى كەزەكتىڭ قۇرىلىسى اياقتالۋعا جاقىن.

وبلىس اكىمى سونىمەن قاتار پانەل-ورتالىق شاعىن اۋدانىنداعى 1200 ورىنعا شاقتالعان جاڭا مەكتەپتىڭ قۇرىلىسىمەن تانىسىپ قايتتى. قۇنى 2،2 ملرد تەڭگەنى قۇرايتىن جوبا «نۇرلى جول» مەملەكەتتىك باعدارلاماسى بويىنشا جۇزەگە اسىرىلىپ جاتىر. قاراجات ۇلتتىق قوردان بولىنگەن.

مەردىگەر – «ستروي س نامي» جشس. كومپانيانىڭ باس ينجەنەرى حيكماك داۆلەتوۆتىڭ ايتۋىنشا قۇرىلىس-مونتاجداۋ جۇمىستارى كەستەگە ساي وتكىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي