BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىدا 192 وتباسى باسپانالى بولدى

فوتو: Линар Галимов

قاراعاندىدا 192 وتباسى «نۇرلى جەر» مەملەكەتتىك باعدارلاماسى بويىنشا پاتەر الدى، دەپ حابارلايدى baq.kz اقپارات اگەنتتىگى.

پاتەر كىلتىن قاراعاندى وبلىسىنىڭ اكىمى ەرلان قوشانوۆ تابىس ەتتى.

ب. مومىش ۇلى كوشىسى بويىنداعى تۇرعىن ٴۇي كەشەنىندە العاشقى بولىپ جاڭا پاتەرلەردى كوپبالالى جانۇيالار، وتباسىندا مۇگەدەك بالالار بارلار، سونداي-اق تولىق ەمەس وتباسىلار الدى. ولار «تۇرعىنۇيقۇرىلىسجيناقبانكى» اق ارقىلى «نۇرلى جەر» مەملەكەتتىك باعدارلاماسىنا قاتىستى.

«بۇل جاڭا ۇيلەردەگى پاتەرلەر تاماشا. مۇندا جاقىن ارادا مەكتەپ، بالاباقشا، ەمحانا، دۇكەندەر مەن جايلى ومىرگە قاجەتتى بارلىق ينفراقۇرىلىم پايدا بولادى. كەلەشەكتە بۇل اۋدان قاراعاندىنىڭ ورتالىعىنا اينالادى. ٴار وتباسى ٴۇشىن باسپاناعا يە بولۋ ۇلكەن ارمان، جانە دە بۇگىنگى كۇنى ول ارماندار ورىندالىپ جاتىر. بارلىقتارىڭىزعا ناۋرىز مەيرامى باقىت پەن جاقسىلىق سىيلاسىن دەپ تىلەيمىن. جاڭا قونىس – ول تەك سىزدەردىڭ عانا قۋانىشتارىڭىز ەمەس، وعان ٴبىز دە – قالا، وبلىس باسشىلىعى قاتتى قۋانامىز، سەبەبى ەلباسى الدىمىزعا ۇلكەن مىندەت قويدى: ايماقتىڭ تۇرعىندارىنىڭ الەۋمەتتىك ٴومىر دەڭگەيىن كوتەرۋ. ول ٴۇشىن ٴبىز جۇمىس ىستەۋىمىز قاجەت. ەڭ باستى جانە قيىن مىندەت – بارلىق مۇقتاج ازاماتتاردى باسپانامەن قامتاماسىز ەتۋ»، - دەدى ايماق باسشىسى.

جاڭاگۇل الدانازاروۆا، باستاۋىش سىنىپ ٴمۇعالىمى جانە كوپبالالى انا، باسپانا الۋعا كەزەكتە 2010-شى جىلدان بەرى تۇرعان. بۇگىن وبلىس اكىمىنىڭ قولىنان ارمانداعان پاتەر كىلتىن الدى.

«بۇرىن ٴبىز كىشكەنتاي پاتەردە مايقۇدىقتا، ٴ13-شى ىقشام اۋداندا تۇردىق. قازىرگى جاڭا پاتەرىمىز ۇلكەن، 70 شارشى مەتر. مۇندا بارلىعىمىزعا جايلى بولادى»، - دەدى جاڭاگۇل.

كەلەسى وقۋ جىلى قارساڭىندا جاڭا ىقشام اۋداندا 1200 ورىنعا شاقتالعان مەكتەپ اشىلادى. ۇيلەردىڭ تومەنگى قاباتتارىندا ەمحانا مەن مەكتەپكە دەيىنگى بۇلدىرشىندەرگە ارنالعان شاعىن ورتالىقتارعا ورىن قالدىرىلعان.
كۇن جىلىعان بەتتە اۋلالار اباتتاندىرىلاتىن بولادى: اسفالت توسەلىپ، جارىق شامدارى ورناتىلىپ، بالالار الاڭى قۇرىلادى.

بارلىعى جاڭا تۇرعىن ٴۇي كەشەنىندە 1125 پاتەر بار. جىل سوڭىنا قاراي بارلىق ۇيلەر سالىنىپ ٴبىتىپ، قولدانىسقا بەرىلمەك. عيماراتتاردىڭ جالپى اۋدانى – 83 503 شارشى مەتر، ولارىڭ 59 ٴ532-ى – پاتەرلەردىڭ اۋدانى.

قاراعاندى وبلىسى اكىمىنىڭ ٴباسپاسوز قىزمەتى ٴمالىم ەتكەندەي، ٴقازىر وبلىس ورتالىعىندا باسپاناعا كەزەكتە 15 714 ادام تۇر. ولاردىڭ اراسىندا جەتىمدەر، مۇگەدەكتەر، ۇوس ارداگەرلەرىنە تەڭەستىرىلگەن ازاماتتار، مۇگەدەك بالالارى بار اتا-انالار، سوزىلمالى دەرتتەرگە شالدىققان تۇلعالار، كوپبالالى جانە تولىق ەمەس وتباسىلار، مەملەكەتتىك قىزمەتكەرلەر جانە باسقالارى بار.

«نۇرلى جەر» تۇرعىن ٴۇي قۇرىلىس باعدارلاماسى بىرنەشە باعىتتاردان قۇرالادى جانە قازاقستاندىقتاردىڭ تۇرعىن ٴۇي جاعدايلارىنىڭ ساپاسىن جوعارىلاتۋعا، يپوتەكالىق نەسيەلەۋ سەكتوردى ىنتالاندىرۋعا ارنالعان. باعدارلامانىڭ ماقساتى – ازاماتتارعا ٴوز باسپاناسىن الۋعا كومەكتەسۋ بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي