BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حالىقتى باسپانامەن قامتۋعا قازپوشتا دا اتسالىسا باستادى

ەندى تۇرعىن ٴۇي قۇرىلىس جيناق بانكىنىڭ سالىمشىلارى قازپوشتانىڭ كەز كەلگەن بولىمشەسىندە شوت اشا الادى. بۇل تۋرالى استاناداعى ٴباسپاسوز كونفەرەنسياسىندا تقجب باسقارما ٴتوراعاسىنىڭ ورىنباسارى جانار جۇبانيازوۆا مالىمدەدى، دەپ حابارلايدى baq.kz.

ونىڭ ايتۋىنشا، «قازپوشتا» اق بولىمشەلەرىندە اقىسىز دەپوزيتتى تولىقتىرۋعا جانە كرەديت تولەۋگە بولادى. بۇعان دەيىن بۇل قىزمەتتەرگە تولەنەتىن سومانىڭ 1%-ى كولەمىندە كوميسسيا ۇستالاتىن. تۇرعىن ٴۇي قۇرىلىس جيناق بانكى وسى شىعىندى ٴوز موينىنا الىپ وتىر.

قازپوشتا بولىمشەلەرى ارقىلى دەپوزيت اشۋ كەزىندە سالىمشى شوتقا كەم دەگەندە 15 مىڭ تەڭگە اۋدارۋ كەرەك. ٴبىر ايتا كەتەرلىگى، بۇل اقشا كوميسسيا ەمەس، كليەنتتىڭ شوتىنا تۇسەدى.

«قازىرگى تاڭدا ٴبىزدىڭ 17 فيليالىمىز، 15 قىزمەت كورسەتۋ جانە 150 كوسۋلتاسيالىق ورتالىعىمىز بار. قازپوشتا – ەلىمىزدەگى ەڭ كوپ فيليالى بار مەكەمە، ەندى ٴبىز قازاقستاندىقتاردىڭ بارىنە قىزمەت كورسەتە الامىز. بۇل بانك قىزمەتىن قولجەتىمدى ەتىپ قانا قويماي، پوشتالىق وپەراتور بولىمشەلەرى ارقىلى مەملەكەتتىك تۇرعىن ٴۇي باعدارلامالارى جايلى بارىنشا مول اقپارات تاراتۋعا مۇمكىندىك بەرەدى»، - دەپ اتاپ ٴوتتى جانار جۇبانيازوۆا.

ەلىمىزدىڭ ازاماتتارى قازپوشتانىڭ 800-دەن استام اۆتوماتتاندىرىلعان بولىمشەسىندە دەپوزيت اشا الادى. سوندىقتان بۇدان بىلاي اۋىل تۇرعىندارىنا تقجب-مەن كەلىسىمشارت جاساۋ ٴۇشىن قالا كەلۋدىڭ قاجەتى جوق.

قازىرگى تاڭدا بانكتە 950 مىڭعا جۋىق سالىمشىنىڭ 460 ملرد تەڭگە قارجىسى بار. بانك قىزمەتكەرلەرى جاڭا قىزمەت «نۇرلى جەر» تۇرعىن ٴۇي باعدارلاماسىن ناسيحاتتاۋدا قوسىمشا قۇرال بولادى دەپ ەسەپتەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي