BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلiمiزدە بiرىڭعاي ساۋلەتتiك ستيلدەگi جەكە تۇرعىن ۇيلەر سالىنا باستادى

فوتو: dep-kadrov.mid.gov.kz

بيىل «نۇرلى جەر» باعدارلاماسى شەڭبەرiندە 4 وبلىس ورتالىعىندا ٴبىرىڭعاي ساۋلەتتىك ستيلدە جەكە تۇرعىن ٴۇي قۇرىلىسىنىڭ پيلوتتىق جوباسى iسكە اسىرىلا باستادى. وسى بويىنشا كولەمi 136،9 مىڭ شارشى مەتر 1193 ٴۇي سالۋ جوسپارلانعان. بۇل تۋرالى ۇكiمەت وتىرىسىندا قر ينۆەستيسيالار جانە دامۋ مينيسترi جەڭiس قاسىمبەك ايتتى، دەپ حابارلايدى baq.kz تiلشiسi.

مينيستردiڭ ايتۋىنشا، «نۇرلى جەر» باعدارلاماسى بيىلعى جىلى iسكە اسىرىلا باستادى. ول حالىق ٴۇشىن تۇرعىن ٴۇيدىڭ قولجەتiمدiلiگiن ارتتىرۋدى قامتاماسىز ەتۋگە باعىتتالعان. باعدارلاما بەس باعىتتى ىسكە اسىرۋعا نەگىزدەلگەن. ولار: حالىقتىڭ الەۋمەتتىك وسال توپتارى ٴۇشىن جالعا بەرىلەتىن تۇرعىن ٴۇي سالۋ; جەكە تۇرعىن ٴۇي قۇرىلىسىن دامىتۋ; تۇرعىن ٴۇي قۇرىلىس جيناقتارى جۇيەسى ارقىلى وتكىزىلەتىن كرەديتتىك تۇرعىن ٴۇي سالۋ; جەكە قۇرىلىس سالۋشىلاردى تۇرعىن ٴۇي سالۋعا ىنتالاندىرۋ; يپوتەكالىق كرەديت بەرۋدىڭ قولجەتىمدىلىگىن ارتتىرۋ.

«باعدارلامانىڭ «جەكە تۇرعىن ٴۇي قۇرىلىسىن دامىتۋدى قولداۋ» باعىتى تۋرالى ايتاتىن بولساق، بيىل جەكە تۇرعىن ٴۇي قۇرىلىسى ٴۇشىن 60 مىڭ جەر ۋچاسكەسىن جەلىلەرمەن قامتاماسىز ەتۋ جوسپارلانعان. ماڭعىستاۋ (15759 ۋچاسكە) جانە اقتوبە (11732 ۋچاسكە) وبلىستارىنىڭ اكىمدىكتەرى ٴتيىستى جەلىلەرى بار جەر ۋچاسكەلەرىمەن ەڭ كوپ قامتاماسىز ەتۋدى جوسپارلاپ وتىر. جارتى جىلدىقتىڭ قورىتىندىسى بويىنشا، جەكە تۇرعىن ٴۇي قۇرىلىسى ٴۇشىن 23،5 مىڭ جەر ۋچاسكەسى جەلىلەرمەن قامتاماسىز ەتىلگەن. پاۆلودار (413 ۋچاسكە)، قوستاناي (820 ۋچاسكە) جانە شىعىس قازاقستان (854 ۋچاسكە) وبلىستارىندا جەر ۋچاسكەلەرىمەن قامتاماسىز ەتۋدىڭ كورسەتكiشi وتە تومەن»، - دەيدi قاسىمبەك.

مينيستردiڭ ايتۋىنشا، جەكە تۇرعىن ٴۇي قۇرىلىسىن جەلىلەرمەن قامتاماسىز ەتۋگە كوزدەلگەن قاراجاتتىڭ سوماسى 45،5 ملرد. تەڭگەنى قۇرايدى.

سونداي-اق، ۆەدومستۆو باسشىسى بيىل «جەكە تۇرعىن ٴۇي قۇرىلىسىن دامىتۋدى قولداۋ» باعىتى شەڭبەرىندە 4 وبلىس ورتالىعىندا ٴبىرىڭعاي ساۋلەتتىك ستيلدە جەكە تۇرعىن ٴۇي قۇرىلىسىنىڭ پيلوتتىق جوباسى iسكە اسىرىلا باستادى دەيدi. وسى بويىنشا كولەمi 136،9 مىڭ شارشى مەتر 1193 ٴۇي سالۋ جوسپارلانعان.

جەڭiس قاسىمبەكتiڭ مالiمەتiنشە، اقتوبە وبلىسىندا – 423 ٴۇي (2017 جىلى - 194، 2018 جىلى - 229); قوستاناي وبلىسىندا - 270 ٴۇي (2017 جىلى - 100، 2018 جىلى - 170); سولتۇستىك قازاقستان وبلىسىندا - 200 ٴۇي (2017 جىلى - 72، 2018 جىلى – 128); جامبىل وبلىسىندا – 300 ٴۇي (2018 جىلى) پايدالانۋعا بەرiلمەك.

«مينيسترلىك وسىنداي تۇرعىن ۇيلەر سالۋ ٴۇشىن 6 ۇلگىلىك جوبا ازىرلەدى جانە قولدانۋ ٴۇشىن وڭىرلەرگە بەردى»، - دەپ تۇيiندەدi قاسىمبەك.

سونداي-اق، بيىل الەۋمەتتiك وسال توپتار ٴۇشiن 3 مىڭعا جۋىق پاتەر پايدالانۋعا بەرiلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي