BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بىلتىر 100 مىڭنان استام وتباسى باسپانالى بولدى

2017 جىلى «نۇرلى جەر» باعدارلاماسى بويىنشا 11،2 ملن شارشى مەتر تۇرعىن ٴۇي پايدالانۋعا بەرىلىپ، 100 مىڭنان استام وتباسى باسپانالى بولدى. بۇل تۋرالى ينۆەستيسيالار جانە دامۋ ۆيسە-مينيسترى قايىربەك وسكەنبايەۆ مينيسترلىكتىڭ القا ماجىلىسىندە مالىمدەدى، دەپ حابارلايدى baq.kz ٴتىلشىسى.

ەلىمىزدە 2017 جىلدان باستاپ «نۇرلى جەر» باعدارلاماسى شەڭبەرىندە تۇرعىن ٴۇي ساياساتى ىسكە اسىرىلىپ جاتىر.

«11،2 ملن شارشى مەتر تۇرعىن ٴۇي پايدالانۋعا بەرىلدى. 100 مىڭنان استام وتباسى جاڭا تۇرعىن ٴۇي الدى. جىلدىق جوسپارعا وراي جالپى تۇرعىن ٴۇيدى ىسكە قوسۋ 111% ورىندالدى. 2016 جىلمەن سالىستىرعاندا 6،2 پايىزعا ارتىق. تۇرعىن ٴۇيدى ىسكە قوسۋ بويىنشا استانا جانە الماتى قالالارى، ماڭعىستاۋ جانە اقتوبە وبلىستارى الدىڭعى قاتاردا تۇر، الماتى وبلىسىن قوسپاعاندا ەلىمىزدىڭ بارلىق وڭىرىندە ٴوسىم بايقالادى»، - دەدى ول.

تۇرعىن ٴۇيدى ۋاقىتىندا ىسكە قوسۋ ٴۇشىن وڭىرلەردە تۇرعىن ۇيگە قاجەتتى قۇرىلىس ينفراقۇرىلىمىن جەتكىزۋ ماقساتىندا 77،3 ملرد تەڭگە مەملەكەتتىك ينۆەستيسيالار بولىنگەن.

«كوپ پاتەرلى جانە جەكە تۇرعىن ٴۇي قۇرىلىسىنا 3،6 مىڭ كم جەلىلەر تارتىلدى. 70 مىڭنان استام جەكە تۇرعىن ۇيلەرگە ارنالعان جەر ۋچاسكەلەرى جەلىلەرمەن قامتاماسىز ەتىلدى. سونىمەن قاتار، اقمولا، قاراعاندى جانە پاۆلودار وبلىستارىندا قاراجاتتار تولىق يگەرىلگەن جوق»، - دەدى قايىربەك وسكەنبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي