BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل تۇرمىسى تومەن وتباسىلارعا جالعا بەرىلەتىن پاتەرلەر سانى بەلگىلى بولدى

2018 جىلى تۇرمىسى تومەن وتباسىلارعا جالعا بەرىلەتىن 3507 پاتەر سالىنادى. بۇل تۋرالى ۇكىمەت وتىرىسىندا قر ينۆەستيسيالار جانە دامۋ ٴمينيسترى جەڭىس قاسىمبەك مالىمدەدى، دەپ xابارلايدى baq.kz ٴتىلشىسى.

“تۇرمىسى تومەن ازاماتتار ٴۇشىن جالعا بەرىلەتىن تۇرعىن ٴۇي سالۋ” باعىتى بويىنشا جىل سايىن رەسپۋبليكالىق بيۋدجەتتەن 25 ملرد تەڭگە بولىنەدى. بۇل سوما وڭىرلەرگە تەپە-تەڭ بەرىلەدى”، - دەدى ول.

ونىڭ ايتۋىنشا، وسى باعىت بويىنشا بىلتىر وڭىرلەردە ساتىپ الۋسىز جالعا بەرىلەتىن 5391 پاتەردىڭ قۇرىلىسى باستالعان. سونىڭ ىشىندە 2620 پاتەر پايدالانۋعا بەرىلگەن.

“وسى ورايدا تۇرعىن ٴۇيدى پايدالانۋعا بەرۋ جوسپارىن قاراعاندى وبلىسى ورىندامادى. بۇل وڭىردە جوسپارلانعان 96 باسپانانىڭ 4-ەۋى عانا پايدالانۋعا بەرىلگەن. وڭىرلەرگە بولىنگەن 25 ملرد تەڭگەنىڭ 24،8 ملرد تەڭگەسى نەمەسە جالپى كولەمىنىڭ 99،2%-ى يگەرىلدى”، - دەدى ۆەدومستۆو باسشىسى.

مينيستر بيىل “نۇرلى جەر” باعدارلاماسىنىڭ تۇرمىسى تومەن ازاماتتاردى جالعا بەرىلەتىن پاتەرلەرمەن قامتاماسىز ەتۋ باعىتى بويىنشا قانشا پاتەر قۇرىلىسى جوسپارلانىپ وتىرعانىن اتاپ ٴوتتى.

“بيىل باعدارلامانىڭ وسى باعىتى بويىنشا 184،5 مىڭ شارشى مەتر، ياعني 3507 پاتەر قۇرىلىسى جوسپارلانعان. الايدا ماڭعىستاۋ وبلىسى 2018 جىلدىڭ جوسپارىنا قاتىستى بارلىق قۇجاتتى تاپسىرمادى”، - دەدى جەڭىس قاسىمبەك بۇگىنگى ۇكىمەت وتىرىسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي