BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل ەلىمىز بويىنشا 100 مىڭ تۇرعىن ٴۇيدى پايدالانۋعا بەرۋ جوسپارلانعان

2017 جىلدىڭ باسىنان باستاپ ينۆەستيسيالار جانە دامۋ مينيسترلىگىنىڭ قاراماعىنا وتكەن قۇرىلىس جانە تۇرعىن ۇي-كوممۋنالدىق شارۋاشىلىعىن دامىتۋ سالاسىندا ايتارلىقتاي ىلگەرلەۋشىلىك بار، دەيدى baq.kz ٴتىلشىسى.

2016 جىلى جالپى تۇرعىن ٴۇي قۇرىلىسى الاڭىنىڭ فيزيكالىق كولەم يندەكسى 118%-دى قۇرادى. ال وسى جىلى كولەمى 10،5 ملن شارشى مەتر تۇرعىن ٴۇي پايدالانۋعا بەرىلدى. بۇل شامامەن 90 مىڭ باسپانا دەگەن ٴسوز.

بۇعان دەيىن «نۇرلى جول» باعدارلاماسى اياسىندا جۇزەگە اسىپ كەلگەن باسپانامەن قامتاماسىز ەتۋ ماسەلەسى وسى جىلدان باستاپ «نۇرلى جەردىڭ» قاراماعىنا وتكەن بولاتىن. دەگەنمەن «نۇرلى جولدا» باستالعان قۇرىلىس، يپوتەكالىق جۇيە سول باعدارلامادا اياقتالادى.

وسىدان ٴبىراز كۇن بۇرىن حالىققا ەسەپ بەرگەن سالا باسشىسى جەڭىس قاسىمبەك: «بۇل سالا بويىنشا ينۆەستيسيا كولەمى 2015 جىلى 740 ملرد تەڭگە بولسا، 2016 جىلى 830 ملرد تەڭگەگە جەتتى» - دەپ اتاپ كورسەتتى. دەمەك بيىلعى جىلى بۇل كورسەتكىش ارتپاسا، كەمىمەيتىنى انىق.

«نۇرلى جول» باعدارلاماسى ەلىمىزدەگى بارلىق سالانى قامتىدى. ال «نۇرلى جەر» - ازىرگە حالىقتى جاپپاي باسپانامەن، جەر تەلىمدەرىمەن قامتاماسىز ەتۋدى عانا كوزدەپ وتىر. سوندىقتان دا بولار، جۇرگىزىلگەن رەفورمالار ناتيجەسىندە كاسىپكەرلەر ٴۇشىن قۇرلىس جۇرگىزۋگە رۇقسات الۋ مەرزىمى 3 ايدان 1 ايعا دەيىن قىسقاردى. بۇل ٴوز كەزەگىندە كاسىپكەرلەردىڭ ۋاقىتىن ٴتيىمدى پايدالانۋىنا، قۇجات ٴۇشىن كوپ ۋاقىتىن جوعالتپاۋعا ٴتيىمدى مۇمكىندىك بولدى.

اتالعان كورسەتكىشتەر بويىنشا 2 جىلدا قازاقستان بۇكىلالەمدىك بانك رەيتينگىسىندە 152-ورىننان 22-ورىنعا كوتەرىلدى.

«نۇرلى جەر» تۇرعىن ٴۇي قۇرىلىسىنىڭ ٴبىرىڭعاي باعدارلاماسى ازىرلەنىپ، ونىڭ اياسىندا 1،5 ملن. تۇرعىن ٴۇي سالىناتىن بولادى. ال، 2017 جىلى 100 مىڭ تۇرعىن ٴۇي جوسپارلانىپ وتىر» - دەيدى قازاقستان رەسپۋبليكاسى ينۆەستيسيا جانە دامۋ ٴمينيسترى جەڭىس قاسىمبەك.

باعدارلامانىڭ نەگىزگى مىندەتتەرىنىڭ ٴبىرى - تۇرعىن ٴۇي قۇرىلىسىن بيۋدجەتتەن تىس تىكەلەي قارجىلاندىرۋعا اۋىستىرۋ.

نەگىزگى باسىمدىق جەكە قۇرىلىسشىلاردى ىنتالاندىرۋ ارقىلى نارىقتىق قاتىناستى جانە تۇرعىن ٴۇي قۇرىلىس جيناق بانكى جۇيەسىن دامىتۋعا بەرىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي