BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل بارلىق ساناتتاعى ازاماتتار ٴۇشىن ارزان يپوتەكا بەرىلەدى – جەڭىس قاسىمبەك

«7-20-25» جاڭا يپوتەكالىق مەحانيزمدەرگە بايلانىستى «نۇرلى جەر» باعدارلاماسىنا وزگەرىس ەنگىزىلەدى. بۇل تۋرالى بۇگىن قر ينۆەستيسيالار جانە دامۋ ٴمينيسترى جەڭىس قاسىمبەك مالىمدەدى، دەپ حابارلايدى baq.kz ٴتىلشىسى.

ونىڭ ايتۋىنشا، «نۇرلى جەر» باعدارلاماسىن ىسكە اسىرۋدىڭ ناتيجەسىندە 100 مىڭنان استام وتباسى جاڭا باسپاناعا قول جەتكىزگەن. 2017 جىلدىڭ قورىتىندىسى بويىنشا قازاقستاندا پايدالانۋعا بەرىلگەن تۇرعىن ٴۇي كولەمى 11 ملن شارشى مەتردەن اسىپ، رەكوردتتىق كورسەتكىشكە جەتتى. ياعني، 2016 جىلعا قاراعاندا 6،2%-عا جوعارى.

سونداي-اق، تۇرعىن ۇيگە قولجەتىمدىلىكتى قامتاماسىز ەتۋ ماقساتىندا ارزان قۇرىلىس پەن يپوتەكالىق كرەديت بەرۋ ماسەلەلەرى بويىنشا جۇمىس جۇرگىزىلەدى. 2030 جىلعا قاراي تۇرعىن ٴۇي كورسەتكىشىن ٴبىر تۇرعىنعا شاققاندا 30 شارشى مەترگە دەيىن جەتكىزۋ جوسپارلانۋدا.

«كوممەرسيالىق بانكتەر بيىل قۇرىلىس سالۋشىلارعا 70 ملرد تەڭگەگە سۋبسيديالاناتىن نەسيە بەرەدى. مەملەكەت باسشىسى جاريالاعان «بەس الەۋمەتتىك باستامانى» ىسكە اسىرۋ اياسىندا وسى ايدا جاڭا «7-20-25» يپوتەكالىق باعدارلاماسىنىڭ نورمالارىن ەسەپكە الا وتىرىپ، «نۇرلى جەر» باعدارلاماسىنا وزگەرىس ەنگىزىلەدى. بۇل مەحانيزم ارقىلى ٴاربىر جۇمىس ىستەيتىن ادام نەسيەگە پاتەر ساتىپ الا الادى. قازاقستاندىقتاردىڭ كوبىنىڭ ٴتيىمدى شارتتار ارقىلى باسپانا ساتىپ الۋعا مۇمكىندىگى بولادى. بيىلعى جىلدىڭ ەكىنشى جارتىسىندا بارلىق ساناتتاعى ازاماتتار ٴۇشىن العاشقى ارزان يپوتەكا بەرىلەدى»، - دەدى مينيستر جەڭىس قاسىمبەك.

قازىرگى ۋاقىتتا جاڭا باعدارلامانى نەعۇرلىم ٴتيىمدى ىسكە اسىرۋ ٴۇشىن تالاپتارىن جەڭىلدەتۋ بويىنشا ۇلتتىق بانك قازاقستان رەسپۋبليكاسىنىڭ زاڭناماسىنا ٴبىرقاتار تۇزەتۋلەر دايىنداپ جاتىر.

«يپوتەكانى سۋبسياديالاۋ اياسىندا قارجى بولەمىز. بىلتىر بانكتەرگە 2،5-3 ملرد قارجى ٴبولىندى. وسى جىل دا سولاي بولادى. «7-20-25» باعدارلاماسى بويىنشا نەگىزگى جۇمىستى ۇلتتىق بانك اتقارادى. ٴبىز دە بىرگە اتسالىسىپ جاتىرمىز. ٴقازىر وسى باعدارلاما بويىنشا قاي ايماقتا قانشا پاتەرگە سۇرانىس بار ەكەنى جونىندە ۇلتتىق بانك ەسەپ جۇمىسىن جۇرگىزىپ جاتىر. مىسالى، وزدەرىڭىز بىلەسىزدەر اتىراۋ مەن اقتاۋدى، استانا مەن الماتى قالالارىمەن سالىستىرساق پاتەر قۇنى باسقاشا. ورالدا، قوستانايدا نەمەسە پەتروپاۆلدا 10 ملن تەڭگەگە 2 بولمەلى پاتەر الۋعا بولادى، ال بۇل اقشاعا الماتىدان 70-80 شارشى مەترلىك پاتەر الۋعا كەلمەيدى. سوندىقتان، ٴقازىر وسى ماسەلە بويىنشا جۇمىستار ٴجۇرىپ جاتىر. ٴبىزدىڭ ويىمىزشا، وسى باعدارلاما ارقىلى قازاقستاندىقتار 4 جىلدىڭ ىشىندە 70 مىڭنان 100 مىڭ پاتەرگە دەيىن يپوتەكا الا الادى»، - دەپ تۇيىندەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي