BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل الەۋمەتتiك وسال توپتار ٴۇشiن 3 مىڭعا جۋىق پاتەر پايدالانۋعا بەرiلمەك

2017 جىلى حالىقتىڭ الەۋمەتتىك وسال توپتارى ٴۇشىن ساتىپ الۋ قۇقىعىنسىز جالعا بەرىلەتىن 2 687 پاتەردى (150 مىڭ شارشى مەتردi) پايدالانۋعا بەرۋ جوسپارلانعان. بۇل تۋرالى ۇكiمەت وتىرىسىندا قر ينۆەستيسيالار جانە دامۋ مينيسترi جەڭiس قاسىمبەك ايتتى، دەپ حابارلايدى baq.kz تiلشiسi.

مينيستردiڭ ايتۋىنشا، «نۇرلى جەر» باعدارلاماسى بيىلعى جىلى iسكە اسىرىلا باستادى. ول حالىق ٴۇشىن تۇرعىن ٴۇيدىڭ قولجەتiمدiلiگiن ارتتىرۋدى قامتاماسىز ەتۋگە باعىتتالعان. باعدارلاما بەس باعىتتى ىسكە اسىرۋعا نەگىزدەلگەن. ولار: حالىقتىڭ الەۋمەتتىك وسال توپتارى ٴۇشىن جالعا بەرىلەتىن تۇرعىن ٴۇي سالۋ; جەكە تۇرعىن ٴۇي قۇرىلىسىن دامىتۋ; تۇرعىن ٴۇي قۇرىلىس جيناقتارى جۇيەسى ارقىلى وتكىزىلەتىن كرەديتتىك تۇرعىن ٴۇي سالۋ; جەكە قۇرىلىس سالۋشىلاردى تۇرعىن ٴۇي سالۋعا ىنتالاندىرۋ; يپوتەكالىق كرەديت بەرۋدىڭ قولجەتىمدىلىگىن ارتتىرۋ.

«باعدارلامانىڭ نەگىزگى باعىتتارىنىڭ ٴبىرى - حالىقتىڭ الەۋمەتتىك وسال توپتارى ٴۇشىن ساتىپ الۋ قۇقىعىنسىز جالعا بەرىلەتىن تۇرعىن ٴۇي سالۋ. وسىنداي تۇرعىن ٴۇي سالۋ ٴۇشىن اعىمداعى جىلى رەسپۋبليكالىق بيۋدجەتتەن 25 ملرد. تەڭگە ٴبولىندى. بۇگىنگى كۇنى 6،1 ملرد. تەڭگە وڭىرلەرگە اۋدارىلدى، قالعان قاراجات قارجىلاندىرۋ جوسپارىنا سايكەس اۋدارىلماق. بولىنگەن قاراجاتقا 5936 پاتەردىڭ (311 مىڭ شارشى مەتر) قۇرىلىسى باستالدى، سونىڭ ىشىندە 2017 جىلى 2 687 پاتەردى (150 مىڭ شارشى مەتردى) پايدالانۋعا بەرۋ جوسپارلانعان»، - دەيدi قاسىمبەك.

ۆەدومستۆو باسشىسىنىڭ ايتۋىنشا، قىزىلوردا جانە ماڭعىستاۋ وبلىستارىنىڭ اكىمدىكتەرى تەندەرلىك راسىمدەردى وتكىزىپ جاتقاندىقتان رەسپۋبليكالىق بيۋدجەتتىڭ قاراجاتى ٴالى اۋدارىلماعان. بۇل رەتتە، ٴىس جۇزىندە 2178 پاتەر (120،3 مىڭ شارشى مەتر) پايدالانۋعا بەرiلەدi دەپ وتىر. اقمولا، اقتوبە، الماتى، ماڭعىستاۋ، شىعىس قازاقستان وبلىستارى اكىمدىكتەرى جەكە تۇرعىن ٴۇي قۇرىلىس اۋداندارى ينفراقۇرىلىممەن قامتاماسىز ەتىلمەگەندىكتەن جانە قۇرىلىس-مونتاجداۋ جۇمىستارىنا كونكۋرستىق راسىمدەر ۋاقىتىندا وتكىزىلمەۋ قاۋپi بولعاندىقتان وبەكتىلەردى 2018 جىلى پايدالانۋعا بەرۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي