BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل اقتوبەلىكتەرگە 10 000 جەر ۋچاسكەسىن ٴبولۋ جوسپارلانىپ وتىر

بۇل تۋرالى اقتوبە وبلىستىق وڭىرلىك كوممۋنيكاسيالار قىزمەتى الاڭىندا وتكەن ٴباسپاسوز كونفەرەنسياسىندا «اقتوبە قالالىق جەر قاتىناستارى ٴبولىمى» مم باسشىسى ۇشقىن مىڭبايەۆ ايتتى، دەپ حابارلايدى baq.kz اقپارات اگەنتتىگى.

«بۇگىنگى كۇنى اقتوبە قالاسى بويىنشا جەكە تۇرعىن ٴۇي قۇرىلىسى ٴۇشىن جەر ۋچاسكەسىن الۋعا كەزەكتە تۇرعان ازاماتتاردىڭ سانى - 131 894. 2017 جىلى قالا ماڭىنان ازاماتتاردىڭ كەزەگىنە سايكەس 10 400 جەر ۋچاسكەسى «باۋىرلاستار-3»، «دۋمان»، «پاراسات» «جاڭاقونىس-2»، «جاڭاقونىس-3»، «جاڭاقونىس-4»، «اقشات-3» تۇرعىن ماسسيۆتەرىنەن ٴبولىنىپ بەرىلدى. بيىل 2006 جىلدىڭ اياعىندا تىركەلگەن وزگە ازاماتتارعا جانە 2007 جىلعى كەزەكتەگى ازاماتتارعا 10 000 جەر ۋچاسكەسىن ٴبولۋ جوسپارلانىپ وتىر»، - دەيدى ۇشقىن مىڭبايەۆ.

سونىمەن بىرگە، 2007 جىلعى كەزەكتە تۇرعان ازاماتتاردىڭ ارىزدارىن قاناعاتتاندىرۋ ٴۇشىن بۇگىنگى كۇنى اۋىلشارۋاشىلىعى ماقساتىنداعى پايدالانىلماي وتىرعان شامامەن الاڭى 1489،0 گا جەر ۋچاسكەسى قالانىڭ جەر قورىنا قايتارىلىپ، كوممۋنيكاسيالىق جەلىلەرى جاقىن ورنالاسقان اۋماقتان جەر ۋچاسكەلەرىنە ەگجەي-تەگجەيلى جوسپارلاۋ جوباسى ازىرلەنۋدە.

ۇشقىن مىڭبايەۆ اۋىلشارۋاشىلىعى جانە كوممەرسيالىق ماقساتتاعى جەر ۋچاسكەلەرىنىڭ ٴتيىستى نىسانالى ماقساتىندا يگەرىلىپ جاتقاندىعىن نەمەسە نىسانالى ماقساتىنا ساي پايدالانىلماي جاتقاندىعىن انىقتاۋ، سونداي-اق ولاردى مەملەكەت مەنشىگىنە قايتارۋ ماقساتىندا جۇرگىزىلىپ جاتقان تۇگەندەۋ جۇمىستارىنا ناقتى توقتالىپ ٴوتتى.

اقتوبە قالاسى بويىنشا 5 سەلولىق وكرۋگتە اۋىل شارۋاشىلىعى ماقساتىنداعى جەرلەردىڭ جالپى كولەمى – 123 104 گا قۇرايدى، ونىڭ ىشىندە كولەمى – 72 831 گا 158 شارۋا قوجالىعى، 47 989 گا 55 جەر ( جشس-گى، اق-ى، وك-ىنىڭ) جەرلەرى تىركەلگەن. اعىمداعى جىلى «اقتوبە قالالىق جەر قاتىناستارى ٴبولىمى» مم تاراپىنان اقتوبە قالاسى بويىنشا اۋىل شارۋاشىلىعى ماقساتىنا بەرىلگەن جەر ۋچاسكەلەرىنە تۇگەندەۋ جۇمىستارى جۇرگىزىلۋدە.

قالا بويىنشا اعىمداعى جىلى ٴبولىم تاراپىنان كوممەرسيالىق ماقساتقا بەرىلگەن جەر ۋچاسكەلەرىنە تۇگەندەۋ جۇمىستارى جۇرگىزىلدى. ناتيجەسىندە جالپى كولەمى 154 گا 81 جەر ۋچاسكەسىنىڭ مەنشىك يەلەرىنە قاتىستى ماتەريالدار شارا قولدانۋ ٴۇشىن وبلىستىق جەر ينسپەكسياسىنا جولداندى.

اقتوبە قالاسىندا اعىمداعى جىلى جەر ۋچاسكەلەرىن جالداۋ قۇقىعىن ساتۋ بويىنشا اۋكسيونداردى (اعىلشىندىق ٴادىس) وتكىزۋ جۇمىستارى جالعاسۋدا.

وتكەن جىلدارى جەر ۋچاسكەلەرىنىڭ جالداۋ قۇقىعىن ساتۋ كونكۋرس ارقىلى وتكىزىلىپ كەلسە، 2016 جىلدان باستاپ اۋكسيون ارقىلى وتكىزۋدى قولعا الىپ وتىرمىز. بۇل – جەر ۋچاسكەلەرىن ساتۋ كەزىندەگى ايقىندىق پەن اشىقتىقتى قامتاماسىز ەتۋ ماقساتىندا ۇيىمداستىرىلدى. جەر ۋچاسكەلەرىن اۋكسيون ارقىلى ساتۋ بيۋدجەتكە تۇسەتىن قاراجاتتىڭ كولەمىن ارتتىرادى.

«اتاپ ايتساق، 2018 جىلدىڭ قاڭتار ايىنان باستاپ اقتوبە قالاسى بويىنشا ازاماتتىق - وندىرىستىك نىسانداردىڭ قۇرىلىسى ٴۇشىن جالپى كولەمى-20،3 گا بولاتىن 50 جەر ۋچاسكەسىنىڭ جالداۋ قۇقىعى اۋكسيون ارقىلى كوممەرسيالىق ماقساتقا 123،7 ملن.تەڭگەگە ساتىلىپ بەرىلدى»، - دەپ ايتتى ۇشقىن مىڭبايەۆ.

سونىمەن بىرگە، باۋ-باقشا ۇجىمدارىنا تۇگەندەۋ جۇمىستارى جۇرگىزىلۋدە.

اقتوبەنىڭ باس جوسپار بويىنشا دامۋىنا قاتىستى قالالىق ساۋلەت جانە قالا قۇرىلىسى ٴبولىمىنىڭ باسشىسى تاڭات شەگەبايەۆ: «باتىس ەۋروپا-باتىس قىتاي» حالىقارالىق كولىك ٴدالىزىنىڭ قۇرىلىسىن ەسكەرە وتىرىپ، اۋماقتىڭ ايتارلىقتاي ٴوسىمى كوزدەلىپ وتىر»، - دەپ حابارلادى. ەگەر 2003 جىلعى باس جوسپار شەكارالارىندا قالا اۋدانى 42 846،9 گا قۇراسا، كەلەشەكتە قالا اۋماعى 71 248،4 گەكتارعا دەيىن وسەدى.

سونداي-اق، قالانىڭ بۇرىننان سالىنعان بولىگىندەگى، دالىرەك ايتساق، ماسكەۋ، سازدى جانە ەسكى قالا اۋداندارىنداعى قايتا جاڭعىرتۋ ٴىس-شارالارى ىسكە اسىرىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي