BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىس قازاقستان وبلىسىندا 96 وتباسى باسپانالى بولدى

بۇگىن «نۇرلى جەر» باعدارلاماسى بويىنشا باتىس قازاقستان وبلىسىندا 96 وتباسى باسپانالى بولدى، دەپ حابارلايدى baq.kz اقپارات اگەنتتىگى.

«نۇرلى جەر» باعدارلاماسىنىڭ اياسىندا «كوكتەم» ىقشام اۋدانىندا 9 قاباتتى ٴۇي سالىنىپ، پايدالانۋعا بەرىلدى. جاڭا پاتەرلەردى بانك سالىمشىلارى جەرگىلىكتى اتقارۋشى ورگاندار جەلىسى بويىنشا ساتىپ الدى.

باتىس قازاقستان وبلىسىنىڭ اكىمى التاي كولگىنوۆ پەن «قازاقستاننىڭ تۇرعىن ٴۇي قۇرىلىس جيناق بانكى» اق وبلىستىق فيليالىنىڭ ديرەكتورى ايگۇل ناۋرىزاليەۆا باسپانالى بولعان ازاماتتاردى قۇتتىقتادى.

- جاڭا ٴۇيدىڭ جانىندا مەكتەپ، ەمحانا، دەنە شىنىقتىرۋ-ساۋىقتىرۋ كەشەنى، ەكى بالاباقشا بار. سالىمشىلارىمىزعا ٴوز شاڭىراقتارىندا ٴومىر ٴسۇرىپ، بالا تاربيەلەۋ جايلى ٴارى قولايلى بولادى دەپ ۇمىتتەنەمىز. وسى جىلى ٴبىز وبلىس اكىمدىگىمەن بىرلەسىپ «نۇرلى جەر» باعدارلاماسىن جۇزەگە اسىرۋدى جالعاستىرامىز. 210 پاتەردەن تۇراتىن تاعى ەكى ٴۇيدىڭ قۇرىلىسى جوسپارلانىپ وتىر. بۇل نىساندار دا جەڭىلدەتىلگەن باعامەن ساتىلاتىن بولادى، - دەپ اتاپ ٴوتتى ايگۇل ناۋرىزاليەۆا.

جاڭا پاتەر كىلتىنە قول جەتكىزگەن تۇرعىن ٴۇي قۇرىلىس جيناق بانكى سالىمشىلارىنىڭ ٴبىرى ٴزاۋزات امانگەلديەۆا – مەكتەپ ٴمۇعالىمى. ەكى جىل ىشىندە ول العاشقى جارنا رەتىندە پاتەر باعاسىنىڭ 30%-ىن جيناپ ۇلگەرگەن. ٴزاۋزات قتقجب-داعى دەپوزيتتى 2015 جىلى اشقان، ەڭ العاشقى قۇيعان قاراجاتى 12 000 تەڭگەنى قۇراعان.

- ۋاقىت وتە كەلە اي سايىن سالىپ وتىراتىن اقشا سوماسىن ارتتىرا بەردىم، سەبەبى نەعۇرلىم كوپ سالسام، پاتەرگە كەرەك قاراجاتتى سوعۇرلىم ەرتە جينايتىنىمدى ٴتۇسىندىم. بۇعان قوسا جەرگىلىكتى اكىمدىكتە ٴۇي كەزەگىندە تۇردىم. تۇرعىن ٴۇي ساتىپ الۋشىلار پۋلىنا ٴوتىنىش قابىلداۋ باستالعانىن بىلگەن سوڭ، بىردەن ٴبىر بولمەلى پاتەرگە قۇجاتتار وتكىزدىم. بۇگىن، مىنە، كىلتىن الىپ وتىرمىن. كۇيەۋىم قايتىس بولعان، جالعىز ٴوزىم ۇل تاربيەلەپ وتىرمىن، سوندىقتان بۇل – مەن ٴۇشىن ۇلكەن ماڭىزعا يە وقيعا، - دەپ اسەرىمەن ٴبولىستى ٴزاۋزات امانگەلديەۆا.

ايتا كەتەيىك، «نۇرلى جەر» باعدارلاماسىنىڭ اياسىندا ٴۇي الۋ ٴۇشىن بانك سالىمشىلارىنا شوتقا پاتەر قۇنىنىڭ 30%-نا تەڭ ەڭ تومەنگى العاشقى جارنا جيناۋ كەرەك ەكەنى بەلگىلى. وسىدان سوڭ بانك جىلدىق مولشەرلەمەسى 5% بولاتىن زاەم بەرەدى. بۇل باعدارلاما بويىنشا باسپانانى سوڭعى بەس جىل ىشىندە يەلىگىندە جىلجىمايتىن مۇلىك بولماعان جانە ەڭ جوعارعى بالل سانىنا قول جەتكىزگەن ازاماتتار الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي