BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باسپانا حيت» باعدارلاماسى بويىنشا 1،7 ملرد تەڭگەگە نەسيە ماقۇلدانعان

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندەگى «7-20-25» مەملەكەتتىك باعدارلاماسىنىڭ قورىتىندىسىنا ارنالعان بريفينگ بارىسىندا «باسپانا» يپوتەكالىق ۇيىمى» اق باسقارما ٴتوراعاسى قايرات التىنبەكوۆ مالىمدەدى.

«باسپانا» ٴوز جۇمىسىن قور نارىعىندا وبليگاسيالاردى ساتىپ الۋ جانە ورنالاستىرۋ ارقىلى قارجىلاندىرادى. قازىرگى ۋاقىتتا ٴبىز جالپى سوماسى 50 ملرد تەڭگەگە قۇندى قاعازدار شىعارۋدى جۇزەگە اسىردىق. كومپانيا سۇرانىسىنا سايكەس، شامامەن 40 ملرد تەڭگە ورنالاستىرىلدى. كەلەسى جىلى 150-200 ملرد تەڭگەگە وبليگاسيالار ورنالاستىرۋدى جوسپارلاپ وتىرمىز»، - دەدى كومپانيا باسشىسى.

ول كەلەسى جىلدىڭ باسىندا «باسپانا» كومپانياسى «الدىن-الا باعالاۋ» جوباسىن ىسكە قوساتىنىن ايتتى. وعان سايكەس «7-20-25» بعدارلاماسىنا قاتىسۋشىلاردى ونلاين باعالاۋ مۇمكىن بولادى.

«7-20-25» باعدارالاماسى زالىقتىڭ ۇلكەن قىزىعۋشىلىعىن تۋدىرعانى بارشامىزعا ٴمالىم. ٴقازىر بۇل ەڭ قىزۋ تالقىلانىپ جاتقان مەملەكەتتىك باستاما. جالپى باعدارلاماعا 3 ملن استام قازاقستاندىق قىزىعۋشىلىق بىلدىرگەن. ول ىسكە قوسىلعان ۋاقىتتان بەرى «باسپانا» كومپانياسى 40 مىڭنان استام ساۋالعا جاۋاپ بەرگەن. سونداي-اق، باعدارلاما تەتىكتەرىن ٴتۇسىندىرۋ ٴۇشىن وڭىرلەردى ارالاۋ بارىسىندا بانك پەن كومپانيا وكىلدەرى حالىقتىڭ 6 مىڭنان استام سۇراعىنا ٴتيىستى جاۋاپ بەردى»، - دەدى التىنبەكوۆ.

باسقارما ٴتوراعاسى اتاپ وتكەندەي، ەكىنشى باسپانانى يپوتەكاعا راسىمدەۋگە باعىتتالعان «باسپانا حيت» باعدارلاماسى دا وڭ ناتيجە كورسەتۋدە.

«قازىرگى ۋاقىتتا بۇل باعدارلاما بويىنشا 5 ملرد تەڭگەگە ٴوتىنىش كەلىپ ٴتۇستى. سونىڭ ىشىندە، 1 ملرد 700 ملن تەڭگەگە باسپانا نەسيەسى ماقۇلداندى»، - دەدى «باسپانا» يپوتەكالىق ۇيىمىنىڭ باسقارما ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي