BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋ وبلىسىندا «نۇرلى جەر» اياسىندا تۇرعىن ٴۇي الۋ شارتتارى جەڭىلدەيدى

بۇرىن يپوتەكامەن تۇرعىن ٴۇي ساتىپ الۋشىلار ەكىنشى دەڭگەيلى بانكتەرگە 17 پايىز سىياقى مولشەرلەمەسىن تولەۋگە ٴتيىس بولسا، ەندى «نۇرلى جەر» مەملەكەتتىك باعدارلاماسىنىڭ اياسىندا سىياقىنىڭ 6-7 پايىزىن مەملەكەت سۋبسيديالايدى، دەپ حابارلايدى baq.kz اقپارات اگەنتتىگى اتىراۋ وبلىسى وڭىرلىك كوممۋنيكاسيا قىزمەتىنە سىلتەمە جاساپ.

«نۇرلى جەر» باعدارلاماسى ەكىنشى دەڭگەيلى بانكتەر بەرەتىن سىياقى مولشەرلەمەسىن سۋبسيديالاۋ ارقىلى يپوتەكالىق نەسيەنىڭ قولجەتىمدىلىگىن ارتتىرۋعا باعىتتالعان. سۋبسيديالاۋ ەكىنشى دەڭگەيلى بانكتەردىڭ ٴۇي سالۋشىدان العاشقى تۇرعىن ٴۇي الۋعا بەرىلگەن يپوتەكالىق تۇرعىن ٴۇي قارىزدارى بويىنشا جۇرگىزىلەدى.

«ٴقازىر ەكىنشى دەڭگەيلى بانكتەر تۇرعىندارعا جىلىنا 17 پايىزبەن يپوتەكا بەرەدى، ەندى اتالعان باعدارلاما ارقىلى مەملەكەت يپوتەكالىق قارىزدىڭ سىياقى مولشەرلەمەسىنىڭ 6-7 پايىزىن سۋبسيديالايتىن بولادى»، - دەپ حابارلادى اتىراۋ وبلىستىق قۇرىلىس باسقارماسىنىڭ باسشىسى مالىك امانوۆ.

ناتيجەسىندە قارىز الۋشىنىڭ اي سايىنعى تولەمى 30-40 پايىزعا ازايادى. ايتا كەتۋ كەرەك، باعدارلاماعا قاتىسۋ ٴۇشىن يپوتەكا كەزەگىنە تۇرۋ تالاپ ەتىلمەيدى، تۇرعىن ۇيلەرىنىڭ سانى ماڭىزدى ەمەس جانە قوسىمشا كوميسسيالار جوق. «نۇرلى جەر» باعدارلاماسى بويىنشا قر-نىڭ كەز كەلگەن ازاماتى يپوتەكالىق قارىز الۋعا ٴوتىنىش بەرە الادى.

باعدارلامانى جۇزەگە اسىرۋ باسپانا العىسى كەلەتىندەرگە دە، باعدارلاماعا قاتىساتىن ٴۇي سالۋشىلارعا دا ٴتيىمدى.

«ەدب سۋبسيديالاۋ تۋرالى شەشىم قابىلدانعان كەزدە قازاقستان رەسپۋبليكاسى ۇلتتىق بانكىنىڭ بازالىق مولشەرلەمەسىنىڭ 5 پايىزىنان اسپايتىن سىياقى مولشەرلەمەسى بويىنشا قارىز بەرەدى»، - دەيدى "دامۋ" كدق" اق اتىراۋ وبلىسى بويىنشا ايماقتىق بولىمشەسىنىڭ ديرەكتورى əليا وتەپقاليەۆا.

قارىز الۋشىنىڭ نەسيەسى بويىنشا جىلىنا سىياقى مولشەرلەمەسىنىڭ 7 پايىزىن ەدب-كە مەملەكەت تولەيدى.

يپوتەكالىق نەسيەلەۋدىڭ قولجەتىمدىلىگىن ارتتىرۋ، جەكە كومپانيالاردىڭ تۇرعىن ٴۇي سالۋىن ىنتالاندىرۋمەن قاتار «نۇرلى جەر» باعدارلاماسىنىڭ باسقا دا ماقساتتارى بار.

«بۇگىندە اتىراۋ وبلىسىندا «نۇرلى جەر» باعدارلاماسىمەن حالىقتىڭ الەۋمەتتىك تۇرعىدان ٴالسىز توبى ٴۇشىن نەسيەلىك جانە جالعا بەرىلەتىن تۇرعىن ٴۇي قورىن قۇرۋ اياسىندا جالپى اۋدانى 135،6 مىڭ شارشى مەتر بولاتىن، 2007 پاتەرلى 37 تۇرعىن ٴۇيدىڭ قۇرىلىسى ٴجۇرىپ جاتىر. قۇرىلىس جۇمىستارى جىل سوڭىنا دەيىن اياقتالادى. بيىلعى 6 ايدا 291،8 مىڭ شارشى مەتر تۇرعىن ٴۇي پايدالانۋعا بەرىلدى، ياعني 12 ٴۇي، 717 پاتەر»، - دەيدى اتىراۋ وبلىستىق قۇرىلىس باسقارماسىنىڭ باسشىسى مالىك امانوۆ.

سونىمەن قاتار، بيىل ينجەنەرلىك-كوممۋنيكاسيالىق ينفراقۇرىلىم قۇرىلىسىنا 11،2 ملرد تەڭگە ٴبولىندى، ول تۇرعىن ٴۇي قۇرىلىسىنىڭ قارقىنىن جەدەلدەتۋگە مۇمكىندىك بەرەدى. ٴقازىر 4 368 پاتەردەن تۇراتىن 43 كوپ پاتەرلى تۇرعىن ٴۇيدىڭ جوبالىق-سمەتالىق قۇجاتتاماسى دايىندالۋ ۇستىندە. قۇرىلىس 2018 جىلى اتىراۋ قالاسىنىڭ «بەرەكە»، «نۇرسايا» ىقشاماۋداندارىندا جوسپارلانعان. بيىل اتالعان جوبالاردىڭ ىشىندە جەرگىلىكتى بيۋدجەت ەسەبىنەن 2118 پاتەرلى 14 تۇرعىن ٴۇيدىڭ قۇرىلىسى باستالادى.

قۇرىلىس باسقارماسىنىڭ باسشىسى مالىك امانوۆتىڭ ايتۋىنشا، ٴۇي سالۋشىلار «نۇرلى جەر» باعدارلاماسىنا بەلسەندى قىزىعۋشىلىق تانىتۋدا، ٴقازىر بانكتەر بىرنەشە جوبالاردى قاراپ جاتىر. بولجام بويىنشا ازاماتتاردان ٴوتىنىش قابىلداۋ 2017 جىلدىڭ تامىز ايىندا باستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي