BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادان پاتەر العىسى كەلەتىندەرگە «تۇرعىن ٴۇي قۇرىلىس جيناق بانكى» ٴتورايىمى كەڭەس بەردى

فوتو: Шыңғыс Қаппаров

ازاماتتاردىڭ ايىنا 40 مىڭ تەڭگە جيناپ، پاتەر الۋعا مۇمكىندىگى بار. ٴبىراق ولار نە پاتەردى، نە كوڭىل كوتەرۋدىڭ ٴبىرىن تاڭداۋ كەرەك. بۇل تۋرالى ۇكىمەت ٴباسپاسوز ورتالىعىندا «نۇرلى جەر» باعدارلاماسىنا ارنالعان بريفينگتەن كەيىن «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتورايىمى ٴلاززات يبراگيموۆا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

جۋرناليست ٴلاززات يبراگيموۆاعا «قاراپايىم تۇرعىن استانادا پاتەر الۋ ٴۇشىن قانشا تابىس تابۋى قاجەت؟»، - دەپ ساۋالىن جولدادى.

«مەنىڭ ويىمشا، ازاماتقا 150 مىڭ تابىس تابۋ جەتكىلىكتى. سەبەبى، ٴبىر دەپوزيتكە اي سايىن ەڭ جوعارى سوما 40 مىڭ تەڭگە سالسا، ول 12 ايدا 480 مىڭ تەڭگە جينايدى. ول مەملەكەتتىك سىياقىنىڭ ۇستىنە قوسىمشا 96 مىڭ تەڭگە الادى. ٴبىز مەملەكەتتىك سىياقىنى ٴار جىلدىڭ 1 قاڭتارىندا بولەمىز. سونىمەن قاتار وعان 2%-دى بانك بەرەدى. جالپى ول بارلىعىن قوسقاندا ٴبىر جىلدا 600 مىڭعا جۋىق تەڭگە جينايدى. ال ول 3 ٴۇش جىلدا 1 ملن 800 تەڭگە بولادى. قازىرگى تاڭدا استانادا قولدانىستا بولعان ۇيلەر نارىعى ستاگناسيادان وتۋدە. ٴبىز پاتەرلەردى 240 مىڭ تەڭگەدەن قارجىلاندىرۋدامىز. بۇل مەملەكەتتىك باعدارلاماسىز. 5 جىلدىڭ ىشىندە ازامات العاشقى جيناعان جارناسىن الا الادى. ياعني «نۇرلى جەر» باعدارلاماسى بويىنشا پاتەر الۋ ٴۇشىن العاشقى جارنا 30%، ال جالپى («تۇرعىن ٴۇي قۇرىلىس جيناق بانكىنىڭ» - اۆتور) باعدارلاماسى بويىنشا العاشقى جارنا 50% بولۋى كەرەك»، - دەدى ٴتورايىم.

سونىمەن قاتار ٴلاززات يبراگيموۆاعا ەلوردادان پاتەر العىسى كەلەتىن ازاماتتار تاڭداۋ جاساۋعا تۋرا كەلەتىنىن ايتتى.

«مەنىڭ ويىمشا، ازاماتقا 140-150 مىڭ تەڭگە جالاقى جەتكىلىكتى. ونىڭ 40 مىڭ تەڭگەسىن ۇيگە سالىپ وتىرۋ كەرەك. ارينە بارلىعىن ۇنەمدەۋگە تۋرا كەلەدى. ول مەيرامحاناعا، كافەگە جانە كوڭىل كوتەرۋدى ۇمىتادى. پاتەر نەمەسە كوڭىل كوتەرۋ، وسى ەكەۋىنىڭ بىرەۋىن تاڭداۋ كەرەك»، - دەدى ول.

سونداي-اق، «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتورايىمى استانا مەن الماتى قالالارىمەن سالىستىرعاندا وڭىرلەردە ٴۇي الۋ جەڭىلدەۋ ەكەندىگىن العا تارتتى.

«تاعى دا اتاپ وتەيىن، استانا مەن الماتى قالالارىنان ٴۇي الۋعا كونكۋس ۇلكەن. ال وڭىرلەردە: تاراز، قىزىلوردا، ورال قالالارىندا اكىمدىكتەر ۇسىنعان كوپ تۇرعىن ٴۇي بار. ول جاققا دايىن باستاپقى جارنامەن كەلە الاسىزدار»، - دەدى ٴلاززات يبراگيموۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي