BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا سۇرىلگەن ۇيلەردىڭ ورنىنا ساياباق پەن سپورت الاڭدارى سالىنادى

استانا قالاسى اكىمدىگىنىڭ اپاتتى ۇيلەردى ٴسۇرىپ تاستاۋ بويىنشا پيلوتتىق جوباسى ٴساتتى جۇزەگە اسىرىلۋدا. جىل باسىنان بەرى 98 اپاتتى ٴۇيدىڭ تۇرعىندارى جاڭا ۇيلەرگە كوشتى. ال ەسكى ۇيلەردىڭ ورنىنا ساياباقتار مەن سپورت الاڭدارى سالىنباق دەپ حابارلايدى، baq.kz اقپارات اگەنتتىگى.

استانا قالاسى تۇرعىن ٴۇي باسقارماسىنىڭ اقپاراتى بويىنشا 2013-2016 جىلدار ارالىعىندا 117 اپاتتى ٴۇي ٴسۇرىلىپ، 1 570 وتباسى جاڭا ۇيگە كوشكەن.

«وسى جىلى 111 اپاتتى ۇيدەن، 1 863 وتباسىنى كوشىرۋ جوسپارلانعان، سونىمەن قاتار، قازىرگى كەزدە 98 اپاتتى ۇيدەن 1 425 وتباسىنى جاڭا ۇيلەرگە كوشىرۋ اياقتالۋدا. بەرىلىپ جاتقان ۇيلەر مىنا مەكەن-جايلار بويىنشا استانا قالاسى، «ەسىل» اۋدانى ە 16 كوشەسى، №2،4،6 ۇيلەر جانە قۇتپانوۆ كوشەسى 28 ٴۇي»، - دەپ حابارلادى باسقارما.

قازىرگى تاڭدا قالعان 13 اپاتتى ۇيدەن 404 وتباسىنى كوشىرۋ ٴۇشىن پاتەرلەردى تاپسىرۋ جۇمىستارى جۇرگىزىلىپ جاتىر. سۇرىلگەن اپاتتى ۇيلەردىڭ ورنىنا ساياباق، الاڭ، سپورتتىق الاڭدار سالۋ جوسپارلانعان. ال، سۇرىلگەن ەسكى ۇيلەردىڭ كەي ورنىنا ينجەنەرلىك كوممۋنيكاسيالار تولىق تارتىلعان بولسا، «نۇرلى جەر» باعدارلاماسى اياسىندا كوپقاباتتى تۇرعىن ٴۇي كەشەنىن سالۋ جوسپارلانعان (قۇتپانوۆ-التىنەمەل، شىنتاس، رەسپۋبليكا مەن ماسكەۋ).

مەكەمەنىڭ حابارلاۋىنشا، ٴقازىر ٴسۇرىلىپ جاتقان 228 اپاتتى ۇيدەن بولەك، قوسىمشا تاعى 82 اپاتتى جاتاق تەكتەس ۇيلەر سۇرىلۋگە جاتقىزىلدى.

ەستەرىڭىزگە سالا كەتەيىك، اپاتتى-ەسكى ۇيلەردى ٴسۇرىپ تاستاۋ بويىنشا پيلوتتىق جوبا العاش رەت ەلوردادا تمد ەلدەرى اراسىندا وتكىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي