BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا پاتەرلەردىڭ باعاسى بىرتىندەپ ارزانداپ جاتىر – تقجب

فوتو: Шыңғыс Қаппаров

ەلوردادا قولدانىستا بولعان تۇرعىن ۇيلەر نارىعىندا باعالار تومەندەۋدە. بۇل تۋرالى ۇكىمەت ٴباسپاسوز ورتالىعىندا «نۇرلى جەر» باعدارلاماسىنا ارنالعان بريفينگتە «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتورايىمى ٴلاززات يبراگيموۆا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

«استانادا پايدالانۋدا بولعان تۇرعىن ٴۇي نارىعىندا ستاگناسيا بايقالۋدا. مەنىڭ ويىمشا، بۇل بىرىنشىدەن جاڭا تۇرعىن ۇيلەردىڭ سالىنۋىنا بايلانىستى. 2004 جىلدان باستاپ 55 مىڭعا جۋىق جاڭا پاتەر پايدالانۋعا بەرىلدى. ياعني 2004 جىلى 49 مىڭنان 2010-2011 جىلدارعا دەيىن 59 مىڭ پاتەر سالىندى. ال 2015 جىلى 79 مىڭ پاتەر، ال 2016 جىلى 89 مىڭ پاتەر بەرىلدى. وسى جىلدىڭ 4 ايىندا تاعى 37 مىڭ پاتەر پايدالانۋعا بەرىلدى. ارينە، نەگىزگى ينۆەستيسيالىق قىزىعۋشىلىق استانادا. جاڭا سالىنعان تۇرعىن ٴۇيدىڭ كولەمى ۇلكەن. ول قولدانىستا بولعان ۇيلەردىڭ باعاسىنا اسەر ەتۋدە. سوندىقتان قولدانىستا بولعان تۇرعىن ۇيلەردىڭ نارىعىندا بىرتىندەپ باعالار تومەندەۋدە»، - دەدى ول.

وسى ورايدا «قازاقستاننىڭ تۇرعىن ٴۇي قۇرىلىس جيناق بانكى» اق باسقارما ٴتورايىمى ٴلاززات يبراگيموۆا نارىقتاعى باعا سۇرانىس پەن ۇسىنىسقا بايلانىستى ەكەنىن اتاپ ٴوتتى.

«نارىق سۇرانىس پەن ۇسىنىستان تۇراتىنى بەلگىلى. مەنىڭ ويىمشا، قىركۇيەك ايىندا (پاتەرلەردىڭ – اۆتور) باعاسى بىردەن قۇلدىرايدى دەگەن بولجامدار ناقتىلانبايدى. اشىعىن ايتقاندا، پاتەرلەرگە سۇرانىس بار. مەن مىسال كەلتىردىم. وتكەن اپتادا تجقب-نىڭ استاناداعى فيلاليىندا ٴبىر كۇندە 50 قارىز بەرىلدى. سوندىقتان رەسپۋبليكا بويىنشا سۇرانىس بار. مەنىڭ ويىمشا، پاتەرلەردىڭ باعاسى جوعارىدا ايتىلعانداي تومەندەمەيدى. تەك باعا تۇراقتالادى. ٴبىزدى باعالاردىڭ تۇراقتاعانى قۋانتادى. سەبەبى، باعا تەڭگەمەن بەلگىلەنەدى. ٴبىزدىڭ جيناعان اقشامىز دا تەڭگەمەن ساقتالادى. نەگىزگى ماقساتىمىز بولعان دەدوللاريزاسياعا قول جەتكىزىپ وتىرمىز. بىزدە وتكەن جىلدارداعىداي ەشكىم پاتەرىنىڭ باعاسىن دوللارمەن كورسەتپەيدى»، - دەپ تۇيىندەدى ٴسوزىن ٴلاززات يبراگيموۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي