BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «نۇرلى جەر» باعدارلاماسىنا وتىنىشتەر قابىلدانۋدا

فوتو: автор

الماتى، baq.kz ٴتىلشىسى. جىل سوڭىنا دەيىن «نۇرلى جەر» باعدارلاماسى اياسىندا الاتاۋ اۋدانىنداعى «سايالى-2» تۇرعىن ٴۇي كەشەنى پايدالانۋعا بەرىلەدى.

تۇرعىن ٴۇي قۇرىلىس جيناق بانكىنىڭ ماماندارى باق وكىلدەرىنە «نۇرلى جەر» باعدارلاماسى اياسىندا سالىنىپ جاتقان ۇيلەردى تانىستىرىپ، ولاردى كىمدەر الا الاتىنىن ايتتى.

«نۇرلى جەر» باعدارلاماسى بويىنشا سالىنعان تۇرعىن ۇيلەر 50/50 قاعيداسىمەن ٴبولىنىپ بەرىلەدى. العاشقى 50 پايىزى اكىمدىكتە ٴۇي كەزەگىندە تۇرعاندارعا، قالعان جارتىسى تۇرعىن ٴۇي قۇرىلىس جيناق بانكىنىڭ سالىمشىسى اتانىپ، شوت اشقاندار اراسىندا ساتىلادى. نەسيەلەۋدىڭ شارتتارىنا كەلەر بولساق ٴبىزدىڭ بانكتىڭ دەپوزيتىندە العالى تۇرعان ٴۇيىڭىزدىڭ 20% جيناۋ كەرەك، سودان 5 پايىزدىق جىلدىق مولشەرلەمەمەن بەرىلەدى»، - دەيدى ٴتۇقجب الماتى قالالىق فيليالىنىڭ ديرەكتورى گۇلزات سيمتيكوۆا.

سونىمەن قاتار ول، بيىل رەسپۋبليكا بويىنشا 26 مىڭ ازامات باسپانالى بولعانىن، ونىڭ 6 مىڭى وسى «نۇرلى جەر» باعدارلاماسى ارقىلى ٴۇي العانىن ايتىپ ٴوتتى.

«جىل سوڭىنا دەيىن تەك ٴبىر الماتىدا 3000 پاتەر ساتىلادى، ونىڭ 1500 «نۇرلى جەر» باعدارلاماسى بويىنشا بەرىلەدى. 2019 جىلى وسى باعدارلاما بويىنشا العاباس ىقشاماۋدانىندا 23 ٴۇي سالۋ جوسپارلانۋدا، ال 2020 جىلى «سايالى-3» ىقشاماۋدانى سالىنادى، ودان كەيىن «سايالى-4» دەپ جالعاسادى»، - دەدى فيليال ديرەكتورى.

«نۇرلى جەر» باعدارلاماسى اياسىندا سالىنعان 1 بولمەلى پاتەرلەر 29 شارشى مەتردەن باستالادى، 3 بولمەلى پاتەردىڭ ەڭ ۇلكەنى 84 شارشى مەتردى قۇرايدى ەكەن. ولاردىڭ باعاسى نارىقتاعى باعادان ورتاشا ەسەپپەن العاندا ەكى ەسە ارزان. ٴبىر بولمەلى پاتەردىڭ باعاسى 6،2 ملن تەڭگە شاماسىندا، العاشقى جارناعا 1،2 ملن تەڭگە جيناساڭىز جەتكىلىكتى، سوندا ايلىق تولەم 52 مىڭ تەڭگەنى قۇرايدى.

جاقىندا عانا «سايالى-1» ىقشاماۋدانىنان 3 بولمەلى پاتەر العان نۇراحمەت بەردىمۇراتوۆ، ايىنا 78 مىڭ تەڭگە تولەيتىندىگىن جانە پاتەرگە قالاي قول جەتكىزگەنىن ايتىپ بەردى.

«2014 جىلى تۇرعىن ٴۇي قۇرىلىس جيناق بانكىنەن جيناق اشىپ، 3 جىلداي اقشامىزدى جينادىق. كەيىن «نۇرلى جەر» باعدارلاماسى بويىنشا كونكۋرس ٴوتىپ جاتقانىن ەستىدىك. baspana.kz سايتى ارقىلى سوعان ٴوتىنىم بەردىك. ٴبارى ويداعىداي بولىپ، «سايالى-1» ىقشاماۋدانىنان 3 بولمەلى پاتەرگە يە بولدىم. باعاسى 14 ملن-عا شىقتى، باستاپقى جارنا رەتىندە 30% قۇيدىم، 15 جىلعا اي سايىنعى تولەم 78 مىڭ تەڭگەنى قۇرادى. ەكى بالام بار، ايەلىم دە، ٴوزىم دە جۇمىس ىستەيمىن، سوندىقتان تولەم جاساۋ جاعىنان اۋىر ەمەس. ٴۇيدىڭ ساپاسىنا كوڭىلىم تولادى ٴارى سونداي بيىك ەمەس، بەس قاباتتى عانا»، - دەيدى ول.

ەگەر وسى باعدارلاما ارقىلى ٴۇي الام دەسەڭىز سوڭعى 5 جىلدا اتىڭىزدا ەشقانداي ٴۇي تىركەلمەۋ كەرەك جانە الماتى مەن استانا قالاسىنىڭ تۇرعىندارى ٴۇشىن وسى قالادا تۇرادى دەگەن ەكى جىلدىق تىركەۋدىڭ بولۋى شارت.

«نۇرلى جەر» باعدارلاماسى اياسىندا الماتى مەن استانادا پاتەردىڭ 1 شارشى مەترى 179 مىڭ تەڭگە، ال باسقا وبلىستاردا 140 مىڭنان اسپايدى. وتباسى مۇشەلەرىنىڭ ەشقايسىسىنىڭ اتىندا بۇرىن ٴۇي تىركەلمەۋى كەرەك جانە ٴوزىنىڭ تولەم قابىلەتتىلىگىن دالەلدەي ٴبىلۋ قاجەت. وسى باعدارلاما اياسىندا 2017 جىلى ەكى تۇرعىن ٴۇي كەشەنىنىڭ قۇرىلىسى باستالىپ، ٴقازىر 650 وتباسى باسپانالى بولدى. جىل سوڭىنا دەيىن تاعى 886 پاتەر بەرىلەدى جانە وسى «سايالى» ىقشاماۋدانىنداعى 621 پاتەرگە ٴوتىنىش قابىلداۋ باستالادى»، - دەيدى ٴتۇقجب-نىڭ الماتى فيليالىنىڭ كليەنتتەرمەن جۇمىس جۇرگىزۋ باسقارماسىنىڭ باستىعى داناگۇل ٴتۇسۋپوۆا.

الماتى قالاسى قۇرىلىس باسقارماسى باسشىسىنىڭ ورىنباسارى قۋاندىق ايتماعامبەتوۆ سالىنىپ جاتقان ۇيلەردىڭ ساپاسى بارلىق تالاپتارعا ساي ەكەنىن جانە 10 باللدىق جەر سىلكىنىسىنە توتەپ بەرەتىنىن ايتادى.

«الاتاۋ اۋدانىندا بوي كوتەرگەن «سايالى-2» ىقشاماۋدانىنداعى كوپقاباتتى ۇيلەردىڭ قۇرىلىسى 2017 جىلى باستالدى جانە وعان 11 ملرد تەڭگە ٴبولىندى. قۇرىلىس جۇمىستارى جىل سوڭىنا دەيىن اياقتالادى. بۇل ۇيلەردىڭ ٴبارى سەيسميكالىق تۇراقتى، 10 باللعا دەيىن شىدايدى»، - دەيدى ول.

تۇرعىن ٴۇي قۇرىلىس جيناق بانكىنىڭ سالىمشىلارى سونداي-اق «ٴوز ٴۇيىم» باعدارلاماسى بويىنشا ۇلەستىك قۇرىلىسقا قاتىسۋ ارقىلى باسپانالى بولا الادى. بۇل باعىتتا الماتى قالاسىندا «الما سيتي» تۇرعىن ٴۇي كەشەنى سالىنۋدا جانە جىل سوڭىنا دەيىن پايدالانۋعا بەرىلمەك. مۇنداعى باستاپقى ارلەۋدەگى پاتەرلەردىڭ 1 شارشى مەترى – 165 مىڭ تەڭگە، ال تازا ارلەۋدەگى ۇيلەردىڭ باعاسى – 224 مىڭ تەڭگە. پاتەرلەردىڭ اۋماعى 36-77 شارتى مەتر ارالىعىندا.

2019 جىلدىڭ ناۋرىز ايىندا بۇل تۇرعىن ٴۇي كەشەنىندەگى بەس قاباتتى ۇيلەردەن 600 پاتەر پايدالانۋعا بەرۋ جوسپارلانۋدا ەكەن. بۇدان بولەك توعىز قاباتتى ۇيلەردەگى مىڭنان استام پاتەر 2019 جىلدىڭ جازىندا سالىنىپ بىتپەك. سونداي-اق بۇل پاتەرلەردى 7 پايىزدى جىلدىق مولشەرلەمەمەن رەسىمدەۋگە بولادى. ول ٴۇشىن تۇرعىن ٴۇي قۇرىلىس جيناق بانكىندە شوت اشىپ، باستاپقى جارنا رەتىندە ٴۇي باعاسىنىڭ 20% قۇيۋ قاجەت.

جىل باسىنان بەرى 285 197 ادام تۇقجب-دەن دەپوزيت اشىپتى. ۇيگە دەپ اقشا جيناۋدان الماتىلىق سالىمشىلار ەڭ بەلسەندىلىك تانىتۋدا ەكەن. ستاتيستيكاعا سايكەس ٴاربىر 10-الماتىلىقتا تۇرعىن ٴۇي قۇرىلىس جيناق بانكىندە سالىم بار. الماتى بويىنشا بارلىعى 169 000 دەپوزيت تىركەلىپتى. جىل باسىنان بەرى الماتى قالالىق فيليال قىزمەتكەرلەرى ٴۇي الۋعا دەپ 4 مىڭداي زاەم رەسىمدەپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي