BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا ينجەنەرلىك جەلىلەردى قايتا جوندەۋ جۇمىستارى تامىزدا اياقتالادى

الماتى شاھارىنىڭ اكىمى باۋىرجان بايبەك جۇمىس بارىسىندا قالانىڭ ينجەنەرلىك كوممۋنيكاسيالارىنىڭ جاڭارتۋ قارقىنىن تەكسەردى، دەپ حابارلايدى baq.kz اقپارات اگەنتتىگى.

قازىرگى كەزدە مەگاپوليستە 12 شاقىرىم جىلۋ جەلىلەرىنىڭ جوندەۋ جۇمىستارى، قولدانىستاعى گاز قۇبىرلارىنىڭ كەڭەيتىلۋى جانە، 120 مىڭنان استام تۇرعىنعا ارنالعان، جاڭا سۋ قۇبىرلارىنىڭ وتكىزىلۋى اياقتالۋدا.

الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى ماقسۋت يساحوۆتىڭ ايتۋىنشا، جۇرگىن بولىكتەگى ينجەنەرلىك جەلىلەردىڭ قايتا وندەلۋى ايدىن اياعىندا اياقتالادى، سونىمەن اۆتوكولىكتەردىڭ بارلىق ۋچاسكەلەردە كەدەرگىسىز ٴجۇرۋى قامتاماسىز ەتىلەدى. سونىمەن قاتار، قايتا وندەۋ كەزىندە قالا تۇرعىندارىن ۇزدىكسىز ىستىق سۋمەن كامتاماسىز ەتكەن، ۋاقىتشا كەستەلەردى بۇزۋ جانە اۋماقتى كورىكتەندىرۋ بويىنشا جۇمىس جالعاسادى.

بيىلعى جىلى تولە بي (ۆارلاموۆ - وتەگەن باتىر - وتارسكايا جانە روزىباكيەۆ – تلەنديەۆ كوش.)، بوگەنباي باتىر (مۇقانوۆ – ايتيەۆ كوش.)، جامبىل (پۋشكين - نازاربايەۆ)، قازىبەك بي (ۋاليحانوۆ – ابدۋللين كوش.)، قاراساي باتىر (ناۋرىزباي باتىر – چايكوۆسكيي كوش.)، چايكوۆسكيي (قاراساي باتىر - تولە بي) جانە شاگابۋتدينوۆ (قۇرمانعازى - ورتالىق ستاديون) كوشەلەرىندە ينجەنەرلىك جەلىلەر جاڭارتىلدى.

سوڭعى جىلدارى الماتى قالاسىندا 800 شاقتى شاقىرىم ينجەنەرلىك جەلىلەر سالىنىپ، قايتا وندەلدى. ونىڭ ىشىندە 313 شاقىرىم سۋ قۇبىرى، 266 شاقىرىم كارىز جۇيەسى، 15 شاقىرىم ەلەكتر قۇبىرلارى جانە 32،3 شاقىرىم جىلۋ قۇبىرلارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي