BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا پايدالانۋعا بەرىلەتىن ۇيلەردىڭ كولەمى 1 ملن شارشى مەترگە دەيىن جەتكىزىلمەك

بيىلعى جىلى الماتى وبلىسىندا «نۇرلى جەر» باعدارلاماسى بويىنشا 251 تۇرعىن ٴۇيدىڭ قۇرىلىسى جۇرگىزىلىپ، 1 126 پاتەر مەن 27 نىساننىڭ ينجەنەرلىك-كوممۋنيكاسيالىق جۇيەسىن جاساۋ جوسپارلانعان. بۇل تۋرالى بۇگىن وبلىس اكىمى اماندىق باتالوۆ تۇرعىندار الدىنداعى ەسەپ بەرۋ جيىنىندا مالىمدەدى، دەپ حابارلايدى baq.kz اقپارات اگەنتتىگى.

الماتى وبلىسى اكىمىنىڭ ٴباسپاسوز قىزمەتى ٴمالىم ەتكەندەي، جيىندا جاساعان بايانداماسىندا وبلىس باسشىسى تالدىقورعان قالاسىندا «نۇرلى جەر» باعدارلاماسى اياسىندا كوتتەدج قالاشىعى قۇرىلىسىنىڭ پيلوتتىق جوباسى جۇزەگە اسىرىلا باستاعانىنا توقتالىپ ٴوتتى. وعان 2 ملرد تەڭگە بولىنگەن. بارلىعى 606 ٴۇي بولسا، سونىڭ 48 پاتەرلىك 12 ٴۇيى مەن 124 كوتتەدجى بيىل سالىنباق.

«دەگەنمەن وبلىس تۇرعىندارىن باسپانامەن قامتۋ كورسەتكىشى ٴبىر ادامعا شاققاندا ازىرگە 18،5 شارشى مەتردەن اينالادى. مەملەكەت باسشىسى جولداۋىندا 2030 جىلعا دەيىن بۇل كورسەتكىشتى 30 شارشى مەترگە جەتكىزۋدى مىندەتتەپ وتىر. ول ٴۇشىن ٴبىز ٴتيىستى شارالاردى قابىلداپ، جىل سايىن پايدالانۋعا بەرىلەتىن تۇرعىن ۇيلەردىڭ كولەمىن 1 ملن شارشى مەترگە جەتكىزەتىن بولامىز»، - دەدى اماندىق باتالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي