BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە «نۇرلى جەر» باعدارلاماسى اياسىندا 194 كوتتەدج سالىنىپ جاتىر

تۇرعىن ٴۇي قۇرىلىس جيناق بانكىنىڭ اقتوبە قالاسىنداعى سالىمشىلارى «نۇرلى جەر» باعدارلاماسى اياسىندا قازاقستان بويىنشا ەڭ تومەن باعامەن ٴۇي الا الادى، دەپ حابارلايدى baq.kz اقپارات اگەنتتىگى.

اقتوبەدە «نۇرلى جەر» باعدارلاماسىنىڭ «جەكە تۇرعىن ٴۇي قۇرىلىسىن دامىتۋ» پيلوتتىق باعىتى اياسىندا العاشقى 194 كوتتەدج قۇرىلىسى اياقتالىپ كەلەدى. اتالعان ۇيلەردەن ۇمىتكەر تۇرعىن ٴۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) سالىمشىلارى قۇرىلىس بارىسىن ٴوز بەتىنشە باقىلاپ، ۇناعان نىساندى تاڭداي الادى.

«جەر ۋچاسكەسىن الۋعا ٴوتىنىشتى 2006 جىلى بەرگەن بولاتىنمىن. كەزەگىم كەلىپ جەتتى. مەن ەندى 100 شارشى مەتر جەردىڭ يەسى عانا بولىپ قويماي، قولجەتىمدى باعامەن ەكى قاباتتى كوتتەدج دە ساتىپ الا الامىن، جانە دە مۇنىڭ ٴبارى قالادا ورنالاسقان»، - دەيدى الىبەك تاجيەۆ.

ەكى قاباتتى ۇيلەردىڭ ىرگەتاسىن قۇيۋ، كىرپىشىن قالاۋ، باسپالداق ارالىقتارى مەن تاقتا-جابىندارىن ورناتۋ جۇمىستارى ساپالى جاسالعان.

«ايماق بويىنشا جەر كەزەگىندە 111 291 ادام تۇر. ٴاربىر التىنشى ۇمىتكەردىڭ تۇرعىن ٴۇي قۇرىلىس جيناق بانكىندە شوتى بار. ياعني بانك سالىمشىسى ٴوز كەزەگىن كۇتۋمەن قاتار ۇيگە دە اقشا جيناي الادى. مەن مۇنى دۇرىس ٴتاسىل دەپ سانايمىن»، - تۇرعىن ٴۇي قۇرىلىس جيناق بانكىنىڭ ٴتورايىمى ٴلاززات يبراگيموۆا.

تۇرعىن ٴۇي قۇرىلىس جيناق بانكىنىڭ اقتوبە وبلىستىق فيليالى جەكە تۇرعىن ۇيلەردى ساتىپ الۋ مۇمكىندىگى بار سالىمشىلاردىڭ پۋلىن قۇردى. وعان بانكتىڭ 54 كليەنتى كىردى. بارلىعىنىڭ دا شوتىندا باعدارلاما شارتىنا سايكەس ٴۇي قۇنىنىڭ 30%-نا تەڭ قاراجات بار. جەتپەيتىن سوما ٴۇشىن ٴتۇقجب جىلدىق مولشەرلەمەسى 5% بولاتىن زاەم بەرۋگە ٴازىر. جالپى العاندا ايماق بويىنشا 34 ملرد تەڭگەدەن جوعارى سوما قورى بار، 70 مىڭنان استام سالىمشى بانكتە دەپوزيت اشقان.

ساپار بارىسىندا «نۇرلى جەر» باعدارلاماسىنىڭ تاعى ٴبىر باعىتى – تۇرعىن ٴۇي جيناق جۇيەسى ارقىلى نەسيەلىك ٴۇي سالۋ بويىنشا بوي كوتەرگەن 770 پاتەردەن تۇراتىن 20 ازقاباتتى ۇيلەر دە قارالدى. اتالعان نىساندار ٴبىر شارشى مەترى 120
مىڭ تەڭگەدەن تۇرعىن ٴۇي قۇرىلىس جيناق بانكى سالىمشىلارى اراسىندا ساۋداعا تۇسەدى. بۇل «نۇرلى جەر» باعدارلاماسىندا قاراستىرىلعان باعادان دا تومەن.

اقتوبە وبلىسىنىڭ پايدالانۋعا بەرىلگەن تۇرعىن ٴۇي كولەمى بويىنشا بىرنەشە جىلدان بەرى كوشباسشى بولىپ كەلە جاتقانىن اتاي كەتۋ كەرەك. مەملەكەتتىك باعدارلامالاردىڭ كەدەرگىسىز جۇزەگە اسۋى جانە تۇرعىن ٴۇي كەزەگىنىڭ بارىنشا جىلدام ازايۋى ٴۇشىن قۇرىلىس سالۋشىلارمەن بارلىق ماسەلەلەردى ناقتىلاپ شەشىپ وتىراتىن جەرگىلىكتى بيلىك تە بۇل جەتىستىككە ۇلكەن ۇلەس قوسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي