BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە 10 پايىزدىق العاشقى جارنامەن پاتەرلەر بەرىلە باستادى

فوتو: ambito.com

استانا، baq.kz. اقتوبەدە باسپانا كەزەگىندە تۇرعان ازاماتتارعا ون پايىزدىق العاشقى جارنامەن پاتەرلەر بەرىلە باستادى. بۇل پاتەرگە مۇقتاج جاندارعا ارنالعان وبلىس اكىمدىگىنىڭ قولداۋى. وسى ماقساتقا بولىنگەن قوماقتى قاراجات 500 ٴۇيدى يەمدەنۋگە باعىتتالعان. بۇل تۋرالى aktobetv.kz سايتى حابارلايدى.

«نۇر-اقتوبە» شاعىن اۋدانىنان ٴبىر بولمەلى پاتەر العان اللا ياسكينانىڭ قۋانىشىندا شەك جوق. مۋزىكا مەكتەبىنىڭ وقىتۋشىسى ٴۇشىن جاڭا باسپاناعا قول جەتكىزۋ ارمان بولاتىن. ەندى ول ويى جۇزەگە اسىپ، ٴۇيلى بولدى.

باسپاناعا مۇقتاج جاندار ٴۇشىن ماتەريالدىق قولداۋ كورسەتۋدى وبلىس اكىمدىگى قازاقستاننىڭ تۇرعىن ٴۇي قۇرىلىس جيناق بانكىمەن بىرلەسە جۇرگىزۋدە. بۇل ماقساتقا بيۋدجەتتەن 250 ملن تەڭگە ٴبولىندى. قاراجات وسى اۋداندا سالىنعان ۇيلەردەگى ٴبىر بولمەلى پاتەردى نەمەسە كوتتەدجدەردى ساتىپ الۋ كەزىندە باستاپقى جارنانى تومەندەتۋگە باعىتتالادى. ناتيجەسىندە، ۇمىتكەر تەك باسپانا قۇنىنىڭ ون پايىزىن جيناسا جەتكىلىكتى.

اكىمدىكتىڭ كومەگىن يەلەنگەن اقتوبەلىكتەر قارىز اقشاسىن بەس جىل ىشىندە ەشقانداي ۇستەمەسىز قايتارادى. ٴارى قاراي بانككە قارىزىن تولەيدى.

وسىنداي قولداۋدىڭ ارقاسىندا بيىل نۇر-اقتوبە اۋدانىنان 500 ٴۇيدى تاپسىرۋ جوسپارلانعان. مۇنداي يگى شارا «نۇرلى جەر» باعدارلاماسى اياسىندا جۇرگىزىلىپ جاتىر. وعان قاتىسۋعا نيەت بىلدىرگەن تۇرعىنداردىڭ وتىنىشتەرى حالىقتىق كەڭسە مەن التىنسارين كوشەسى-2 مەكەن جايىنداعى عيماراتتاردا قابىلدانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي