BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە وبلىسىندا جەتىم بالالار مەن كوپبالالى وتباسىلار باسپانالى بولدى

قازاقستان رەسپۋبليكاسى كونستيتۋسياسى كۇنىنىڭ قارساڭىندا اقتوبە وبلىسىنىڭ العا قالاسىندا «نۇرلى جەر» باعدارلاماسى بويىنشا سالىنعان 60 پاتەرلى تۇرعىن ٴۇي پايدالانۋعا بەرىلدى، دەپ حابارلايدى baq.kz اقپارات اگەنتتىگى.

12 جەتىم جانە اتا-اناسىنىڭ قامقورلىعىنسىز قالعان، سونداي-اق حالىقتىڭ الەۋمەتتىك وسال توپتارىنا جاتاتىن 48 وتباسى جەكە مەنشىك باسپاناسىنىڭ باقىتتى يەلەرى بولدى. ولاردىڭ بارلىعى مەملەكەتتىك تۇرعىن ٴۇي قورىنان باسپانا كەزەگىندە تۇرعان.

«تۇرعىن ٴۇي - ٴاربىر ادامنىڭ ەڭ باستى ماسەلەسى جانە الداعى جەتىستىگىنىڭ نەگىزى. سوندىقتان مەملەكەت حالىقتى تۇرعىن ۇيمەن قامتاماسىز ەتۋ ٴۇشىن جۇمىس ىستەپ جاتىر، وسى ماقساتتا كوپتەگەن باعدارلامالار قابىلداندى. ولاردىڭ قاتارىندا «نۇرلى جەر»، «7-20-25» باعدارلاماسى بار. تەك اقتوبە وبلىسىندا وتكەن جىلى 790 مىڭ شارشى مەتر تۇرعىن ٴۇي سالىندى، بيىلعى جىلى كەمىندە 870 مىڭ شارشى مەتر تۇرعىزۋدى جوسپارلاپ وتىرمىز. بۇنىڭ ٴبارى مەملەكەت باسشىسىنىڭ حالىقتىڭ ٴال-اۋقاتىن جاقسارتۋعا دەگەن قامقورلىعىنىڭ جانە ەلىمىزدىڭ ەكونوميكالىق كۇشىنىڭ ارقاسىندا»، - دەپ اتاپ وتكەن وبلىس اكىمى بەردىبەك ساپاربايەۆ جاڭا پاتەر يەلەرىن كوپتەن كۇتكەن قۋانىشتارىمەن قۇتتىقتادى.

بيىلعى جىلى العادا 128 پاتەر پايدالانۋعا بەرىلەدى، 2019-2020 جىلدارى تاعى ەكى كوپقاباتتى 120 پاتەر سالىناتىن بولادى.

العالىقتاردىڭ قۋانىشىنىڭ تاعى ٴبىر سەبەبى 600 وقۋشىعا ارنالعان مەكتەپ-گيمنازيانىڭ اشىلۋى بولدى.

بۇل aلعاداعى 30 جىلدان استام ۋاقىتتان بەرى سالىنعان العاشقى ٴبىلىم بەرۋ مەكەمەسى.

گيمنازيا جانىندا ورتا مەكتەپتەرى جوق شالعايداعى اۋىلداردان شىققان 100 بالانى قابىلدايتىن مەكتەپ-ينتەرناتى بولادى. قۇرىلىستىڭ قۇنى 1،7 ملرد. تەڭگەدەن اسادى.

«مەملەكەت باسشىسى نۇرسۇلتان نازاربايەۆ ٴاردايىم جاستارعا قامقورلىق جاسايدى. پرەزيدەنتتىڭ تاپسىرماسىن ورىنداۋ بارىسىندا ٴبىز وبلىستىڭ جاس تۇرعىندارىنا قولداۋ كورسەتۋ ٴۇشىن بارلىق قاجەتتى شارالاردى قابىلدايمىز. باسەكەگە قابىلەتتى، جوعارى ينتەللەكتۋالدىق، فيزيكالىق جانە رۋحاني دامىعان قازاقستاندىقتاردى تاربيەلەۋ ٴۇشىن، مادەنيەت وبەكتىلەرى، سپورت، ٴبىلىم نىساندارىن سالۋدامىز. بيىلعى جىلى وبلىستا 26 مەكتەپ سالىنادى. ونىڭ ىشىندە 15 مەكتەپ جىلدىڭ سوڭىنا دەيىن تاپسىرىلادى، 9 مەكتەپ قىركۇيەكتە اشىلادى»، - دەدى بەردىبەك ساپاربايەۆ ٴوزىنىڭ قۇتتىقتاۋ سوزىندە جاس العالىقتارعا وقۋدا جوعارى جەتىستىك پەن ساتتىلىك تىلەپ.

مەكتەپ-گيمنازيا بارلىق ٴبىلىم بەرۋ ستاندارتتارى مەن قاۋىپسىزدىك تالاپتارىنا سايكەس كەلەدى. ول جوعارى جىلدامدىقتاعى ينتەرنەتپەن جانە وقۋ پروسەسىندە قاجەتتى بارلىق مۋلتيمەديالىق قۇرالدارمەن جابدىقتالعان. فيزيكا، حيميا، بيولوگيا جانە ينفورماتيكا كابينەتتەرى جاڭا موديفياكسيامەن جابدىقتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي