BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبە وبلىسىندا جەتىم بالالار باسپانالى بولدى

اقتوبە وبلىسىنىڭ العا اۋدانىندا ٴوڭىر باسشىسى بەردىبەك ساپاربايەۆ جاڭا قونىس يەلەرىنە «نۇرلى جەر» مەملەكەتتىك باعدارلاماسى اياسىندا تۇرعىزىلعان كوپپəتەرلى تۇرعىن ۇيلەردىڭ كىلتىن تابىس ەتتى، دەپ حابارلايدى baq.kz اقپارات اگەنتتىگى.

بەس قاباتتى ۇيدە 60 پاتەر بولسا، ونىڭ بەسەۋى 1 بولمەلى، وتىزى 2 بولمەلى، جيىرماسى 3 بولمەلى، بەسەۋى 4 بولمەلى. ٴار پاتەردىڭ اۋماعى 31-دەن 79 شارشى مەترگە دەيىن.

جەتىم جəنە اتا-انا قامقورلىعىنسىز قالعان 12 بالا، əلەۋمەتتىك جاعدايى تومەن 19 جانۇيا، 18 بيۋدجەتتىك سالا قىزمەتكەرى، سونىمەن قاتار جالعىز باسپاناسى اپاتتى دەپ تانىلعان وتباسى جەكە باسپانالارىنا يە بولدى. قالعان ون پəتەر بيۋدجەتتىك مەكەمەلەردىڭ قىزمەتكەرلەرىنە جالداۋعا بەرىلدى.

«ەلباسى تاپسىرماسىمەن وبلىستا ازاماتتاردىڭ əل-اۋقاتىن ولاردى باسپانامەن قامتاماسىز ەتۋ ارقىلى ارتتىرۋعا باعىتتالعان «نۇرلى جەر» جəنە «نۇرلى جول» باعلارلامالارى تابىستى جۇزەگە اسىرىلىپ جاتىر. بىلتىر وبلىس تاريحىندا العاش رەت 793 مىڭ شارشى مەتر تۇرعىن ٴۇي سالىنىپ، 6800-دەن اسا اقتوبەلىك وتباسى قونىس تويىن تويلادى. بۇل مەملەكەتتىك باعدارلامانىڭ قولداۋىمەن مۇمكىن بولدى. وسىنداي ۇيلەر اقتوبە قالاسىندا عانا ەمەس، بارلىق اۋدان ورتالىقتارىندا دا سالىناتىن بولادى»، - دەدى ب.ساپاربايەۆ.

باسپانالى بولعانداردىڭ قاتارىندا وبلىستىق بالالار ٴۇيىنىڭ تۇلەگى ولگا ۆاسيلەۆا دا بار.

«جولداسىم ەكەۋمىزدىڭ ٴتورت بالامىز بار. بۇرىن ٴوز ٴۇيىمىز بولمادى، تۋىستارىمىزدىڭ ۇيىندە تۇردىق. بۇگىن بىزگە ٴوزىمىزدىڭ ٴۇش بولمەلى پاتەرىمىزدىڭ كىلتىن تابىس ەتتى»، - دەدى قۋانىشىمەن بولىسكەن ۆاسيلەۆا.

جۋىردا العا قالاسىندا مەملەكەتتىك باعدارلاما بويىنشا 60 پاتەرلىك 5 قاباتتى ٴۇي پايدالانۋعا بەرىلمەك. كەلەشەكتە 120 پاتەرلىك ەكى تۇرعىن ٴۇي سالۋ جوسپاردا بار.

سونداي-اق، وبلىس اكىمى بەردىبەك ساپاربايەۆ العا قالاسىنداعى ورتالىق ستاديوندا بولىپ، شايبالى حوككەيدەن وتكەن «جۇلدىزدى شايبا» سايىسى مەن «ەڭ ۇزدىك مۇز ايدىنى» بايقاۋىنىڭ جەڭىمپاز كوماندالارىن ماراپاتتادى.

«بالالارىمىزدىڭ سپورتپەن شۇعىلدانۋىنا جاعداي جاساي وتىرىپ، ٴبىز وسكەلەڭ ۇرپاقتىڭ فيزيكالىق، رۋحاني جəنە مورالدىق تۇرعىدا دەنى ساۋ بولۋىن قامتاماسىز ەتەمىز. بارلىق مەكتەپ مۇعالىمدەرى مەن ديرەكتورلارىنىڭ نازارىن وقۋشىلاردى بۇقارالىق سپورتقا تارتۋعا اۋدارۋلارىن سۇرايمىن. ٴوز كەزەگىندە وبلىس باسشىلىعى ەلباسى تاپسىرماسىنا ساي حالىقتىڭ سپورتپەن اينالىسۋى ٴۇشىن ماتەريالدىق-تەحنيكالىق بازانى نىعايتىپ، دامىتۋ جۇمىستارىن جالعاستىراتىن بولادى»، - دەدى وبلىس əكىمى قۇتتىقتاۋ سوزىندە.

مارجانبۇلاق، بەستاماق سەلولىق وكرۋگتەرىنىڭ جانە ۆ.پاسايەۆ اتىنداعى №2 مەكتەپ كوماندالارى شايبالى حوككەي ٴتۋرنيرىنىڭ جەڭىمپازى اتاندى. ولار وسى جىلدىڭ قاڭتار ايىندا اقتوبەدە وتەتىن وبلىستىق جارىستا اۋدان نامىسىن قورعاماق.

ٴوڭىر باسشىسى جارىس جەڭىمپازدارىنا ديپلومدار، سىرعىتپا تاياقتار مەن كونكيلەر تابىستادى.

ۇزدىك مۇز ايدىنى بايقاۋىندا تامدى، بەستاماق جانە سارىقوبدا سەلولىق وكرۋگتەرى جۇلدەلى ورىندارعا يە بولدى. ەسەت باتىر اتىنداعى اۋداندىق دەنە شىنىقتىرۋ كەشەنىنىڭ ديرەكتورى بەرىك باقىتوۆتىڭ ايتۋىنشا، تورەشىلەر ەڭ الدىمەن مۇزدىڭ تەگىستىگىن، سونىمەن قاتار، مۇز ايدىنىنىڭ تەحنيكالىق جاعىنان جابدىقتالۋىنا باعا بەردى.

«بۇگىندە اۋداننىڭ جالپى ٴبىلىم بەرەتىن 27 مەكتەبىنىڭ بارلىعىندا، بجسم-دە، بارلىق سەلولىق وكرۋگتەردە مۇز ايدىنى بار. سوڭعى ەكى-ۇش جىلدا قىسقى سپورت تۇرلەرىنە كوپ كوڭىل ٴبولىنىپ ٴجۇر. سپورتتىق كيىمدەر، جابدىقتار ساتىپ الىندى. وتكەن جىلعى سپورتتىق كەزەڭمەن سالىستىرعاندا ناتيجە بار. قىسقى سپورت تۇرلەرىمەن شۇعىلدانعىسى كەلەتىن بالالار سانى 30% ارتتى»، - دەدى باقىتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي