BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

300-دەن استام اقتوبەلىك باسپانالى بولدى

فوتو: Автор

بۇگىن 300-دەن استام اقتوبەلىك قونىس تويىن تويلادى. قر تاۋەلسىزدىك كۇنىنە وراي «نۇر اقتوبە» اۋدانىندا بوي كوتەرگەن العاشقى كوتتەدجدەردىڭ كىلتىن يەلەرىنە اقتوبە وبلىسىنىڭ اكىمى بەردىبەك ساپاربايەۆ تابىستادى، دەپ حابارلايدى baq.kz ٴتىلشىسى.

اقتوبەدە «نۇر اقتوبە» اۋدانىندا بوي كوتەرگەن العاشقى كوتتەدجدەر پايدالانۋعا بەرىلدى. شاعىن اۋدانداعى از قاباتتى تۇرعىن ۇيلەر مەن كوتتەدجدەردىڭ كىلتىن 40 وتباسىعا وبلىس اكىمى بەردىبەك ساپاربايەۆ تابىستادى. باسپانالار «نۇرلى جەر» مەملەكەتتىك باعدارلاماسى ارقىلى سالىنعان. بۇگىن بارلىعى 80 كوتتەدج بەن 255 پاتەر پايدالانۋعا بەرىلدى.

«باعدارلامالاردىڭ نەگىزگى ماقساتى مەملەكەتتىڭ كومەگىنىڭ ارقاسىندا قازاقستاندىقتاردى ۇيمەن قامتاماسىز ەتۋ. ٴبىز دە سول ماقساتتى ورىنداۋ ٴۇشىن «نۇر اقتوبە» اۋدانىندا ەكى مەملەكەتتىك باعدارلاما اياسىندا ۇيلەر سالا باستادىق. بۇل جەردىڭ تۇرعىندارىنىڭ سانى بولاشاقتا 100 مىڭعا جەتۋى ٴتيىس. ول ٴۇشىن بارلىق جاعدايدى جاساپ جاتىرمىز. 280 تۇرعىنعا 2، 3، 4 قاباتتى ۇيلەردەن پاتەرلەر بەرەمىز. بارلىق ستاندارتقا سايكەس كەلەتىن ساپالى باسپانالار»، - دەدى ٴوڭىر باسشىسى بەردىبەك ساپاربايەۆ.

ەكى قاباتتى جەكە تۇرعىن ۇيلەردىڭ يەلەرى جەر كەزەگىندە تۇرعان «تۇرعىن ٴۇي قۇرىلىس جيناق بانكىنىڭ» سالىمشىلارى. «نۇرلى جەر» مەملەكەتتىك باعدارلاماسى اياسىندا سالىنعان باسپانالاردىڭ كولەمدەرى ٴارتۇرلى. كوتتەدجدەردىڭ ەڭ كىشىسى - 114 شارشى مەتر. وسىنداي باسپانالى بولعانداردىڭ ٴبىرى - بايعانين اۋدانىنىڭ تۋماسى مۇقاعالي مəمبەتوۆ. جەر كەزەگىندە تۇرىپ، بانككە اقشا جيناعان. جاس جىگىت اتا-اناسىمەن بىرگە تۇرادى.

«اتا-اناممەن تۇرامىن مۇندا. بۇگىنگە دەيىن پاتەردە جۇردىك. جەر ۇيدە تۇرۋ اكە-شەشەمنىڭ ارمانى. العاشقى جارناسىن تولەپ، الىپ جاتىرمىز. قالعان نەسيەمدى تاعى 9 جىل تولەيمىن. قۋانىشتىمىن. ٴۇيىمىز كەڭ ٴارى جارىق»، - دەيدى مۇقاعالي مامبەتوۆ.

«تۇرعىن ٴۇي قۇرىلىس جيناق بانكى» اق ارقىلى بەرىلەتىن باسپانانىڭ 1 شارشى مەترىنىڭ قۇنى - 120 مىڭ تەڭگە. باستاپقى جارنا - 30 پايىز. قالعان اقشانى ەڭ ۇزاق مەرزىم 19 جىلعا ٴبولىپ تولەۋگە مۇمكىندىك بار. 5 پايىز ۇستەمەمەن بەرىلەدى. 9 جىلدان كەيىن نەسيەنى 3،8 پايىزبەن تولەي الادى. شاعىن اۋداندا بيىل بارلىعى 194 كوتتەدج سالىندى. قالعاندارى جىل سوڭىنا دەيىن پايدالانۋعا بەرىلەدى. كەلەر جىلى مۇندا 900 ورىندىق مەكتەپ پەن 2 بالاباقشا سالىنادى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي