BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەرەكە قارساڭىندا 150 پاۆلودارلىق پاتەرلى بولدى

فوتو: Автор

ەل تاۋەلسىزدىگى كۇنى قارساڭىندا 150 پاۆلودارلىق كوپتەن كۇتكەن پاتەرلەرىنە قول جەتكىزدى. تۇرعىن ٴۇي «نۇرلى جەر» مەملەكەتتىك باعدارلاما شەڭبەرىندە بوي كوتەردى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

ايتا كەتەيىك، بۇگىندە ەرتىس ٴوڭىرى تۇرعىن ٴۇي قۇرىلىسى بويىنشا ەلىمىزدە كوشباسشى وبلىستاردىڭ قاتارىندا. بيىلعى جىلى پاتەرلەردى سالۋ كورسەتكىشى 1،5 ەسەگە ارتقان. جىل سوڭىنا دەيىن تاعى ەكى باسپانا جۇرتشىلىق يگىلىگىنە بەرىلەدى. بۇل 250-دەن استام وتباسى پاتەر كىلتتەرىنە يە بولادى دەگەن ٴسوز.

«باسپانالى بولۋ – حالىقتىڭ جاقسى تۇرمىسىنىڭ ٴبىر كورسەتكىشى. بۇل يگىلىككە قول جەتكىزۋ ٴۇشىن مەملەكەت تاراپىنان تىڭ جۇمىستار اتقارىلۋدا. ٴبىر سوزبەن ايتقاندا، الەۋمەتتىك-ەكونوميكالىق تۇرعىدان دامۋعا مۇمكىندىكتەر قولدا بار»، - دەيدى وبلىس اكىمى بولات باقاۋوۆ.

كۋتۋزوۆ كوشەسىنىڭ بويىندا سالىنعان 9 قاباتتى ٴۇيدىڭ جالپى اۋماعى 10 مىڭ شارشى مەتردى قۇرادى. مەرەكە قارساڭىندا ارمانى ورىندالعان پاۆلودارلىقتاردىڭ قاتارىندا تولەۋبايەۆتار وتبىسى بار.

«14 جىل بويى تۇرعىن ٴۇي كەزەگىندە تۇردىق. بۇگىن پاتەرلى بولدىق. ٴتورت بالامنىڭ قۋانىشىندا شەك جوق. ەلىمىز بولماسا، پاتەر ساتىپ الۋعا مۇمكىندىگىمىز بولماس ەدى»، - دەيدى گۇلسانا تولەۋبايەۆا.

ەسكە سالا كەتسەك، بۇعان دەيىن وبلىس ورتالىعىندا ٴۇش بىردەي تۇرعىن ٴۇي پايدالانۋعا بەرىلدى. نىساندار «وڭىرلەردى دامىتۋ-2020» جانە «نۇرلى جەر» باعدارلاماسى شەڭبەرىندە بوي كوتەردى. ناتيجەسىندە 400-دەن استام وتباسى باسپانالى بولدى. بۇل ۇيلەردىڭ قۇرىلىسىنا شامامەن 4 ملرد. تەڭگە جۇمسالدى. ۇيلەردى سالۋدا وتاندىق قۇرىلىس ماتەريالدارى قولدانىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي