BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

10،5 ملن شارشى مەتر تۇرعىن ٴۇي پايدالانۋعا بەرىلدى – جەڭىس قاسىمبەك  

وتكەن جىلى 10،5 ملن شارشى مەتر تۇرعىن ٴۇي پايدالانۋعا بەرىلدى. بۇل شامامەن 90 مىڭ باسپانا. بۇل تۋرالى قر ينۆەستيسيالار جانە دامۋ ٴمينيسترى جەڭىس قاسىمبەك حالىق الدىندا بەرگەن ەسەبىندە اتاپ ٴوتتى، دەپ حابارلايدى baq.kz ٴتىلشىسى.

«2016 جىلى جالپى تۇرعىن ٴۇي قۇرىلىس الاڭىنىڭ فيزيكالىق كولەم يندەكسى 118%-دى قۇرادى. 10،5 ملن شارشى مەتر تۇرعىن ٴۇي پايدالانۋعا بەرىلدى. بۇل شامامەن 90 مىڭ باسپانا. بۇل سالا بويىنشا ينۆەستيسيا كولەمى 2015 جىلى 740 ملرد تەڭگە بولسا، 2016 جىلى 830 ملرد تەڭگەگە جەتتى. جۇرگىزىلگەن رەفورمالار ناتيجەسىندە كاسىپكەرلەر ٴۇشىن قۇرىلىس جۇرگىزۋگە رۇقسات الۋ مەرزىمى 3 ايدان 1 ايعا دەيىن قىسقاردى. اتالعان كورسەتكىشتەر بويىنشا 2 جىلدا قازاقستان بۇكىلالەمدىك بانك رەيتينگىسىندە 152-ورىننان 22-ورىنعا كوتەرىلدى»، - دەدى مينيستر.

جەڭىس قاسىمبەك اتاپ وتكەندەي، «نۇرلى جەر» تۇرعىن ٴۇي قۇرىلىسىنىڭ ٴبىرىڭعاي باعدارلاماسى اياسىندا 1،5 ملن تۇرعىن ٴۇي سالىناتىن بولادى. ال، 2017 جىلى 100 مىڭ تۇرعىن ٴۇي سالۋ جوسپارلانىپ وتىر.

ەستەرىڭىزگە سالا كەتەيىك، 2015 جىلى مەملەكەت باسشىسى نۇرسۇلتان نازاربايەۆ ينفراقۇرىلىمدى دامىتۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىن بەكىتۋ تۋرالى جارلىققا قول قويعان بولاتىن. ەلباسى جاريالاعان «نۇرلى جول - بولاشاققا باستار جول» اتتى جولداۋىنان تۋىندايتىن باعدارلاما ەلدىڭ ماكرووڭىرلەرىن بىرىكتىرۋ جانە حاب قاعيداتى بويىنشا ٴبىرىڭعاي نارىقتى قالىپتاستىرۋعا نەگىزدەلگەن جاڭا ەكونوميكالىق ساياساتتى ىسكە اسىرۋعا باعىتتالىپ وتىر.

ەڭ باستىسى، باعدارلاما ەكونوميكا وسىمىنە جاعداي جاساي وتىرىپ، قازىرگى بار جۇمىس ورىندارىن ساقتايدى جانە جاڭا جۇمىس ورىندارىن اشۋدى قامتاماسىز ەتەدى، ىسكەرلىك بەلسەندىلىكتى، ونىمدىلىكتى جانە ەلدىڭ ترانزيتتىك الەۋەتىن ارتتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي