BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

the new york times موڭعوليالىق تاعى ٴبىر بۇركىتشى قىز تۋرالى جازدى

فوتو: The New York Times

استانا، baq.kz. موڭعوليانىڭ بايان-ولگەي ايماعىنا قاراستى ساقساي اۋدانىندا (سۇمىن) تۇراتىن جاس بۇركىتشى زامانبول تالاپقىزى جايلى the new york times گازەتىنىڭ 22 جەلتوقسانداعى نومەرىندە جاريالاندى.

ماقالادا "بۇركىتپەن اڭ اۋلايتىن 14 جاستاعى اڭشى قىز. بۇركىتشىلىكتى اتاسى ماتەيدەن ۇيرەنگەن. ساباقتان تىس، دەمالىس ۋاقىتىندا اۋىلدا تۇراتىن ۇيىنە بارىپ، بۇركىتپەن اڭ اۋلاۋدى ۇناتادى" دەپ جازىلعان.

"اتام بۇركىتتى قالاي باپتاپ، قولعا قالاي شاقىرىپ، شىرعاعا قالاي شاقىرۋدى، بۇركىتپەن قالاي اڭ اۋلاۋ كەرەكتىگىن كىشكەنتاي كەزىمنەن ۇيرەتتى. اتاممەن بىرگە بۇركىتپەن قاسقىر اۋلاعان كەزدەرىمىز دە بولدى. اتام قايتىس بولعان سوڭ، ونىڭ مۇراسىن جالعاستىرىپ، بۇركىتشى بولعىم كەلدى" - دەيدى زامانبول تالاپقىزى the new york times گازەتىنىڭ تىلشىسىنە بەرگەن سۇقباتىندا.

سونىمەن قاتار، اتالعان ماقالادا بۇگىنگى تاڭدا بۇركىتشىلىكتى دامىتىپ وتىرعان موڭعوليا قازاقتارى ەكەنى جازىلعان.

"بۇركىتشىلىك ٴداستۇرى ەجەلدەن بەرى ساباعىن ۇزبەي جالعاستىرىپ كەلە جاتقان ۇلتتىڭ ٴبىرى موڭعوليا قازاقتارى. مۇنداعى قازاقتار جىل سايىن “golden eagle festival” اتتى ۇلكەن شارا ۇيىمداستىرىپ، شەتەلدەن كەلەتىن تۋريستەردىڭ قىزىعۋشىلىعىن ارتتىرىپ وتىر. 2014 جىلى “golden eagle festival”- دا باس جۇلدەنى جەڭىپ العان ايشولپان جايلى دەرەكتى فيلم 2016 جىلى جارىققا شىعىپ، بۇركىتشىلىك ٴداستۇردى الەمنىڭ تۇكپىر-تۇكپىرىنە تاراتتتى. قازىرگى تاڭدا بايان-ولگەيدە 400-گە جۋىق بۇركىتشى بار" - دەلىنگەن ماقالادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي