BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

موڭعوليادا بۇركىتشى قىزدار اراسىندا سايىس ٴوتتى

موڭعوليانىڭ بايان-ولگەي ايماعىنا قاراستى "ۋلاانحۋس" (قىزىل قايىڭ) اۋدانىندا بۇركىتشى قىزدار اراسىندا سايىس ٴوتتى، دەپ حابارلايدى baq.kz اقپارات اگەنتتىگى.

montsame.mn اگەنتتىگىنىڭ حابارلاۋىنشا، موڭعوليا قازاقتارى اراسىنان شىققان العاشقى ايەل بۇركىتشى الما قوجامجارقىزىن ەسكە الۋعا ارنالعان بۇل سايىسقا بايان-ولگەي اماعىنا قاراستى التاي، ساقساي، ۇلانقۇس، تۇلبا اۋداندارىنان 8 بەن 16 جاس ارالىعىنداعى 12 بۇركىتشى قىز قاتىستى.

بۇركىتشى قىزدار قىراندارىن باپتاپ، ونى قايىرىپ، شىرعاعا شاقىرۋ بويىنشا سايىستى. جارىس قورىتىندىسى بويىنشا ۇلانقۇس اۋدانىنىڭ جاس قۇسبەگىسى ن.سۇلۋشاش باس بايگەنى يەلەنسە، ب.بالدىر، س،اقەلىك قاتارلى بۇركىتشىلەر الدىڭعى ٴۇش ورىندى ٴبولىستى.

بۇل سايىسقا بايان-ولگەيدەن شىققان تانىمال بۇركىتشى قىز ايشولپان نۇرعايىپقىزى قاتىسقان جوق. سەبەبى ول وسى كەزدە قازاقستاندا ٴجۇر.

ەستەرىڭىزدە بولسا، 2014 جىلى اعىلشىننىڭ "daily mail" باسىلىمى قۇسبەگىلىك ونەرىن يگەرگەن 13 جاستاعى قازاق قىزى تۋرالى ماقالا جاريالاپ، بايان-ولگەيدەن شىققان بۇركىتشى قىز ايشولپان نۇرعايىپقىزىن بۇكىل الەمگە تانىمال ەتتى. وسىدان كەيىن رەجيسسەر وتتو بەلل "بۇركىتشى قىز" (the eagle huntres) اتتى دەرەكتى ٴفيلمدى ٴتۇسىردى. اتالعان فيلم وسكار سىيلىعىنا ۇمىتكەر ۇزدىك 15 ٴفيلمنىڭ قاتارىنا دا ەنگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي