BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

بايان-ولگييدە قازاق فوتوگرافتىڭ كورمەسى ٴوتىپ جاتىر

بايان-ولگەي ايماعىنىڭ ورتالىق الاڭىندا وسى ايماققا قاراستى دەلۇۇن اۋدانىنىڭ تۋماسى، جاس فوتوگراف نۇرجاس نۇربەك ۇلىنىڭ "اسقار تاۋلار اراسىنداعى الەم" اتتى كورمەسى ٴوتىپ جاتىر، دەپ حابارلايدى baq.kz اقپارات اگەنتتىگى.

تاۋلارتىڭ كەرەمەت ٴساتىن فوتوكامەراعا ٴتۇسىرۋدى جانى سۇيەتىن فوتوگراف كورمەگە سوڭعى بەس جىلدا تۇسىرگەن 50-گە جۋىق سۋرەتىن ۇسىندى.

"سۋرەتتەرىمنىڭ كوبىندە تۋعان جەردىڭ تۇمسا تابيعاتى، قازاق حالقىنىڭ ٴسالت-داستۇرى، تىنىس-تىرشىلىگى كورىنىس تاپقان. تاعى ٴبىر قىزىعى، بۇل وسى ايماقتا العاش رەت ۇيىمداستىرىلعان فوتوكورمە دەپ ايتۋعا بولادى. كورمەنىڭ نەگىزگى ماقساتى تۋعان جەردىڭ سۇلۋ تابيعاتىن، وندا ٴومىر ٴسۇرىپ جاتقان حالىقتىڭ دالاعا دەگەن سۇيىسپەنشىلىگىن ناسيحاتتاۋ" - دەيدى نۇرجاس نۇربەك ۇلى.

جاس فوتوگراف ٴوزىنىڭ بۇل سالاداعى قادامىن 2015 جىلى موڭعوليا فوتوگرافتار وداعى ۇيىمداستىرعان كورمەگە قاتىسۋمەن باستاعان. 2016 جىلى موڭعوليادا 400-گە جۋىق فوتوگرافتىڭ 2800-دەن استام فوتوسى قويىلعان "موڭعوليا، موڭعوليالىقتار مەنىڭ كوزىممەن" اتتى بايقاۋدا نۇجاستىڭ كوشپەندىلەردىڭ قىسقى ٴومىرىن بەينەلەيتىن "موڭعوليا - مەنىڭ وتانىم" توپتاماسى باس جۇلدەنى جەڭىپ العان بولاتىن.

سونىمەن قاتار، 2017 جىلى نۇرجاس نۇربەك ۇلىنىڭ ەڭبەكتەرى "موڭعوليا فوتوگرافياسى" بايقاۋىندا ۇزدىك 100 جۇمىستىڭ ٴبىرى بولدى.

"بايان-ولگەي ايماعىن تالاي رەت اينالىپ شىقتىم. الداعى ۋاقىتتا موڭعوليانىڭ بارلىق جەرىن جانە الەمدەگى ەڭ كوركەم جەرلەردى كورىپ، فوتوعا تۇسىرسەم دەيمىن" - دەيدى جاس سۋرەتشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي