BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايشولپان "التىن جۇلدىز" وردەنىمەن ماراپاتتالدى

استانا، baq.kz. موڭعوليا پرەزيدەنتى حالتمااگيين باتتۋلگا جاڭا جىل قارساڭىندا ەلگە ەڭبەگى سىنگەن ازاماتتارعا مەملەكەتتىك ناگرادالار تابىستادى. بۇل تۋرالى جەرگىلىكتى باق جازدى.

موڭعوليا ەلىنە ەڭبەگى سىڭگەن، ٴار سالا بويىنشا ٴوز ٴىسىنىڭ ۇزدىگى اتانعان ەرەكشە جانداردى ماراپاتتايتىن سالتاناتتى جيىندا موڭعوليادا تۇراتىن قازاقتىڭ تانىمال بۇركىتشى قىزى ايشولپان "التىن جۇلدىز" وردەنىمەن ماراپاتتالدى.

"التىن جۇلدىز" وردەنى موڭعوليانىڭ دامۋىنا ەرەكشە ۇلەس قوسقان ازاماتتارعا بەرىلەدى. ايشولپان تۋريزم سالاسىن جانە ٴداستۇردى دارىپتەگەنى ٴۇشىن يەلەندى بۇل وردەندى

ايشولپان نۇرعايىپقىزى موڭعوليادا تۇراتىن قازاقتاردىڭ اراسىنان شىققان ساناۋلى بۇركىتشى قىزداردىڭ ٴبىرى. ول تۋرالى تۇسىرىلگەن فيلم "وسكار" سىيلىعىنان ۇمىتكەرلەر قاتارىنا دەيىن جەتتى.

ەستەرىڭىزدە بولسا، ايشولپان ٴبىلىمىن قازاقستاندا جالعاستىراتىنى تۋرالى ايتقان بولاتىن. 2014 جىلى اعىلشىننىڭ "daily mail" باسىلىمى قۇسبەگىلىك ونەرىن يگەرگەن 13 جاستاعى قازاق قىزى تۋرالى ماقالا جاريالاپ، ايشولپاندى بۇكىل الەمگە تانىمال ەتتى. وسىدان كەيىن رەجيسسەر وتتو بەلل "بۇركىتشى قىز" (the eagle huntres) اتتى دەرەكتى فيلم ٴتۇسىردى. اتالعان فيلم وسكار سىيلىعىنا ۇمىتكەر ۇزدىك 15 ٴفيلمنىڭ قاتارىنا ەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي