BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا تۇڭعىش رەت مۋزەي قىزمەتكەرلەرى تۋرالى ەنسيكلوپەديا شىعادى

بۇگىن قر مادەنيەت جانە سپورت مينيسترلىگىنىڭ ٴباسپاسوز ورتالىعىندا «مۋزەي ٴىسىنىڭ ۇزدىكتەرى» جوباسى تۋرالى وتكەن ٴباسپاسوز ٴماسليحاتىندا تاۋەلسىزدىك العاننان بەرى تۇڭعىش رەت مۋزەي ٴىسى سالاسىنىڭ ماماندارىنا ارنالعان تانىمدىق ەنسيكلوپەديا ەكى تىلدە جارىق كورەتىنى ٴمالىم بولدى، دەپ حابارلايدى baq.kz ٴتىلشىسى.

قر ۇلتتىق مۋزەيى 2014 جىلى 2 شىلدەدە اشىلعان كەزدەن باستاپ ٴىرى جوبالاردىڭ اۆتورى بولىپ وتىر. سونىڭ ٴبىرى ەلىمىزدە «مۋزەي ٴىسىنىڭ ۇزدىكتەرى» اتتى جوبا جۇمىسىن باستاماق.

«وسىعان دەيىن 238 مۋزەيدىڭ مەكەنجايى جازىلعان انىقتامالىق شىقتى. 238 مۋزەيدىڭ 6-ى رەسپۋبليكالىق، 9-ى قورىق، ٴ214-ى وبلىستىق، ٴ8-ى ۆەدومستۆولىق باعىتتا جۇمىس ىستەپ جاتىر. تاۋەلسىزدىك جىلدارى كوبىنەسە الاش ارىستارىنا، قۋعىن-سۇرگىن قۇرباندارىنا ارنالعان 75 مۋزەي قۇرىلدى. ال شىققالى وتىرعان ەنسيكلوپەديا جاس ۇرپاققا ونەگە بولماق. «وتىرار مەملەكەتتىك ارحەولوگيالىق قورىق-مۋزەيىنىڭ» نەگىزىن مەكتەپ ٴمۇعالىمى اسانتاي ٴالىموۆ، ەتنوگرافيالىق لاندشافت مۋزەيىن بۋتاكوۆو سەلوسىنىڭ ٴمۇعالىمى نيكولاي زايەسەۆ نەگىزىن قالاسا، نەبىر قولجازبالار، سيرەك كىتاپتار ساقتالعان رۋحانيات ٴال-فارابي مۋزەيىن قاراپايىم مۋزەي قىزمەتكەرى ابدۋللا جۇماشەۆ اشىپ وتىر. وسى ەنسيكلوپەديادا «قۇرمەت» دەگەن تاراۋدى جاساپ، سول تاراۋعا مۋزەيدى اشىپ، ونى دامىتۋعا ەڭبەگى سىڭگەن، جاس مۋزەيشىلەردى تاربيەلەۋگە ەڭبەك ەتكەن ادامدار تۋرالى جازساق جاستارعا ناعىز ونەگە بولماق»، - دەدى قر ۇلتتىق مۋزەيىنىڭ قورلاردى جيناقتاۋ، ەسەپكە الۋ جانە ساقتاۋ قىزمەتىنىڭ جەتەكشىسى، باس قور ساقتاۋشىسى رىسكۇل بەكتاليەۆا.

تانىمدىق ەنسيكلوپەدياعا مۋزەي سالاسىنا سۇبەلى ۇلەس قوسقان، ەڭبەك ٴوتىلى 10 جىلدان جوعارى ۇلكەن جەتىستىكتەرگە قول جەتكىزگەن قىزمەتكەرلەر تۋرالى مالىمەتتەر ەنگىزىلەدى. 2018 جىلدىڭ قىركۇيەك ايىندا ۇلتتىق مۋزەيدىڭ ۇلكەن ٴماجىلىس زالىندا ەنسيكلوپەديانىڭ تۇساۋكەسەر ٴراسىمى مەن تۋىندىعا ەنگەن بارلىق مۋزەي قىزمەتكەرلەرىن ارنايى سالتاناتتى تۇردە ماراپاتتاۋ ٴراسىمىن وتكىزۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي