BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاريج ۇلتتىق وپەراسىنىڭ بالەتى گاسترولمەن استاناعا كەلەدى

ەلوردادا تۇڭعىش رەت شىلدەنىڭ 27-30 ارالىعىندا «استانا وپەرانىڭ» ۇلكەن زالى ساحناسىندا اتاقتى پاريج ۇلتتىق وپەرا تەاترىنىڭ بالەت ترۋپپاسى گاسترولدىك ساپار اياسىندا ونەر كورسەتەدى. ەۋروپالىق بالەتتىڭ جارقىن جۇلدىزدارى قازاقستاندىق كورەرمەنگە gala de paris اتتى وراسان زور باعدارلاما ۇسىنباقشى، دەپ حابارلايدى baq.kz اقپارات اگەنتتىگىنە سىلتەمە جاساپ.

«استانا وپەرانىڭ» ٴباسپاسوز قىزمەتىنەن حابارلاعانداي، تەاتردىڭ سيمفونيالىق وركەسترىنە ماەسترو ۆلاديمير لاندە (رەسەي – اقش) جەتەكشىلىك ەتەدى.

پاريج ۇلتتىق وپەراسى بالەت ترۋپپاسىنىڭ بىرەگەي كونسەرتتىك باعدارلاماسى ماريۋس پەتيپا بويىنشا ۆ.شايەنىڭ قويىلىمىنداعى (مۋزىكا اۆتورى ا.گلازۋنوۆ) قانىق ٴارى اسەرلى «رايموندا» بالەتىنىڭ ۇزىندىسىمەن اشىلادى. ورتاعاسىرداعى رىسارلىق اڭىزعا نەگىزدەلگەن بالەت سۇلۋ رايموندا، ونىڭ كۇيەۋ جىگىتى – رىسار-كىرەسكەر جان دە بريەن مەن ساراسين ابدەراحمان جايلى باياندايدى.

كەشتى ت.گوتەنىڭ اتتاس ولەڭىنىڭ جەلىسىمەن ك.م. فون ۆەبەردىڭ مۋزىكاسىنا قويىلعان م.فوكيننىڭ «راۋشان گۇلىنىڭ ەلەسى» بالەتىنەن روماتيكالىق پا-دە-دە جالعاستىرماق. بي قوزعالىسى شىرمالىپ ٴوسىپ، گۇلدەگەن راۋشاننىڭ يكەمىنە نەگىزدەلگەن.

سونىمەن قاتار ونەرسۇيەر قاۋىم نازارىنا 1949 جىلى پاريج وپەراسىندا د.وبەردىڭ مۋزىكاسىنا ۆ.گزوۆسكييمەن قويىلعان گران-پا كلاسسيك ۇسىنىلادى. بالەت ونەرىنىڭ ەڭ سۇيىكتى جاۋھارلارىنىڭ ٴبىرى كورەرمەندى ٴوزىنىڭ رەتتىلىگىمەن، دەنە تۇرىسىنىڭ تولىقتىعىمەن، شىڭدالعان تەحنيكاسىمەن، ارتىستىك شەبەرلىگىمەن، سونداي-اق ناعىز فرانسۋزدىق ۇلگىدەگى جەڭىلدىگىمەن، تاپقىرلىعىمەن ٴتانتى ەتەدى.

«مانفرەد» حورەوگرافياسىن پاريج بالەت ترۋپپاسىنا ارناپ پ.چايكوۆسكييدىڭ مۋزىكاسىنا ر.نۋرەەۆ جاسادى. سيۋجەتكە لورد دج.گ.بايروننىڭ درامالىق پوەماسى نەگىز بولدى. وسى بالەتكە ارقاۋ بولعان وقيعالار بايروننىڭ ٴوز ومىرىنەن الىنعان.

ر.دريگونىڭ وڭدەۋىندەگى ا.اداننىڭ مۋزىكاسىنا م.پەتيپا بويىنشا س.بەرتونىڭ قويىلىمىنداعى اتاقتى «كورسار» كلاسسيكالىق بالەتىندەگى تاڭعالارلىق پا-دە-دە ٴتۇرلى ەل كورەرمەندەرىنىڭ كوڭىلىنەن ەرەكشە ورىن العان.

ف.مەندەلسوننىڭ مي مينور ور.64 وركەسترمەن سكريپكاعا ارنالعان كونسەرتىنىڭ مۋزىكاسىنا قويىلعان س.بەرتونىڭ تاڭداۋلى «رەنەسسانس» بالەتىمەن ەكىنشى ٴبولىمنىڭ شىمىلدىعى اشىلادى. بۇگىنگى تاڭدا جاسالعان كلاسسيكالىق ستيلدەگى قويىلىم پاريج وپەرا تەاترى ارتىستەرىنىڭ دارىنىن اشا تۇسەدى. بىرەگەي ٴارى ٴساندى كوستيۋمدەردى ايگىلى فرانسۋز مودەلەرى، بالمەن ٴسان ٴۇيىنىڭ كرەاتيۆتى ديرەكتورى وليۆە رۋستەن جاسادى.

«ٴولىم الدىنداعى اققۋ» سولوسى ك.سەن-سانستىڭ «جانۋارلار كارناۆالى» سيۋيتاسىنان الىنعان «اققۋ» پەساسىنىڭ مۋزىكاسىنا م.فوكينمەن قويىلدى. اققۋدىڭ نازىك بەينەسى ٴومىر ٴۇشىن كۇرەس نىشانىنا اينالادى، سەزىمىنىڭ شىنايىلىعى ٴارى كۇشتىلىگىمەن ول جەر بەتىندەگى بارشا جاننىڭ جۇرەكتەرىن تەبىرەنتەدى.

كەش بارلىق ارتىستەردىڭ قاتىسۋىمەن ورىندالاتىن ك.چەرنيدىڭ «ەتيۋد» مۋزىكاسىمەن اياقتالادى. ترۋپپا كۇردەلى بي قيمىلدارى، رومانتيكالىق ليريكامەن قاتار كلاسسيكالىق ايبىندىلىق، اسەرلى سەكىرۋلەر مەن پيرۋەتتەردى ورتاعا سالادى. سوليستەر كلاسسيكالىق بالەتتىڭ اسەمدىگى مەن قۋاتتىلىعىن، جوعارى دەڭگەيدەگى ونەر كورسەتۋدىڭ شاتتىعى مەن تولعانىسىن جۇرەكتەرگە جەتكىزە ٴبىلۋى ٴتيىس.

ارتىستەر فرانسۋز بالەت مەكتەبىندە تاريحي تۇرعىدان قالىپتاسقان xiv ليۋدوۆيكتەن باستاپ قازىرگى زامانعا دەيىنگى، ۆەرسالدان گارنە وپەراسىنا دەيىنگى ەجەلگى بي ونەرى ٴداستۇرىن جالعاستىرۋشىلار بولىپ تابىلادى. پاريج ۇلتتىق وپەراسى ترۋپپاسىنىڭ كۇش-جىگەرى مەن قۇلشىنىسى اسقاق ونەردى باعالاۋشى ەلوردالىق قاۋىمنىڭ جادىندا ماڭگىلىككە ساقتالىپ قالارى انىق.

جوبا «قازاق اۋەندەرى» قوعامىمەن بىرگە جۇزەگە اسىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي