مۇحامەدي ۇلى «قارا ارحەلوگيامەن» زاڭنامالىق دەڭگەيدە كۇرەسۋدى ۇسىندى - مادەنيەت|01 قازان 2018، 12:13
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحامەدي ۇلى «قارا ارحەلوگيامەن» زاڭنامالىق دەڭگەيدە كۇرەسۋدى ۇسىندى

مادەنيەت جانە سپورت ٴمينيسترى ارىستانبەك مۇحامەدي ۇلى قر پارلامەنتى ماجىلىسىندە «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» جانە «قر كەيبىر زاڭنامالىق اكتىلەرىنە تاريحي-مادەني مۇرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوبالارىن تانىستىردى، دەپ حابارلايدى baq.kz ٴتىلشىسى.

ونىڭ ايتۋىنشا، تاريحي-مادەني مۇرا وبەكتىلەرىندە جۇرگىزىلەتىن ارحەولوگيالىق، رەستاۆراسيالىق جۇمىستاردى رەتتەۋ ماسەلەسى قايتا قاراۋدى تالاپ ەتەدى.

«ٴبىزدىڭ بىرەگەي ەسكەرتكىشتەرىمىز نەمەسە ٴالى زەرتتەلمەگەن وبەكتىلەر كوبىنەسە «قارا ارحەولوگتار» تاراپىنان ىزدەستىرۋ مەن قازبا جۇمىستارىنا ۇشىراپ جاتقانى قۇپيا ەمەس، ولاردان كەيىن ەسكەرتكىشتەر اشىق كۇيدە قالىپ نەمەسە تولىقتاي جويىلادى. سونداي-اق، تاريحي-مادەني مۇرا وبەكتىلەرىنە ىرگەلەس اۋماقتاردا جۇرگىزىلەتىن قارقىندى قۇرىلىس جۇمىستارىنىڭ تاريح جانە مادەنيەت ەسكەرتكىشتەرىنىڭ تاريحي تۇتاستىعىنا جانە ساقتالۋىنا ەلەۋلى اسەرلەرى ٴتيىپ، تەرىس سالدارعا اكەلىپ سوعىپ جاتقان جاعدايلار دا كەزەدەسەدى»، - دەپ اتاپ ٴوتتى مۇحامەدي ۇلى.

ٴمينيستردىڭ سوزىنشە، قۇقىقتىق سالادا ناقتى رەتتەۋدى تالاپ ەتەتىن جانە تاريحي-مادەني مۇرا وبەكتىلەرىن قورعاۋ جانە پايدالانۋ ٴۇشىن قولايلى جاعدايلار جاساۋدى قاجەت ەتەتىن مىندەتتەردى كۇشەيتۋ كەرەك.

وسى ورايدا، زاڭنامالىق دەڭگەيدە:

- تاريحي-مادەني مۇرا وبەكتىلەرىن انىقتاۋ جانە ەسەپكە الۋ، سونداي-اق ولاردىڭ جاعدايىن مونيتورينگتەۋ ٴتارتىبىن بەكىتۋ;
- تاريحي-مادەني مۇرا وبەكتىلەرىنىڭ تۇپكىلىكتى تاريحي كەلبەتىن ساقتاۋ مەن پايدالانۋدىڭ ساپالى جاڭا مەحانيزمدەرىن ەنگىزۋ;
- ارحەولوگيالىق جۇمىستاردى جۇرگىزۋ جانە «قارا ارحەولوگياعا» قارسى كۇرەس ەرەجەلەرى مەن شارتتارىن بەكىتۋ;
- قورعاۋ ايماقتارىندا جەر ۋچاسكەلەرىن پايدالانۋدىڭ قۇقىقتىق رەجيمىن، تاريح جانە مادەنيەت ەسكەرتكىشتەرىنىڭ قۇرىلىستى سالۋدى رەتتەۋ، تابيعي لاندشافت ايماقتارىن پايدالانۋدىڭ قۇقىقتىق رەجيمىن انىقتاۋ ۇسىنىلادى.

زاڭ جوباسىن ازىرلەۋ پروسەسىندە حالىقارالىق تاجىريبە زەردەلەنىپ، ەسكەرىلگەن.

«رەسەي زاڭناماسىندا زاڭسىز ارحەولوگيالىق ىزدەنىستەردى جۇرگىزۋ، ارحەولوگيالىق زاتتاردى جىمقىرۋ، ارتەفاكتىلەردى مەملەكەتكە وتكىزۋدەن جالتارۋ جانە ت.ب. ٴۇشىن «قارا ارحەولوگياعا» قارسى تۇرۋ شارالارى ەنگىزىلگەن، قىلمىستىق جاۋاپكەرشىلىك قاراستىرىلعان»، - دەدى مادەنيەت جانە سپورت ٴمينيسترى.

ەلىمىزدەگى "قارا ارحەولوگيانىڭ" جاي-جاپسارىن مىنا جەردەن وقۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي