BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەيكى باتىردىڭ باس سۇيەگى امانگەلدى اۋدانىنداعى مازارعا جەرلەنەدى - ب.ٴابدىعالي ۇلى

قازاقستان رەسپۋبليكاسى مەملەكەتتىك ورتالىق مۋزەيىنىڭ ديرەكتورى نۇرسان ٴالىمباي 1916 جىلعى ۇلت ازاتتىق كوتەرىلىسىنىڭ ۇيىمداستىرۋشىلارىنىڭ ٴبىرى كەيكى باتىردىڭ باس سۇيەگىن زەرتحانالىق زەرتتەۋلەر جۇرگىزۋ ٴۇشىن استانادان الماتىعا جەتكىزەدى. بۇل تۋرالى قوعام قايراتكەرى، ساياساتتانۋشى بەرىك ٴابدىعالي ۇلى فەيسبۋكتەگى پاراقشاسىندا جازدى، دەپ حابارلايدى baq.kz ٴتىلشىسى.

«نۇرسان (الىمبەي) اعامىز كەيكى باتىردىڭ باس سۇيەگىن الماتىعا الىپ كەتىپ بارادى. اەروپورتتىڭ تەكسەرۋىنەن ٴوتتى (ۆيدەو). وتباسىمىزبەن باتىر مەن اعامىزدى شىعارىپ سالدىق. استانادان (ساعات) 22.30-دا ۇشادى. الماتى قارسى ال!»، دەپ جازدى ساياساتتانۋشى.

بەرىك ٴابدىعالي ۇلىنىڭ سوزىنە قاراعاندا، انتروپولوگتەر باتىردىڭ بەت كەلبەتىن جاساپ بولعاسىن، شامامەن 1-2 اي كولەمىندە باس سۇيەك قوستاناي وبلىسىنىڭ امانگەلدى اۋدانىنداعى ارنايى سالىنعان مازارعا جەرلەنەدى.

ايتا كەتەيىك، اعىمداعى جىلى مامىر ايىندا حالىق الدىندا ەسەپ بەرگەن قر مادەنيەت جانە سپورت ٴمينيسترى ارىستانبەك مۇحامەدي ۇلى كەيكى باتىردىڭ باس قاڭقاسىن قايتارۋ بويىنشا اتقارىلىپ جاتقان جۇمىستار جايىندا ايتقان بولاتىن.

«ٴبىزدىڭ سەرىك اقىلباي (سەناتور – اۆت.) وسى ماسەلە بويىنشا ٴجيى حابارلاسىپ وتىرادى. كەيكى باتىردىڭ باسى نە بولدى دەپ. مەن ٴوزىم وسى ماسەلەنى ٴجىتى باقىلاپ كەلەمىن. اپتاسىنا ٴبىر رەت رەسەي جاققا ٴوز حاتىمدى جىبەرىپ وتىرامىن. شىنىن ايتۋ كەرەك، وتانداستارىمىزدىڭ وسى جۇمىس بويىنشا ٴبىزدى بەلسەندى ارەكەت ەتۋگە ىقپال جاساپ وتىرعاندارى قۋانتادى. جاقىن ارادا بۇل ماسەلەنى شەشەمىز دەپ ويلايمىن. سەبەبى رەسەي جاقتان كەلىسىم كەلدى. وعان قوسا، الماتىداعى ورتالىق مەملەكەتتىك مۋزەي ديرەكتورى نۇرسان ٴالىمباي سياقتى عالىمدارىمىز ەكسپەديسياعا بارىپ، نۋمەراسياسىن، بارلىق مۇراعات مالىمەتتەرىن تاپتى. ەندى، تەحنيكالىق پروسەدۋرالار قالىپ وتىر. مەن ونىڭ ناقتى ۋاقىتىن ايتا المايمىن. مەن ويلايمىن، بەلسەندى ارىپتەستىك قارىم-قاتىناستىڭ ارقاسىندا ٴبىز اتالعان ارتەفاكتىنى تەزدەتىپ قايتارا الامىز»، - دەيدى ا.مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي