BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاق ەلى» انيماسيالىق ٴفيلمى حالىقارالىق بايقاۋدا ۇزدىك اتاندى

«قازاق ەلى» انيماسيالىق ٴفيلمى حالىقارالىق بايقاۋدا ۇزدىك اتاندى، دەپ حابارلايدى baq.kz اقپارات اگەنتتىگى.

شىلدە ايىنىڭ سوڭىندا ەلورداسى - استانادا ٴحىىى حالىقارالىق «ەۋرازيا» كينوفەستيۆالى اياسىندا وتكەن «بەس قۇرلىق» بالالار فيلمدەرىنىڭ فەستيۆالىندە «ساق» كينوستۋدياسىنىڭ «قازاق ەلى» تولىقمەتراجدى انيماسيالىق ٴفيلمى «ەڭ ۇزدىك سسەناريي» نوميناسياسىن جەڭىپ الدى. اتالعان بايقاۋ كانن، بەرلين، ۆەنەسيا سىندى «ا» كلاسستى فەستيۆالدەرمەن تەڭ دارەجەدە پروديۋسەرلىك قاۋىمداستىقتىڭ حالىقارالىق وداعىندا (fiapf) تىركەلگەن، ورتا ازياداعى وراسان زور كينوفورۋم بولىپ تابىلادى.

سالتاناتتى شارادا «قازاق ەلى» انيماسيالىق ٴفيلمىنىڭ رەجيسسەرى، وبلىستىق مادەنيەت باسقارماسىنىڭ «وڭتۇستىكفيلم» كمم-نىڭ ديرەكتورى، «ساق» كينوستۋدياسىنىڭ بەلگىلى سسەناريستى، رەجيسسەر باتىرحان داۋرەنبەكوۆكە كينوفەستيۆالگە بەلسەنە قاتىسىپ، بالالار كينوسىنىڭ دامۋىنا ىقپال جاساعانى ٴۇشىن قر تۇڭعىش پرەزيدەنتى - ەلباسى قورىنىڭ ارنايى جۇلدەسى مەن «العىس حاتى» سالتاناتتى تۇردە تاپسىرىلدى.

وقو اكىمىنىڭ ٴباسپاسوز قىزمەتى ٴمالىم ەتكەندەي، فەستيۆالدىڭ باعدارلاماسىندا قازاقستان، فرانسيا، نيدەرلاند، قىتاي، اۋعانستان، يران، تۋنيس، پەرۋ، ٴۇندىستان، مەكسيكا، يسپانيا، يتاليا، دانيا، گرۋزيا جانە ت.ب. ەلدەردىڭ شىعارماشىلىق توپتارىنىڭ جۇمىستارى كورسەتىلدى. سونىمەن قاتار، «بەس قۇرلىق» بالالار كينوفەستيۆالىنىڭ اشىلۋ سالتاناتىنا «وسكار»، «التىن گلوبۋس» سىندى كينو ونەرىندەگى بەدەلدى سىيلىقتاردىڭ يەگەرى، امەريكالىق اكتەر، پروديۋسەر، كينورەجيسسەر نيكولاس كەيدج قاتىستى.

ەسكە سالا كەتسەك، 27 شىلدەدە "بالالار قازاق ٴمۋلتفيلمىن كورە مە؟" دەگەن ساۋالناما جۇرگىزگەن بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي