گەرمانيادا «قۇلاگەر» پوەماسى ساحنالاندى - مادەنيەت|31 ناۋرىز 2018، 14:43
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيادا «قۇلاگەر» پوەماسى ساحنالاندى

فوتو: karart.kz

گەرمانيانىڭ كەلن قالاسىندا ٴىلياس جانسۇگىروۆتىڭ «قۇلاگەر» پوەماسى جەر جاھاندا تۇڭعىش ساحنالاندى. رەجيسسەرى – سەلينوگراد وڭىرىندە تۋعان يرينا ميللەر، ال باستى ٴرولدىڭ ٴبىرىن سومداعان گۇزەل جان – ا.جۇبانوۆ مەكتەبىنىڭ، ميۋنحەن تەاتر اكادەمياسىنىڭ تۇلەگى، دەپ حابارلايدى baq.kz اقپارات اگەنتتىگى.

گەرمانيانىڭ كەلن قالاسىندا 150 شاقتى قازاق شاڭىراعى، 400-دەن استام قازاق بار. بۇل وڭىرگە قازاقتار سوناۋ 1965-تەن باستاپ كوشىپ كەلە باستاعان.

بۇل تۋرالى فەيسبۋك قولدانۋشىسى جادىرا جۇماكۇل جازدى. ونىڭ ايتۋىنشا، بار-جوعى ٴتورت-اق اكتەر (نەمىستىڭ ٴۇش ەر ازاماتى مەن قازاق قىزى) ويناعان قويىلىم نەمىس تىلىندە بولسا دا، اقاننىڭ زارىن، قۇلاگەردىڭ سەنىمدى جانۋار بولعاندىعىن، كورەالماۋشىلىق، قاستاندىق پەن قىزعانىش سىندى ٴقانعاسىڭدى جاعىمسىز قاسيەتتەرىمىزدىڭ ەردىڭ ەرىن قانداي كۇيگە تۇسىرگەنىن اڭعارۋ قيىن ەمەس. گۇزەلدىڭ اقان əندەرىن ناقىشىنا كەلتىرە شىرقاۋى، جىگىتتەردىڭ ٴبيى، قازاقتىڭ «سارىارقا» مەن «كوڭىل تولقىنى» كۇيلەرىنىڭ، «ماڭماڭگەر»، «بالقاديشا» əندەرىنىڭ ورىندى بەرىلۋى جۇرەكتى شىمىرلاتپاي قويمايدى.

رەجيسسەر ەندى وسى قويىلىمدى گەرمانيانىڭ استاناسى – بەرليندە، دۇنيەنىڭ باسقا دا بۇرىشتارىندا، قازاق توپىراعىندا قويىلسا دەگەن ارمانى دا بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي