BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە العاش رەت كۆن جازعى كۋبوگى وتەدى

«ەكسپو» حالىقارالىق كورمەسى اياسىندا قازاقستاندا العاش رەت كۆن جازعى كۋبوگى وتەدى. بۇل تۋرالى بۇگىن استانا قالالىق مادەنيەت، مۇراعات جانە قۇجاتتاما باسقارماسىنىڭ باسشىسى بولات ماجاعۇلوۆ ايتتى، دەپ حابارلايدى baq.kz ٴتىلشىسى.

كوپتەن كۇتكەن «ەكسپو» حالىقارالىق ماماندىرىلعان كورمەسىنە دە ساناۋلى كۇندەر قالدى. الەمنىڭ 115 ەلى مەن 21 حالىقارالىق ۇيىم قاتىساتىن ماڭىزدى شاراعا دايىندىق قىزۋ ٴجۇرىپ جاتىر. بۇگىن قالالىق اكىمدىكتە وتكەن ٴباسپاسوز ٴماسليحاتىندا بولات ماجاعۇلوۆ جازدىڭ ٴۇش ايىندا وتەتىن مادەني شارالار تۋرالى باياندادى.

مادەنيەت باسقارماسىنىڭ باسشىسى اتاپ وتكەندەي، بيىل حالىقارالىق كورمە اياسىندا ۇيىمداستىرىلعالى وتىرعان ٴىرى شارانىڭ ٴبىرى – كۆن جازعى كۋبوگى. جايدارمانشىلار شاراسى ەلىمىزدە العاش رەت وتكەلى وتىر.

«ەكسپو» كورمەسى اياسىندا وتەتىن ماڭىزدى شارالاردىڭ ٴبىرى – كۆن جازعى كۋبوگى. ۇلكەن الەكساندر ماسليكوۆتىڭ قاتىسۋىمەن وتەتىن كۆن جازعى كۋبوگى قازاقستاندا العاش رەت وتەدى. ويىنعا قاتىسۋ ٴۇشىن استاناعا سوڭعى جىلدارداعى جوعارعى ليگا چەمپيوندارى كەلەدى. ولار ازيا ميكس كومانداسى، كامىزياك كومانداسى، پياتيگورسك كومانداسى. سونداي-اق ساحناعا «كازاحي» كۆن قۇراما كومانداسى شىعادى»، - دەدى بولات ماجاعۇلوۆ.

باسقارما باسشىسىنىڭ ايتۋىنشا، 1 شىلدەدە وتەتىن كۆن جازعى كۋبوگى 300 ملن كورەرمەنى بار «پەرۆىي كانال» ەفيرىندە ترانسلياسيالانادى.

جازعى كۋبوكتىڭ بيلەت قۇنى ازىرگە كەلىسىلمەگەن. ب.ماجاعۇلوۆ بيلەت باعاسى وسى اپتانىڭ سوڭىنا دەيىن ناقتىلانىپ، ٴتيىستى اقپارات سايتتا جاريالانادى دەپ سەندىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي