BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى كىتاپحاناسىنىڭ مۋزەيىندە تۇراقتى ەكسپوزيسيالار اشىلدى

استانا، baq.kz. ەلباسى كىتاپحاناسىنىڭ مۋزەي عيماراتىندا قازاقستان رەسپۋبليكاسىنىڭ تاۋەلسىزدىك كۇنىنە وراي «الەم حالىقتارىنىڭ مۋزىكا اسپاپتارى»، «قازاقستاننىڭ سپورتتىق داڭقى» اتتى تۇراقتى تىڭ ەكسپوزيسيالاردىڭ اشىلۋ سالتاناتى ٴوتتى.

ٴىس-شارانى ەلباسى كىتاپحاناسى ديرەكتورىنىڭ ٴبىرىنشى ورىنباسارى ٴامىرحان راحىمجانوۆ اشتى.

"بۇگىنگى كۇندى ٴتۇسىنىپ-تۇيسىنۋ ٴۇشىن دە، بولاشاقتىڭ ديدارىن كوزگە ەلەستەتۋ ٴۇشىن دە كەشەگى كەزەڭگە كوز جىبەرۋىمىز كەرەك» دەپ مەملەكەت باسشىمىز ن. ٴا. نازاربايەۆ ايتقانداي، مەن ەڭ الدىمەن بارشاڭىزدى الداعى كەلە جاتقان قازاقستان رەسپۋبليكاسىنىڭ تاۋەلسىزدىك كۇنىمەن شىن جۇرەكتەن قۇتتىقتايمىن! بۇگىن كورەرمەن نازارىنا تاۋەلسىزدىك كۇنىنە وراي ەلباسى كىتاپحاناسىنىڭ قور جيناقتارىنىڭ نەگىزىندە دايىندالعان ەكى ۇلكەن تۇراقتى ەكسپوزيسيالارىمىزدى ۇسىنىپ وتىرمىز" - دەدى ول.

سونداي-اق ول، وسى جىلدار ىشىندە قور جيناقتارى ەلباسىنا شەتەلدىڭ مەملەكەت باسشىلارى مەن ٴتۇرلى قوعام قايراتكەرلەرىنەن تابىس ەتىلگەن شەتەلدەرىندەگى مۋزىكالىق اسپاپتاردىڭ تۇرلەرى مەن الەمدىك جانە حالىقارالىق سپورتتىق جارىستاردا اتوي سالعان جەڭىمپازداردىڭ جادىگەرلەرىمەن تولىعا تۇسكەنىن ايتتى.

"سونىمەن قاتار ٴبىزدىڭ قورىمىزدىڭ تاعى ٴبىر ماڭىزدىلىعى ارقىلى سپورتتىق جەتىستىكتەرىمىزگە كۋا بولاتىن تاريحي وقيعالاردى كەزەڭ-كەزەڭگە ٴبولىپ، وسى تاقىرىپتارعا سايكەس قۇجاتتىق، كىتاپتىق جانە جادىگەرلىك كەشەنى ارقىلى ەكسپوزيسيامىزدا بايانداۋدى ٴجون سانادىق. تاۋەلسىز ەلدىڭ ەڭ باستى تۇعىرى – سول مەملەكەتتەگى جەرگىلىكتى ۇلتتىڭ رۋحى، جىگەرى، قوعامدىق ساناسى. جاڭا الەمدەگى جاڭا قازاقستاننىڭ بۇگىنگى قۇدىرەتتى كۇشى ەل بىرلىگىندە، ۇلتتار تاتۋلىعىندا جاتىر دەپ ويلايمىن"،-دەدى ٴامىرحان مۇراتبەك ۇلى.

مادەني شارا بارىسىندا قازاقستان گەوگرافيالىق قوعامىنىڭ جانە قازاقستان بايكەرلەر قاۋىمداستىعىنىڭ پرەزيدەنتى، «دوستىق» وردەنىنىڭ يەگەرى دميتريي پەترۋحين، بوكستان حالىقارالىق دارەجەدەگى سپورت شەبەرى، 2010-2012 جىلدارى «استانا ارلاندارى» ساپىندا ونەر كورسەتكەن بىلعارى قولعاپ شەبەرىمەرەي اقشالوۆ جانە قر مەملەكەتتىك كۇزەت قىزمەتىنىڭ پرەزيدەنتتىك وركەسترىنىڭ ٴان جانە ەسترادا ٴانسامبلىنىڭ باسشىسى، كوركەمدىك جەتەكشىسى، قازاقستاننىڭ ەڭبەك سىڭىرگەن قايراتكەرى، مايور مارال ساحمەتوۆا دا ٴسوز سويلەپ، ٴوز ويلارىن ورتاعا سالدى.

«قازاقستاننىڭ سپورتتىق داڭقى» تۇراقتى كورمەسى ەلباسى كىتاپحاناسى مەن قر ۇلتتىق وليمپيادا كوميتەتىنىڭ ىنتىماقتاستىق جونىندەگى مەموراندۋمى اياسىندا ۇيىمداستىرىلاتىن ٴىس-شارالار قاتارىن جالعاستىرادى. ولاردىڭ شىمىلدىعىن اعىمداعى جىلدىڭ مامىر ايىندا ەلباسى كىتاپحاناسىندا ورنالاسقان «قازاقستانداعى وليمپيادا قوزعالىسى» تۇراقتى كورمەسى اشتى.

«الەم حالىقتارىنىڭ مۋزىكا اسپاپتارى» تۇراقتى كورمەسىن قۇرۋ يدەياسى «ەكسپو-2017» حالىقارالىق كورمەسىنىڭ اياسىندا مۋزەيدە ۇيىمداستىرىلعان كورمە قوناقتارىنىڭ وڭ پىكىرى مەن قىزىعۋشىلىعىنىڭ ناتيجەسىندە پايدا بولعان. اتالمىش كورمە قالا تۇرعىندارى مەن قوناقتارىنىڭ كوڭىلىنەن شىعىپ، سۇرانىس تۋدىردى.

مۋزىكا اسپاپتارىنىڭ جيناعى ەلباسى ن.ٴا. نازاربايەۆقا شەت مەملەكەت پەن ۇكىمەت باسشىلارىنىڭ، حالىقارالىق ۇيىمدار مەن قورلاردىڭ، شەتەلدىك دەلەگاسيالاردىڭ، ەل تۇرعىندارىنىڭ تارتۋلىق سىيلىقتارىنان تۇرادى. مۋزەي جيناعىنداعى مۋزىكا اسپاپتارىنىڭ كوللەكسياسىنا قاراپايىم اسپاپتاردان باستاپ، قۇرىلىمى مەن مۋزىكالىق ورىنداۋ مۇمكىندىكتەرى بويىنشا اسا كۇردەلى قۇرالدار دا كىرەدى. ولاردىڭ اراسىندا ۇرمەلى، شەرتپەلى، ىسقىلى، ۇرمالى جانە مەحانيكالىق سىندى مۋزىكا اسپاپتاردىڭ بارلىق تۇرلەرى كەزدەسەدى. ەكسپوزيسياعا جالپى ەسەپپەن 35 جادىگەر قويىلعان.

"ازيا ويىندارىنىڭ قارساڭىندا مەن وڭتۇستىك-شىعىس ازيانىڭ بارلىق ەلدەرىن ارالاپ، ولاردى ٴبىزدىڭ ۇلكەن ٴىس-شاراعا قاتىسۋعا شاقىردىم. ٴالى ەسىمدە، ٴفيليپپيننىڭ سپورت ٴمينيسترى وزدەرىندە قىس بولماعاندىقتان، قىسقى سپورت تۇرلەرىنىڭ جوقتىعىنان ٴوز سپورتشىلارىن ەۋروپا مەن رەسەيگە جاتتىعۋعا جىبەردى، سودان كەيىن ولار بىزگە ازيا ويىندارىندا كەلۋگە مۇمكىندىك الدى. وتانىمقازاقستانتۋرالى الەمنىڭ ٴارتۇرلى بولىكتەرىندە سويلەسكەن كەزىمدە بويىمدى قۋانىش پەن ماقتانىش سەزىمى كەرنەيدى. پرەزيدەنت ن.ا. نازاربايەۆتىڭ ارقاسىندا بۇكىل ەل بىلەدى. مەن قاراپايىم جۇمىسشىلارمەن، جاستارمەن كەزدەسىپ، قازاق جەرى تۋرالى ايتىپ، ٴوز ۇلەسىمدى قوسىپ كەلەمىن. شىنىن ايتسا، ىشكى ٴتۋريزمنىڭ ودان ٴارى دامىسا دەيمىن. ٴقازىر مەن قازاقستانداعى قاسيەتتى ورىندارعا ەكسپەديسيا جۇرگىزىپ جاتىرمىن. 10 ەلدىڭ بايكەرلەرى جازعا قاراي ەلىمىزدىڭ تۇپكىر-تۇپكىرىن ارالايتىن بولادى. سودان كەيىن الەمنىڭ 50 ەلىنەن قاتىسۋشىلار بالقاش كولىندە وتەتىن فەستيۆالدى تاماشالايدى. «بولاشاققا جولداۋ» ارقىلى قازاقستان دوستارىن شاقىراتىن بولادى - دەپ ايگىلى بايكەر-ساياحاتشى دميتريي پەترۋحين ٴوز جوسپارلارىمەن ٴبولىستى.

«قازاقستاننىڭ سپورتتىق داڭقى» ەكسپوزيسياسىندا مەملەكەت باسشىسىنا وتاندىق، شەتەلدىك سپورتشىلاردىڭ تارتۋ ەتكەن سىيلىقتارى، ەلباسىنىڭ جەكە ارحيۆىندەگى قۇجاتتار، قر ۇلتتىق وليمپيادا كوميتەتى ۇسىنعان ماتەريالدار مەن سپورتشىلاردىڭ جەكە زاتتارى ۇسىنىلعان. جادىگەرلەردىڭ قاتارىنان كەلۋشىلەر ۆ.جيروۆ پەن م.مازىمبايەۆتىڭ بەلبەۋىن، ا.ۆينوكۋروۆتىڭ ۆەلوسيپەدى مەن كيىمىن، ساياحاتشى-بايكەر د.ي.پەترۋحيننىڭ سىيلىقتارىن كورە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي