BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيلاننىڭ كونسەرتى، بۇقارالىق ۆەلوشەرۋ: استانادا وسى اپتادا قايدا بارۋعا بولادى

ەلوردا اكىمدىگىنىڭ رەسمي سايتى 13-19 تامىز ارالىعىندا وتەتىن مادەني جانە سپورتتىق ٴىس-شارالاردىڭ جوسپارىن ۇسىنادى، دەپ حابارلايدى ۆaq.kz اقپارات اگەنتتىگى.

استانانىڭ «ستوليچنىي»، «جەرۇيىق»، «ستۋدەنچەسكيي» ساياباقتارى مەن قالانىڭ تۇرعىن ٴۇي الاپتارىندا ەلوردانىڭ 20 جىلدىعىنا ارنالعان كونسەرتتىك باعدارلامالار جالعاسىن تابادى. تۇرعىن ٴۇي الاپتارىنىڭ تۇرعىندارى «دۋماندى سارىارقا» كونسەرتىن جەكسەنبىدە ساعات 15:00 جانە 19:00-دە تاماشالاي الادى. ال ەلوردا ساياباقتارىندا وتەتىن «ساياباقتىڭ جەتى كەرەمەتى» كونسەرتتەرىن جۇمىس كۇندەرى ساعات 14:00-دەن 18:00-گە دەيىن، دەمالىس كۇندەرى ساعات 12:00-دەن 16:00-گە دەيىن كورەرمەن نازارىنا ۇسىنىلاتىن بولادى.

13-19 تامىز ارالىعىندا تاۋەلسىزدىك سارايىندا قر ونەر اكادەمياسى دايىنداعان «استانا – ارمان قالا» اتتى قولدانبالى جانە كوركەمسۋرەت كورمەسى، «اقانايەۆتار اۋلەتى» جانە س. مۇسىرەپوۆتىڭ «جاڭا باستاۋ» جەكە كورمەلەرى، سونداي-اق، فوتوجۋرناليست، جەرگىلىكتى تاريحشى ن. يماموۆتىڭ شىعارماشىلىعىنا ارنالعان كورمە جۇمىس ىستەيدى. ەكسپوزيسيانى ساعات 10:00-دەن 18:00-گە دەيىن كورۋگە بولادى.

سەنبى جانە جەكسەنبى، 18 جانە 19 تامىزدا، ەلوردا سيركىندە استانا تۇرعىندارى مەن قوناقتارىنىڭ الدىندا ماسكەۋلىك «پلانەتا 13» نيكۋلين سيركى ونەر كورسەتەدى دەپ جوسپارلانعان. باستالۋى ساعات 17:00-دە.

سونىمەن قاتار، ٴبىر اپتا بويى ساعات 10:00-دەن 20:00-گە دەيىن استانالىقتاردى روبوتتار بالى قۋانتپاق. كەلۋشىلەردى امەريكا، ەۋروپا، وڭتۇستىك كورەيا جانە جاپونيا سياقتى ەلدەردەن اكەلىنگەن روبوتتار قۋانتاتىن بولادى. كەشتىڭ باستى قوناعى – ۇلىبريتانيالىق روبوت گۋمانويد تەسپيان. كۇلىپ-جىلاي الاتىن روبوت قوناقتارمەن اڭگىمە-دۇكەن قۇرىپ قانا قويماي، شەكسپيردىڭ شىعارمالارىن وقي الادى. ۇيىمداستىرۋشىلاردىڭ ايتۋىنشا، روبوت تەاترلاندىرىلعان قويىلىمدارعا دا قاتىسقان. ٴان سالىپ، كىتاپ وقيتىن تەحنيكانى «نۇر الەم» پاۆيلونىندا كورۋگە بولادى.

15 تامىزدا ساعات 19:00-دە استانا وپەرادا «بەنەفيس التا» كونسەرتى، 19 تامىزدا ساعات 18:00-دە «قۇتتى مەكەن اقتوبەدەن ٴان شاشۋ» كونسەرتى وتەدى.

ال كونگرەسس-ورتالىقتا 15 تامىزدا ديما بيلان ٴان شىرقايدى دەپ كۇتىلۋدە.

«استانا» كونسەرت زالىندا 16-20 تامىز ارالىعىندا ساعات 10:00-دەن 18:00-گە دەيىن ەلوردا تۇرعىندارى كورمە-جارمەڭكەنىڭ قوناعى اتانا الادى.

سونىمەن قاتار، بۇل كۇندەرى «ەتنواۋىل» ۇلتتىق-مادەني كەشەنىندە «الپامىس» تەاترلاندىرىلعان سيرك شوۋىن تاماشالاۋعا بولادى. «الپامىس» قويىلىمىنا ٴارتۇرلى ەلدەردىڭ 70 ٴارتىسى قاتىسادى. ولاردىڭ بارلىعى حالىقارالىق سيرك كونكۋرستارىنىڭ لاۋرەاتتارى مەن جوعارى دەڭگەيدەگى سپورتتىق جارىستاردىڭ جەڭىمپازدارى، du solei سيركى قويىلىمدارىنىڭ قاتىسۋشىلارى. باستالۋى ساعات 19:30-دا.

17 تامىزدا ساعات 18:00-دا قارجى مينيسترلىگى عيماراتىنىڭ الدىنداعى «سۆەتوچنىي» ساياباعىندا سپورت كۇنىنە ارنالعان ٴىس-شارالار جوسپارلانعان.

18 تامىزدا تاڭەرتەڭ مەملەكەتتىك رامىزدەر الاڭىنان «استانا-ارەنا» ستاديونىنا دەيىن بۇقارالىق ۆەلوشەرۋ ۇيىمداستىرىلادى.

18، 19 تامىزدا ەلوردا ساياباعىنىڭ امفيتەاترىندا تاڭەرتەڭنەن گرەپپلينگتەن رەسپۋبليكالىق «qazaq batyry championship» ٴتۋرنيرى وتپەك.

اپتانى استانانىڭ ساياباقتارىندا وتەتىن «fitness park astana» باعدارلاماسى اياسىنداعى سپورتتىق ٴىس-شارالار اياقتايدى. وتەتىن كۇنى: 19 تامىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي